ਹਰਿਆਣਾ ਖ਼ਬਰਾਂ

ਹਰਿਆਣਾ ਸਰਕਾਰ ਨੇ ਹਮੇਸ਼ਾ ਨੋਜੁਆਨਾ ਨੂੰ ਆਪਣੀ ਨੀਤੀਆਂ ਦੇ ਕੇਂਦਰ ਵਿੱਚ ਰੱਖਦੇ ਹੋਏ ਚਲਾਈ ਅਨੇਕ ਨੋਜੁਆਨ ਕੇਂਦ੍ਰਿਤ ਯੋਜਨਾਵਾਂ – ਮੁੱਖ ਮੰਤਰੀ

ਮੁੱਖ ਮੰਤਰੀ ਨੇ ਪੰਚਕੂਲਾ ਵਿੱਚ 29ਵੇਂ ਰਾਸ਼ਟਰੀ ਯੁਵਾ ਮਹੋਤਸਵ -2026 ਵਿੱਚ ਹਿੱਸਾ ਲੈਣ ਵਾਲੇ ਹਰਿਆਣਾ ਸੂਬੇ ਦੇ ਵਫਦ ਨਾਲ ਆਯੋਜਿਤ ਪ੍ਰੇਰਣਾਦਾਈ ਸੰਵਾਦ ਪ੍ਰੋਗਰਾਮ ਦੀ ਮੁੱਖ ਮਹਿਮਾਨ ਵਜੋ ਕੀਤਾ ਸੰਬੋਧਿਤ

ਚੰਡੀਗੜ੍ਹ

,(  ਜਸਟਿਸ ਨਿਊਜ਼  )

ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਸਰਕਾਰ ਨੇ ਹਮੇਸ਼ਾ ਨੌਜੁਆਨਾਂ ਨੂੰ ਆਪਣੀ ਨੀਤੀਆਂ ਦੇ ਕੇਂਦਰ ਵਿੱਚ ਰੱਖਦੇ ਹੋਏ ਅਨੇਕ ਨੌਜੁਆਨ ਕੇਂਦ੍ਰਿਤ ਯੋਜਨਾਵਾਂ ਚਲਾਈਆਂ ਹਨ। ਉਨ੍ਹਾਂ ਨੇ ਕਿਹਾ ਕਿ ਕੇਂਦਰ ਅਤੇ ਸੂਬਾ ਸਰਕਾਰ ਨੇ ਪਿਛਲੇ ਇੱਕ ਦਿਹਾਕੇ ਵਿੱਚ ਉਹ ਕਰ ਦਿਖਾਇਆ ਹੈ ਜੋ ਹੋਰ ਸਰਕਾਰਾਂ ਕਈ ਦਿਹਾਕਿਆਂ ਵਿੱਚ ਨਹੀਂ ਕਰ ਸਕੀਆਂ।

          ਮੁੱਖ ਮੰਤਰੀ ਨੇ ਅੱਜ ਪੰਚਕੂਲਾ ਵਿੱਚ 29ਵੇਂ ਰਾਸ਼ਟਰੀ ਯੁਵਾ ਮਹੋਤਸਵ-2026 ਵਿੱਚ ਹਿੱਸਾ ਲੈਣ ਵਾਲੇ ਹਰਿਆਣਾ ਸੂਬੇ ਦੇ ਵਫਦ ਦੇ ਨਾਲ ਆਯੋਜਿਤ ਪ੍ਰੇਰਣਾਦਾਈ ਸੰਵਾਦ ਪ੍ਰੋਗਰਾਮ ਨੂੰ ਮੁੱਖ ਮਹਿਮਾਨ ਵਜੋ ਸੰਬੋਧਿਤ ਕਰ ਰਹੇ ਸਨ। ਇਸ ਮੌਕੇ ‘ਤੇ ਯੁਵਾ ਅਧਿਕਾਰਤਾ ਅਤੇ ਉਦਮਤਾ ਰਾਜ ਮੰਤਰੀ ਸ੍ਰੀ ਗੌਰਵ ਗੌਤਮ ਵੀ ਮੌਜੂਦ ਸਨ।

          ਇਸ ਤੋਂ ਪਹਿਲਾਂ ਮੁੱਖ ਮੰਤਰੀ ਨੇ ਰਾਸ਼ਟਰੀ ਯੁਵਾ ਮਹੋਤਸਵ -2026 ਵਿੱਚ ਹਿੱਸਾ ਲੈਣ ਵਾਲੇ 64 ਨੌਜੁਆਨਾਂ ਵਿੱਚ ਜੋਸ਼ ਭਰਦੇ ਹੋਏ ਉਨ੍ਹਾਂ ਦੇ ਨਾਲ ਸਮੂਹ ਫੋਟੋ ਖਿਚਵਾਈ ਅਤੇ ਵਫਦ ਨੂੰ ਝੰਡੀ ਦਿਖਾ ਕੇ ਰਵਾਨਾ ਕੀਤਾ। ਇਹ ਵਫਦ ਭਾਰਤ ਮੰਡਪਮ, ਨਵੀਂ ਦਿੱਲੀ ਵਿੱਚ 9 ਜਨਵਰੀ ਤੋਂ 12 ਜਨਵਰੀ ਤੱਕ ਆਯੋਜਿਤ ਹੋਣ ਵਾਲੇ ਰਾਸ਼ਟਰੀ ਯੁਵਾ ਮਹੋਤਸਵ-2026 ਵਿੱਚ ਹਰਿਆਣਾ ਦਾ ਪ੍ਰਤੀਨਿਧੀਤਵ ਕਰਣਗੇ ਅਤੇ ਵੱਖ-ਵੱਖ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣਗੇ। ਜਿਨ੍ਹਾਂ ਵਿੱਚ ਗਰੁੱਪ ਡਾਂਸ, ਵਾਦ-ਵਿਵਾਦ ਮੁਕਾਬਲਾ, ਪੇਂਟਿੰਗ, ਯੰਗ ਲੀਡਰਸ ਡਾਇਲਾਗ, ਹੈਕ ਫਾਰ ਸੋਸ਼ਲ ਕੋਜ਼, ਡਿਜਾਇਨ ਫਾਰ ਵਿਕਸਿਤ ਭਾਰਤ ਸ਼ਾਮਿਲ ਹਨ।

          ਮੁੱਖ ਮੰਤਰੀ ਨੇ ਵਫਦ ਨੂੰ ਝੰਡੀ ਦਿਖਾ ਕੇ ਰਵਾਨਾ ਕਰਦੇ ਬਾਅਦ ਨੌਜੁਆਨਾਂ ਨਾਲ ਸੰਵਾਦ ਕਰਦੇ ਹੋਏ ਕਿਹਾ ਕਿ ਇਹ ਝੰਡਾ ਸਿਰਫ ਕਪੜੇ ਦਾ ਇੱਕ ਟੁੱਕੜਾ ਨਹੀਂ ਹੈ। ਇਹ ਸਾਡੇ ਬਜੁਰਗਾਂ ਤੋਂ ਮਿਲੇ ਸੰਸਕਾਰਾਂ, ਸਾਡਾ ਵੀਰ ਸਭਿਆਚਾਰ ਅਤੇ ਸਾਡੇ ਨੌਜੁਆਨਾਂ ਦੀ ਹਿੰਮਤ ਦਾ ਪ੍ਰਤੀਕ ਹੈ। ਇਹ ਉਸ ਭਰੋਸੇ ਦਾ ਵਾਹਕ ਹੈ, ਜੋ ਅੱਜ ਪੂਰਾ ਸੂਬੇ ਤੁਹਾਡੇ ‘ਤੇ ਕਰ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਰਾਸ਼ਟਰੀ ਯੁਵਾ ਦਿਵਸ ਸੰਤ ਸਵਾਮੀ ਵਿਵੇਕਾਨੰਦ ਜੀ ਦੇ ਜਨਮਦਿਨ ‘ਤੇ ਆਯੋਜਿਤ ਕੀਤਾ ਜਾਂਦਾ ਹੈ। ਸਵਾਮੀ ਵਿਵੇਕਾਨੰਦ ਉਮਰ ਤੋਂ ਹੀ ਨਹੀਂ ਸਗੋ ਆਪਣੀ ਸੋਚ ਤੋਂ, ਆਪਦੇ ਮਨ ਤੋਂ, ਆਪਣੇ ਵਿਚਾਰਾਂ ਤੋਂ ਅਤੇ ਆਪਣੇ ਕਰਮਾਂ ਤੋਂ ਵੀ ਯੁਵਾ ਸਨ।

          ਉਨ੍ਹਾਂ ਨੇ ਕਿਹਾ ਕਿ ਕਿਸੇ ਵੀ ਰਾਸ਼ਟਰ ਦਾ ਭਵਿੱਖ ਉਸ ਦੀ ਨੌਜੁਆਨ ਸ਼ਕਤੀ ਤੋਂ ਤੈਅ ਹੁੰਦਾ ਹੈ। ਜਦੋਂ ਨੌਜੁਆਨ ਊਰਜਵਾਨ, ਸਿਖਿਅਤ, ਆਤਮਵਿਸ਼ਵਾਸੀ ਅਤੇ ਰਾਸ਼ਟਰ ਪ੍ਰਤੀ ਸਮਰਪਿਤ ਹੁੰਦੇ ਹਨ, ਉਦੋਂ ਕੋਈ ਵੀ ਟੀਚਾ ਅਸੰਭਵ ਨਹੀਂ ਹੁੰਦਾ, ਹਰਿਆਣਾ ਦੇ ਨੌਜੁਆਨ ਸਦਾ ਮਿਹਨਤੀ, ਅਨੁਸਾਸ਼ਿਤ ਅਤੇ ਰਾਸ਼ਟਰ ਭਗਤ ਰਹੇ ਹਨ। ਇਹੀ ਕਾਰਨ ਹੈ ਕਿ ਹਰਿਆਣਾ ਦਾ ਨੌਜੁਆਨ ਅੱਜ ਸੇਨਾ, ਖੇਡ, ਸਿਖਿਆ, ਖੇਤੀਬਾੜੀ, ਉਦਮਤਾ ਸਮੇਤ ਹਰ ਖੇਤਰ ਵਿੱਚ ਮੋਹਰੀ ਭੂਮਿਕਾ ਨਿਭਾ ਰਿਹਾ ਹੈ। ਇਸ ਤਰ੍ਹਾ ਸਾਡਾ ਲੋਕ ਸਭਿਆਚਾਰ-ਸਾਡੇ ਨਾਚ, ਸੰਗੀਤ, ਕਲਾ ਅਤੇ ਪਰੰਪਰਾਵਾਂ, ਸਾਦਗੀ, ਸ਼ਕਤੀ ਅਤੇ ਆਤਮਤਾ ਦਾ ਪ੍ਰਤੀਕ ਹਨ। ਰਾਸ਼ਟਰੀ ਯੁਵਾ ਮਹੋਤਸਵ ਵਿੱਚ ਜਦੋਂ ਤੁਸੀਂ ਇਸ ਦਾ ਪ੍ਰਦਰਸ਼ਨ ਕਰਣਗੇ, ਤਾਂ ਪੂਰੇ ਦੇਸ਼ ਨੂੰ ਹਰਿਆਣਾ ਦੀ ਆਤਮਾ ਦੇ ਦਰਸ਼ਨ ਹੋਣਗੇ।

          ਮੁੱਖ ਮੰਤਰੀ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਨੇ ਕਿਹਾ ਕਿ ਨੌਜੁਆਨ ਸਸ਼ਕਤੀਕਰਣ ਹੀ ਮਜਬੂਤ ਭਾਰਤ ਦੀ ਕੁੰਜੀ ਹੈ ਅਤੇ ਜੇਕਰ ਭਾਰਤ ਨੂੰ ਵਿਸ਼ਵਗੁਰੂ ਬਨਾਉਣਾ ਹੈ ਤਾਂ ਨੌਜੁਆਨਾ ਦੀ ਇਸ ਵਿੱਚ ਮਹਤੱਵਪੂਰਣ ਭੁਮਿਕਾ ਹੋਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਇਹ ਪ੍ਰਧਾਨ ਮੰਤਰੀ ਦੇ ਹੀ ਯਤਨਾਂ ਦਾ ਨਤੀਜਾ ਹੈ ਕਿ ਭਾਰਤ ਅੱਜ ਵਿਸ਼ਵ ਦੀ ਚੌਥੀ ਵੱਡੀ ਅਰਥਵਿਵਸਥਾ ਬਣ ਪਾਇਆ ਹੈ। ਊਨ੍ਹਾਂ ਦਾ ਸਪਨਾ ਭਾਰਤ ਨੂੰ 2047 ਤੱਕ ਵਿਕਸਿਤ ਭਾਰਤ ਅਤੇ ਵਿਸ਼ਵ ਦੀ ਸੱਭ ਤੋਂ ਵੱਡੀ ਅਰਥਵਿਵਸਥਾ ਬਨਾਉਣ ਦਾ ਹੈ।

          ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਹਰਿਆਣਾ ਦਾ ਵਰਨਣ ਕਰਦੇ ਹੋਏ ਦਸਿਆ ਕਿ ਮੌਜੂਦਾ ਸੂਬਾ ਸਰਕਾਰ ਨੇ ਸਦਾ ਪੂਰਾ ਯਤਨ ਕੀਤਾ ਹੈ ਕਿ ਨੌਜੁਆਨਾ ਦੀ ਪ੍ਰਤਿਭਾ ਦਾ ਸਨਮਾਨ ਹੋਵੇ। ਅਸੀਂ ਨੌਜੁਆਨ ਨੀਤੀ ‘ਤੇ ਕੰਮ ਕੀਤਾ ਹੈ। ਵਿਧਾਨਸਭਾ ਚੋਣਾਂ ਦਾ ਉਹ ਦੌਰ, ਜਦੋਂ ਉਨ੍ਹਾਂ ਨੇ ਨੌਜੁਆਨਾਂ ਨੂੰ ਵਾਅਦਾ ਕੀਤਾ ਸੀ ਕਿ ਅਹੁਦਾ ਗ੍ਰਹਿਣ ਕਰਦੇ ਹੀ ਸੱਭ ਤੋਂ ਪਹਿਲਾਂ 24 ਹਜਾਰ ਨੌਜੁਆਨਾਂ ਦੇ ਘਰਾਂ ਵਿੱਚ ਸਰਕਾਰੀ ਨੌਕਰੀ ਦਾ ਦੀਵਾ ਜੱਗੇਗਾ। ਅਸੀਂ ਆਪਣੇ ਉਸ ਵਚਨ ਨੂੰ ਪੱਥਰ ਦੀ ਲਕੀਰ ਮੰਨਿਆ ਅਤੇ 17 ਅਕਤੂਬਰ, 2024 ਨੂੰ ਕੈਬਨਿਟ ਗਠਨ ਦੇ ਨਾਲ ਹੀ 24 ਹਜਾਰ ਨੌਜੁਆਨਾਂ ਨੂੰ ਗਰੁੱਪ-ਸੀ ਦੀ ਨੌਕਰੀਆਂ ਦੇ ਨਿਯੁਕਤੀ ਪੱਤਰ ਸੌਂਪੇ ਗਏ।

          ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਸਿਰਫ ਸਰਕਾਰੀ ਨੌਕਰੀਆਂ ਤੱਕ ਹੀ ਸੀਮਤ ਨਹੀਂ ਰਹੀ, ਸਗੋ ਹਰਿਆਣਾ ਕੌਸ਼ਲ ਰੁਜ਼ਗਾਰ ਨਿਗਮ ਰਾਹੀਂ ਕੰਮ ਕਰ ਰਹੇ ਆਪਣੇ ਨੌਜੁਆਨਾਂ ਦੀ ਚਿੰਤਾ ਵੀ ਕੀਤੀ। ਸਰਕਾਰ ਨੇ ਕਾਨੂੰਨ ਬਣਾ ਕੇ ਉਨ੍ਹਾਂ ਦੇ ਭਵਿੱਖ ਨੂੰ ਸੁਰੱਖਿਅਤ ਕੀਤਾ ਹੈ। ਹੁਣ ਇੰਨ੍ਹਾਂ ਨੌਜੁਆਨਾਂ ਨੂੰ ਵੀ ਨਿਯਮਤ ਕਰਮਚਾਰੀਆਂ ਦੀ ਤਰ੍ਹਾ ਮਹਿੰਗਾਈ ਭੱਤਾ ਅਤੇ ਸਾਲਾਨਾ ਇੰਕ੍ਰੀਮੈਂਟ ਦਾ ਲਾਭ ਮਿਲੇਗਾ, ਤਾਂ ਜੋ ਉਹ ਪੂਰੇ ਮਾਨ-ਸਨਮਾਨ ਦੇ ਨਾਲ ਆਪਣਾ ਜੀਵਨ ਬਤੀਤ ਕਰ ਸਕਣ।

          ਮੁੱਖ ਮੰਤਰੀ ਨੇ ਡੰਕੀ ਰੂਟ ਰਾਹੀਂ ਵਿਦੇਸ਼ ਜਾਣ ਦੇ ਮਾਮਲਿਆਂ ‘ਤੇ ਚਿੰਤਾ ਜਾਹਰ ਕਰਦੇ ਹੋਏ ਕਿਹਾ ਕਿ ਇਸ ਧੋਖਾਧੜੀ ਅਤੇ ਅਵੈਧ ਏਜੰਟਾਂ ਦੇ ਖੇਡ ਨੁੰ ਖਤਮ ਕਰਨ ਲਈ ਸੂਬਾ ਸਰਕਾਰ ਨੇ 26 ਮਾਰਚ, 2025 ਨੂੰ ਵਿਧਾਨਸਭਾ ਵਿੱਚ ਇੱਕ ਇਤਿਹਾਸਕ ਬਿੱਲ ਪਾਸ ਕਰ ਕਾਨੂੰਨ ਬਣਾਇਆ ਹੈ। ਹੁਣ ਟ੍ਰੈਵਲ ਏਜੰਟਾਂ ਦੇ ਕੰਮ ਵਿੱਚ ਪਾਰਦਰਸ਼ਿਤਾ ਹੋਵੇਗੀ ਅਤੇ ਧੋਖਾਧੜੀ ਕਰਨ ਵਾਲੀ ‘ਤੇ ਨਕੇਲ ਕਸੀ ਜਾਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਚਾਹੁੰਦੇ ਹਨ ਕਿ ਸਾਡਾ ਨੌਜੁਆਨ ਵਿਦੇਸ਼ ਜਾਵੇ, ਪਰ ਸਨਮਾਨ ਅਤੇ ਸੁਰੱਖਿਆ ਦੇ ਨਾਲ ਜਾਵੇ। ਇਸੀ ਲੜੀ ਵਿੱਚ 1 ਲੱਖ 14 ਹਜਾਰ ਨੌਜੁਆਨਾਂ ਨੂੰ ਸਕਿਲ ਸਿਖਲਾਈ ਵੀ ਦਿੱਤੀ ਹੈ ਤਾਂ ਜੋ ਉਹ ਦੁਨੀਆਭਰ ਦੇ ਬਾਜਾਰਾਂ ਵਿੱਚ ਆਪਣੀ ਧਾਕ ਜਮ੍ਹਾ ਸਕਣ।

          ਇਸ ਤੋਂ ਪਹਿਲਾਂ ਨੌਜੁਆਨ ਅਧਿਕਾਰਤਾ ਅਤੇ ਉਦਮਾ ਰਾਜ ਮੰਤਰੀ ਸ੍ਰੀ ਗੌਰਵ ਗੌਤਮ ਨੇ ਕਿਹਾ ਕਿ ਹਰਿਆਣਾ ਰਾਜ ਤੋਂ ਵੱਖ-ਵੱਖ ਸ਼ੈਲੀਆਂ ਦੇ ਕੁੱਲ 64 ਪ੍ਰਤੀਭਾਗੀ ਜੋ ਕਿ ਹਰਿਆਣਾ ਦੇ ਵੱਖ-ਵੱਖ ਜਿਲ੍ਹਿਆਂ ਤੋਂ ਹਨ, ਕੌਮੀ ਪੱਧਰ ‘ਤੇ ਆਪਣੇ -ਆਪਣੇ ਖੇਤਰਾਂ ਵਿੱਚ ਜੌਹਰ ਦਿਖਾਉਣਗੇ ਅਤੇ ਆਪਣੇ ਹੁਨਰ ਦਾ ਪ੍ਰਦਰਸ਼ਨ ਕਰਣਗੇ। ਸ੍ਰੀ ਗੌਰਵ ਗੌਤਮ ਨੇ ਕਿਹਾ ਕਿ ਹਰਿਆਣਾ ਦੇ ਨੌਜੁਆਨ ਰਾਸ਼ਟਰੀ ਪੱਧਰ ‘ਤੇ ਸੂਬੇ ਦੀ ਵੱਖ ਛਾਪ ਛੱਡਣ ਦਾ ਕੰਮ ਕਰਣਗੇ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਦੇ ਹਰਿਆਣਾ ਦਾ ਨੌਜੁਆਨ ਸਿਰਫ ਪਰੰਪਰਾਵਾਂ ਦਾ ਵਾਹਨ ਨਹੀਂ, ਸਗੋ ਇਨੋਵੇਸ਼ਨ ਦਾ ਅਗਰਦੂਤ ਵੀ ਹੈ। ਸਾਡੇ ਨੌਜੁਆਨ ਸਟਾਰਟਅੱਪ ਰਾਹੀਂ ਰੁਜ਼ਗਾਰ ਸ੍ਰਿਜਨ ਕਰ ਰਹੇ ਹਨ, ਖੇਡਾਂ ਵਿੱਚ ਕੌਮਾਂਤਰੀ ਪੱਧਰ ‘ਤੇ ਤਿਰੰਗਾ ਫਹਿਰਾ ਰਹੇ ਹਨ, ਵਿਗਿਆਨ, ਤਕਨੀਕੀ, ਕਲਾ ਅਤੇ ਸਭਿਆਚਾਰ ਵਿੱਚ ਨਵੀਂ ਪਹਿਚਾਣ ਬਣਾ ਰਹੇ ਹਨ।

          ਇਸ ਮੌਕੇ ‘ਤੇ ਕਾਲਕਾ ਦੀ ਵਿਧਾਇਕ ਸ਼ਕਤੀ ਰਾਣੀ ਸ਼ਰਮਾ, ਵਿਧਾਨਸਭਾ ਦੇ ਸਾਬਕਾ ਸਪੀਕਰ ਗਿਆਨਚੰਦ ਗੁਪਤਾ, ਸੂਬਾ ਉੱਪ ਪ੍ਰਧਾਨ ਬੰਤੋਂ ਕਟਾਰਿਆ, ਜਿਲ੍ਹਾ ਪ੍ਰਧਾਨ ਅਜੈ ਮਿੱਤਲ, ਨੌਜੁਆਨ ਅਧਿਕਾਰਤਾ ਅਤੇ ਉਦਮਤਾ ਵਿਭਾਗ ਦੇ ਪ੍ਰਧਾਨ ਸਕੱਤਰ ਰਾਜੀਵ ਰੰਜਨ, ਨਿਦੇਸ਼ਕ ਵਿਵੇਕ ਅਗਰਵਾਲ, ਡਿਪਟੀ ਕਮਿਸ਼ਨਰ ਸਤਪਾਲ ਸ਼ਰਮਾ ਸਮੇਤ ਪ੍ਰਤੀਭਾਗੀ ਅਤੇ ਭਾਰੀ ਗਿਣਤੀ ਵਿੱਚ ਨੋਜੁਆਨ ਮੌਜੂਦ ਸਨ।

ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਵੇਸਟਰਨ ਕਮਾਂਡ ਮੁੱਖ ਦਫਤਰ, ਚੰਡੀਮੰਦਿਰ ਫੌਜੀ ਸਟੇਸ਼ਨ ਦਾ ਕੀਤਾ ਦੌਰਾ

ਮੁੱਖ ਮੰਤਰੀ ਨੇ ਆਪ੍ਰੇਸ਼ਨ ਸਿੰਦੂਰ ਅਤੇ ਮਨੁੱਖੀ ਸਹਾਇਤਾ ਦੌਰਾਨ ਵੇਸਟਰਨ ਕਮਾਂਡ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ

ਚੰਡੀਗੜ੍ਹ

(  ਜਸਟਿਸ ਨਿਊਜ਼  )

ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਅੱਜ ਵੇਸਟਰਨ ਕਮਾਂਡ ਮੁੱਖ ਦਫਤਰ, ਚੰਡੀਮੰਦਿਰ ਫੌਜੀ ਸਟੇਸ਼ਨ ਦਾ ਦੌਰਾ ਕੀਤਾ। ਇਸ ਮੌਕੇ ‘ਤੇ ਉਨ੍ਹਾਂ ਦਾ ਸਵਾਗਤ ਅਤੇ ਬ੍ਰੀਫਿੰਗ ਲੇਫਟੀਨੈਂਟ ਜਨਰਲ ਮਨੋਜ ਕੁਮਾਰ ਕਟਿਆਰ, ਆਰਮੀ ਕਮਾਂਡਰ, ਵੇਸਟਰਨ ਕਮਾਂਡ ਵੱਲੋਂ ਕੀਤੀ ਗਈ।

          ਦੌਰੇ ਦੀ ਸ਼ੁਰੂਆਤ ਵੇਸਟਰਨ ਕਮਾਂਡ ਮਿਊਜ਼ੀਅਮ ਦੇ ਅਵਲੋਕਨ ਤੋਂ ਹੋਈ, ਜਿੱਥੇ ਮੁੱਖ ਮੰਤਰੀ ਨੂੰ ਕਮਾਂਡ ਦੇ ਗੌਰਵਸ਼ਾਲੀ ਇਤਿਹਾਸ, ਪ੍ਰਮੁੱਖ ਫੌਜੀ ਮੁਹਿੰਮਾਂ, ਬਹਾਦਰੀ ਗਥਾਵਾਂ ਅਤੇ ਵਿਕਤਿਸ ਹੁੰਦੀ ਫੌਜੀ ਪਰੰਪਰਾਵਾਂ ਦੀ ਜਾਣਕਾਰੀ ਦਿੱਤੀ ਗਈ, ਜਿਸ ਨਾਲ ਇਸ ਦੀ ਪਰਿਚਾਲਨ ਵਿਰਾਸਤ ਦਾ ਸਮੂਚਾ ਦ੍ਰਿਸ਼ਟੀਕੋਣ ਸਾਹਮਣੇ ਆਇਆ।

          ਇਸ ਦੇ ਬਾਅਦ ਸੀਨੀਅਰ ਫੌਜੀ ਅਧਿਕਾਰੀਆਂ ਦੇ ਨਾਲ ਵਿਸਤਾਰ ਬ੍ਰੀਫਿੰਗ ਅਤੇ ਸੰਵਾਦ ਦੌਰਾਨ ਮੁੱਖ ਮੰਤਰੀ ਨੂੰ ਵੇਸਟਰਨ ਕਮਾਂਡ ਦੀ ਪ੍ਰਮੁੱਖ ਉਪਲਬਧੀਆਂ ਨਾਲ ਜਾਣੂ ਕਰਾਇਆ ਗਿਆ। ਇਸ ਵਿੱਚ ਆਪ੍ਰੇਸ਼ਨ ਸਿੰਦੂਰ ਤਹਿਤ ਉਪਲਬਧੀਆਂ, ਆਪ੍ਰੇਸ਼ਨ ਰਾਹਤ ਦੌਰਾਨ ਪ੍ਰਦੱਤ ਮਨੁੱਖੀ ਸਹਾਇਤਾ, ਚੱਲ ਰਹੀ ਭਰਤੀ ਰੈਲੀਆਂ, ਯੁਵਾ ਸੰਪਰਕ ਪ੍ਰੋਗਰਾਮ, ਲਾਜਿਸਟਿਕਸ ਸਮਾਰਟ ਸਿਸਟਮ, ਅਧੁਨੀਕੀਕਰਣ ਦੀ ਪਹਿਲ ਅਤੇ ਨਵੀਂ ਤਕਨਾਲੋਜੀਆਂ ਦੇ ਸਮਾਵੇਸ਼ ‘ਤੇ ਵਿਸ਼ੇਸ਼ ਰੂਪ ਨਾਲ ਚਾਨਣ ਪਾਇਆ ਗਿਆ।

          ਸਾਬਕਾ ਫੌਜੀਆਂ ਦੀ ਭਲਾਈ ਨਾਲ ਜੁੜੀ ਪਹਿਲਾਂ-ਜਿਸ ਵਿੱਚ ਸੀਨੀਅਰ ਵੇਟਰੰਸ ਵੀ ਸ਼ਾਮਿਲ ਹਨ-ਨੂੰ ਬ੍ਰੀਫਿੰਗ ਦੇ ਹਿੱਸੇ ਵਜੋ ਪੇਸ਼ ਕੀਤਾ ਗਿਆ, ਜੋ ਭਾਰਤੀ ਸੇਨਾ ਦੇ ਮਨੁੱਖ-ਕੇਂਦ੍ਰਿਤ ਦ੍ਰਿਸ਼ਟੀਕੋਣ ਅਤੇ ਸਾਬਕਾ ਫੌਜੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀ ਗਰਿਮਾ ਅਤੇ ਦੇਖਭਾਲ ਦੇ ਪ੍ਰਤੀ ਉਸਤੀ ਲਗਾਤਾਰ ਪ੍ਰਤੀਬੱਧਤਾ ਨੂੰ ਦਰਸ਼ਾਉਂਦਾ ਹੈ।

          ਮੁੱਖ ਮੰਤਰੀ ਨੇ ਆਪ੍ਰੇਸ਼ਨ ਸਿੰਦੂਰ ਅਤੇ ਮਨੁੱਖੀ ਸਹਾਇਤਾ ਦੌਰਾਨ ਵੇਸਟਰਨ ਕਮਾਂਡ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਸਾਬਕਾ ਫੌਜੀਆਂ ਨਾਲ ਸਬੰਧਿਤ ਵੱਖ-ਵੱਖ ਮੁੱਦਿਆਂ ਦੇ ਹੱਲ ਤਹਿਤ ਹਰਿਆਣਾ ਸਰਕਾਰ ਦੇ ਪੂਰਣ ਸਹਿਯੋਗ ਦਾ ਭਰੋਸਾ ਦਿੱਤਾ।

          ਦੌਰੇ ਦਾ ਸਮਾਪਨ ਮੁੱਖ ਮੰਤਰੀ ਅਤੇ ਆਰਮੀ ਕਮਾਂਡਰ ਦੇ ਵਿੱਚ ਸੰਖੇਪ ਇੱਕ-ਤੋਂ-ਇੱਕ ਸੰਵਾਦ ਦੇ ਨਾਲ ਹੋਇਆ, ਜਿਸ ਨਾਲ ਕੌਮੀ ਸੁਰੱਖਿਆ, ਯੁਵਾ ਸਸ਼ਕਤੀਕਰਣ ਅਤੇ ਸਾਬਕਾ ਫੌਜੀ ਭਲਾਈ ਦੇ ਪ੍ਰਤੀ ਮਜਬੂਤ ਨਾਗਰਿਕ-ਫੌਜੀ ਤਾਲਮੇਲ ਅਤੇ ਸਾਂਝੀ ਪ੍ਰਤੀਬੱਧਤਾ ਦੀ ਮੁੜ ਪੁਸ਼ਟੀ ਹੋਈ।

ਕੌਸ਼ਲ ਸਿਖਲਾਈ ਨੂੰ ਰੁਜ਼ਗਾਰ ਨਾਲ ਜੋੜਨਾ ਸਰਕਾਰ ਦੀ ਪ੍ਰਾਥਮਿਕਤਾ – ਮੰਤਰੀ ਗੌਰਵ ਗੌਤਮ

ਚੰਡੀਗੜ੍ਹ

(  ਜਸਟਿਸ ਨਿਊਜ਼  )

ਹਰਿਆਣਾ ਦੇ ਨੌਜੁਆਨ ਸਸ਼ਕਤੀਕਰਣ ਅਤੇ ਉਦਮਤਾ ਮੰਤਰੀ ਸ੍ਰੀ ਗੌਰਵ ਗੌਤਮ ਨੇ ਕਿਹਾ ਕਿ ਕੌਸ਼ਲ ਵਿਭਾਗ ਦਾ ਮੁੱਖ ਉਦੇਸ਼ ਸਿਰਫ ਸਿਖਲਾਈ ਦੇਣਾ ਨਹੀਂ, ਸਗੋ ਸਿਖਲਾਈ ਪ੍ਰਾਪਤ ਕਰਨ ਵਾਲੇ ਨੌਜੁਆਨਾਂ ਨੂੰ ਸਨਮਾਨਜਨਕ ਰੁਜ਼ਗਾਰ ਦਿਵਾਉਣਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਆਈਟੀਆਈ ਅਤੇ ਹੋਰ ਸਿਖਲਾਈ ਸਰੋਤਾਂ ਤੋਂ ਸਿਖਲਾਈ ਲੈਣ ਦੇ ਬਾਅਦ ਨੌਜੁਆਨਾ ਨੂੰ ਨੌਕਰੀ ਮਿਲੇ, ਇਹ ਯਕੀਨੀ ਕਰਨਾ ਸਰਕਾਰ ਅਤੇ ਵਿਭਾਗ ਦੀ ਸਮੂਹਿਕ ਜਿਮੇਵਾਰੀ ਹੈ। ਇਸ ਨਾਲ ਸੁਵਿਵਸਥਿਤ ਢੰਗ ਨਾਲ ਨਿਭਾਇਆ ਵੀ ਜਾ ਰਿਹਾ ਹੈ।

          ਮੰਤਰੀ ਪੰਚਕੂਲਾ ਸਥਿਤ ਕੌਸ਼ਲ ਭਵਨ ਵਿੱਚ ਸਕਿਲਡ ਯੂਨੀਵਰਸਿਟੀਆਂ ਦੇ ਵਾਇਸ ਚਾਂਸਲਰ (ਵੀਸੀ) ਰਜਿਸਟਰਾਰ ਅਤੇ ਉਦਯੋਗਿਕ ਸਿਖਲਾਈ ਅਦਾਰਿਆਂ (ਆਈਟੀਆਈ) ਨਾਲ ਜੁੜੇ ਵਿਭਾਗਾਂ ਦੇ ਅਧਿਕਾਰੀਆਂ ਦੇ ਨਾਲ ਹੋਈ ਸਮੀਖਿਆ ਮੀਟਿੰਗ ਦੀ ਅਗਵਾਈ ਕਰ ਰਹੇ ਸਨ।

          ਮੰਤਰੀ ਸ੍ਰੀ ਗੌਰਵ ਗੌਤਮ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਮੁੱਖ ਦਫਤਰ ਵਿੱਚ ਤੈਾਨਤ ਅਧਿਕਾਰੀਆਂ ਨੂੰ ਇੱਕ-ਇੱਕ ਜਿਲ੍ਹਾ ਦੀ ਜਿਮੇਵਾਰੀ ਦਿੱਤੀ ਜਾਵੇ, ਜੋ ਗਰਾਊਂਡ ਪੱਧਰ ‘ਤੇ ਜਾ ਕੇ ਆਈਟੀਆਈ ਦੇ ਭਵਨਾਂ ਦੀ ਫਿਟਨੈਸ ਦੀ ਜਾਂਚ ਕਰਨ ਅਤੇ ਜੇਕਰ ਕੋਈ ਭਵਨ ਖੰਡਰ ਹੈ ਤਾਂ ਉਨ੍ਹਾਂ ਦੀ ਰਿਪੋਰਟ ਤਿਆਰ ਕਰਨ, ਤਾਂ ਜੋ ਉੱਥੇ ਨਵੇਂ ਭਵਨ ਬਣਾਏ ਜਾ ਸਕਣ।

          ਉਨ੍ਹਾਂ ਨੇ ਕਿਹਾ ਕਿ ਹਰਿਆਣਾ ਕੌਸ਼ਲ ਵਿਭਾਗ ਨੌਜੁਆਨਾ ਨੂੰ ਵਿਦੇਸ਼ੀ ਪਲੇਸਮੈਂਟ ਦੇ ਮੌਕੇ ਵੀ ਉਪਲਬਧ ਕਰਵਾ ਰਹੀ ਹੈ ਅਤੇ ਇਸ ਦਿਸ਼ਾ ਵਿੱਚ ਯਤਨਾਂ ਨੁੰ ਹੋਰ ਤੇਜ ਕੀਤਾ ਜਾਣਾ ਚਾਹੀਦਾ ਹੈ, ਤਾਂ ਜੋ ਸੂਬੇ ਦੇ ਨੌਜੁਆਨਾ ਕੌਮਾਂਤਰੀ ਪੱਧਰੀ ‘ਤੇ ਆਪਣੀ ਪ੍ਰਤਿਭਾ ਦਿਖਾ ਸਕਣ। ਵਿਦੇਸ਼ੀ ਪਲੇਸਮੈਂਟ ਨਾਲ ਜੁੜੀ ਯੋਜਨਾਵਾਂ ਦਾ ਵੱਧ ਤੋਂ ਵੱਧ ਪ੍ਰਚਾਰ-ਪ੍ਰਸਾਰ ਕੀਤਾ ਜਾਵੇ, ਤਾਂ ਜੋ ਵੱਧ ਤੋਂ ਵੱਧ ਨੌਜੁਆਨ ਇੰਨ੍ਹਾਂ ਮੌਕਿਆਂ ਦਾ ਲਾਭ ਚੁੱਕ ਸਕਣ।

          ਉਨ੍ਹਾਂ ਨੇ ਕਿਹਾ ਕਿ ਸੂਬੇ ਵਿੱਚ ਰੁਜ਼ਗਾਰ ਮੇਲਿਆਂ ਵਿੱਚ ਹਿੱਸਾ ਲੈਣ ਵਾਲੀ ਕੰਪਨੀਆਂ ਤੋਂ ਮਿਲਣ ਵਾਲੀ ਮੌਜੂਦਾ ਪਲੇਸਮੈਂਟ ਅੰਕੜਿਆਂ ਦੀ ਨਿਯਮਤ ਸਮੀਖਿਆ ਕੀਤੀ ਜਾਵੇ।

          ਮੰਤਰੀ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਵਿਦਿਅਕ, ਪ੍ਰਸਾਸ਼ਨਿਕ ਅਤੇ ਬੁਨਿਆਦੀ ਢਾਂਚਿਆਂ ਨੂੰ ਪ੍ਰਾਥਮਿਕਤਾ ਦੇ ਆਧਾਰ ‘ਤੇ ਪੂਰਾ ਕੀਤਾ ਜਾਵੇ, ਤਾਂ ਜੋ ਹਰਿਆਣਾ ਕੌਸ਼ਲ ਵਿਭਾਗ ਦਾ ਮਿਸ਼ਨ ਸਮੇਂ ਬੱਧ ਅਤੇ ਪ੍ਰਭਾਵੀ ਢੰਗ ਨਾਲ ਪੂਰਾ ਹੋ ਸਕੇ।

          ਉਨ੍ਹਾਂ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਨੌਜੁਆਨ ਸਮਰੱਥ ਯੋਜਨਾ, ਫਲੈਗਸ਼ਿਪ ਸਕੀਮ, ਗੁਰੂ-ਸ਼ਿਸ਼ਅ ਯੋ੧ਨਾ ਸਮੇਤ ਸਾਰੇ ਮਹਤੱਵਪੂਰਣ ਯੋਜਨਾਵਾਂ ਨੂੰ ਨਿਰਧਾਰਿਤ ਸਮੇਂ ਵਿੱਚ ਪੂਰਾ ਕੀਤਾ ਜਾਵੇ।

          ਮੰਤਰੀ ਨੇ ਡਿਯੂਲ ਟ੍ਰੇਨਿੰਗ ਸਿਸਟਮ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਇਸ ਨਾਲ ਨੌਜੁਆਨਾਂ ਨੁੰ ਸਿਖਲਾਈ ਦੇ ਨਾਲ-ਨਾਲ ਵਿਵਹਾਰਕ ਤਜਰਬਾ ਵੀ ਮਿਲਦਾ ਹੈ, ਜੋ ਰੁਜ਼ਗਾਰ ਪਾਉਣ ਵਿੱਚ ਬੇਹੱਤ ਸਹਾਇਕ ਹਨ।

          ਮੀਟਿੰਗ ਵਿੱਚ ਯੁਵਾ ਸਸ਼ਕਤੀਕਰਣ ਅਤੇ ਉਦਮਤਾ ਵਿਭਾਗ ਦੇ ਪ੍ਰਧਾਨ ਸਕੱਤਰ ਸ੍ਰੀ ਰਾਜੀਵ ਰੰਜਨ, ਹਰਿਆਣਾ ਕੌਸ਼ਲ ਰੁਜ਼ਗਾਰ ਨਿਗਮ ਦੇ ਸੀਈਓ ਸ੍ਰੀ ਅਮਿਤ ਖੱਤਰੀ, ਸਕਿਲ ਡਿਵੇਲਪਮੈਂਟ ਐਂਡ ਇੰਡਸਟ੍ਰਿਅਲ ਹਰਿਆਣਾ ਦੇ ਮਹਾਨਿਦੇਸ਼ਕ ਸ੍ਰੀ ਵਿਵੇਕ ਅਗਰਵਾਲ, ਰੁਜ਼ਗਾਰ ਨਿਗਮ ਦੀ ਨਿਦੇਸ਼ਕ ਸ੍ਰੀਮਤੀ ਅੰਜੂ ਚੌਧਰੀ ਅਤੇ ਸ਼੍ਰੀ ਵਿਸ਼ਵਕਰਮਾ ਸਕਿਲ ਯੂਨੀਵਰਸਿਟੀ ਪਲਵਲ ਦੇ ਵਾਇਸ ਚਾਂਸਲਰ ਸ੍ਰੀ ਦਿਨੇਸ਼ ਕੁਮਾਰ ਤੇ ਹੋਰ ਅਧਿਕਾਰੀ ਮੌਜੂਦ ਰਹੇ।