ਦੀਵਾਨ ਨੇ ਜ਼ੋਰ ਦਿੰਦਿਆਂ, ਕਿਹਾ ਕਿ ਜਦੋਂ ਜਨਵਰੀ, 2024 ਵਿੱਚ 9 ਸਾਲਾਂ ਦਾ ਠੇਕਾ ਖ਼ਤਮ ਹੋਇਆ, ਤਾਂ ਨਗਰ ਨਿਗਮ ਕੋਲ ਕੋਈ ਬਦਲਵੀਂ ਯੋਜਨਾ ਤਿਆਰ ਨਹੀਂ ਸੀ। ਉਨ੍ਹਾਂ ਨੇ ਕਿਹਾ ਕਿ ਸ਼ਹਿਰ ਪ੍ਰਦੂਸ਼ਣ ਅਤੇ ਟ੍ਰੈਫਿਕ ਜਾਮ ਦੀ ਵਧਦੀ ਸਮੱਸਿਆ ਨਾਲ ਜੂਝ ਰਿਹਾ ਹੈ, ਪਰ ਇਸ ਦੇ ਬਾਵਜੂਦ ਕੋਈ ਵਿਕਲਪਿਕ ਟ੍ਰਾਂਸਪੋਰਟ ਯੋਜਨਾ ਐਲਾਨੀ ਨਹੀਂ ਗਈ। ਇਹ ਸਿਰਫ਼ ਆਵਾਜਾਈ ਦਾ ਸੰਕਟ ਨਹੀਂ ਹੈ, ਸਗੋਂ ਨਾਗਰਿਕਾਂ ਨਾਲ ਕੀਤਾ ਗਿਆ ਵਿਸ਼ਵਾਸਘਾਤ ਹੈ। ਨਗਰ ਨਿਗਮ ਵਿੱਚ ਕਾਰਜਕੁਸ਼ਲਤਾ ਦੀ ਘਾਟ ਨੇ ਲੁਧਿਆਣਾ ਨੂੰ ਭਰੋਸੇਯੋਗ ਬੱਸ ਸਰਵਿਸ ਤੋਂ ਵਾਂਝਾ ਕਰ ਦਿੱਤਾ ਹੈ। ਜਿਸ ਸ਼ਹਿਰ ਨੂੰ ਸਾਫ਼-ਸੁਥਰੀ ਅਤੇ ਕੁਸ਼ਲ ਪਬਲਿਕ ਟ੍ਰਾਂਸਪੋਰਟ ਦੀ ਸਭ ਤੋਂ ਵੱਧ ਲੋੜ ਹੈ, ਉੱਥੇ ਨਗਰ ਨਿਗਮ ਦੀ ਲਾਪਰਵਾਹੀ ਨੇ ਤਰੱਕੀ ਨੂੰ ਖਾਤਮੇ ਵਿੱਚ ਬਦਲ ਦਿੱਤਾ ਹੈ।
ਦੀਵਾਨ ਨੇ ਖ਼ੁਲਾਸਾ ਕੀਤਾ ਕਿ ਸਿਟੀ ਬੱਸਾਂ ਨੂੰ ਲੋਅ-ਫਲੋਰ ਡਿਜ਼ਾਈਨ ਨਾਲ ਇਸ ਲਈ ਤਿਆਰ ਕੀਤਾ ਗਿਆ ਸੀ, ਤਾਂ ਜੋ ਬਜ਼ੁਰਗ, ਨੌਜਵਾਨ, ਮਹਿਲਾਵਾਂ ਅਤੇ ਦਿਵਿਆਂਗ ਯਾਤਰੀ ਆਸਾਨੀ ਨਾਲ ਬੱਸ ਵਿੱਚ ਚੜ੍ਹ ਸਕਣ। ਉਨ੍ਹਾਂ ਨੇ ਕਿਹਾ ਕਿ ਇਹ ਸਮਾਵੇਸ਼ੀ ਪਬਲਿਕ ਟ੍ਰਾਂਸਪੋਰਟ ਵੱਲ ਇੱਕ ਪ੍ਰਗਤੀਸ਼ੀਲ ਕਦਮ ਸੀ। ਪਰ ਪ੍ਰੋਜੈਕਟ ਨੂੰ ਢਹਿ ਜਾਣ ਦੇਣ ਅਤੇ ਬੱਸਾਂ ਨੂੰ ਬੇਕਾਰ ਛੱਡ ਦੇਣ ਨਾਲ ਨਗਰ ਨਿਗਮ ਨੇ ਲੋਕਾਂ ਤੋਂ ਉਹ ਸੁਵਿਧਾ ਵੀ ਖੋਹ ਲਈ ਹੈ, ਜਿਹੜੀ ਉਨ੍ਹਾਂ ਨੂੰ ਪਹਿਲਾਂ ਮਿਲ ਰਹੀ ਸੀ। ਉਨ੍ਹਾਂ ਨੇ ਕਿਹਾ ਕਿ ਇਸ ਲੋਕ-ਪੱਖੀ ਬੱਸ ਬੇੜੇ ਦੀ ਸੁਰੱਖਿਆ ਯਕੀਨੀ ਬਣਾਉਣ ਅਤੇ ਸਰਵਿਸ ਵਿੱਚ ਵਿਸਥਾਰ ਕਰਨ ਦੀ ਬਜਾਏ ਨਗਰ ਨਿਗਮ ਦੀ ਲਾਪਰਵਾਹੀ ਨੇ ਇਸਨੂੰ ਤਬਾਹ ਕਰ ਦਿੱਤਾ ਹੈ, ਜਿਸ ਕਾਰਨ ਯਾਤਰੀ ਹੁਣ ਅਸੁਰੱਖਿਅਤ ਅਤੇ ਓਵਰਲੋਡ ਵਿਕਲਪਾਂ ‘ਤੇ ਨਿਰਭਰ ਹੋਣ ਲਈ ਮਜਬੂਰ ਹਨ।
ਬਾਕਸ
ਸਿਟੀ ਬੱਸ ਸਸਰਵਿਸ ਨੂੰ ਜਲਦੀ ਮੁੜ ਸ਼ੁਰੂ ਕਰਨ ਲਈ ਲੋਕ ਸਭਾ ਵਿੱਚ ਮੁੱਦਾ ਉਠਾਉਣ ਵੜਿੰਗ: ਦੀਵਾਨ
ਲੋਕ ਹਿੱਤ ਨੂੰ ਸਭ ਤੋਂ ਉੱਪਰ ਰੱਖਣ ਦੀ ਗੱਲ ਕਰਦਿਆਂ, ਦੀਵਾਨ ਨੇ ਲੁਧਿਆਣਾ ਤੋਂ ਸੰਸਦ ਮੈਂਬਰ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸੰਸਦ ਦੇ ਆਗਾਮੀ ਮਾਨਸੂਨ ਸੈਸ਼ਨ ਦੌਰਾਨ ਇਸ ਗੰਭੀਰ ਮੁੱਦੇ ਨੂੰ ਜ਼ੋਰਦਾਰ ਢੰਗ ਨਾਲ ਉਠਾਉਣ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਵੜਿੰਗ ਨੂੰ ਅਪੀਲ ਕਰਦੇ ਹਾਂ ਕਿ ਉਹ ਲੋਕ ਸਭਾ ਵਿੱਚ ਇਹ ਮਾਮਲਾ ਜੋਰਦਾਰ ਤਰੀਕੇ ਨਾਲ ਉਠਾਉਣ, ਸਿਟੀ ਬੱਸ ਸੇਵਾ ਨੂੰ ਤੁਰੰਤ ਮੁੜ ਸ਼ੁਰੂ ਕਰਵਾਉਣ ਲਈ ਦਬਾਅ ਬਣਾਉਣ ਅਤੇ ਇਸਦੇ ਠੱਪ ਹੋਣ ਲਈ ਜ਼ਿੰਮੇਵਾਰ ਨਗਰ ਨਿਗਮ ਦੇ ਅਧਿਕਾਰੀਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰਵਾਉਣ।
Leave a Reply