4 ਸਾਲ ਤੋਂ ਨੌਕਰੀ ਲਈ ਸੰਘਰਸ਼ ਕਰ ਰਹੇ 5994 ਅਧਿਆਪਕ ਜੇਲੀਂ ਡੱਕੇ, ਜਨਤਕ ਜਥਬੰਦੀਆਂ ਦਾ ਵਫ਼ਦ ਐਸਐਸਪੀ ਨੂੰ ਮਿਲਿਆ 

ਸੰਗਰੂਰ,

   ਜਸਟਿਸ ਨਿਊਜ਼  )

ਪਿਛਲੇ ਦਿਨੀਂ ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਨੇ ਸੰਗਰੂਰ ਦਾ ਦੌਰਾ ਕੀਤਾ, ਪਿਛਲੇ ਸਾਢੇ ਚਾਰ ਸਾਲਾਂ ਤੋਂ ਰੁਜ਼ਗਾਰ ਲਈ ਆਪਣੀ ਹੱਕੀ ਨੌਕਰੀ ਲਈ ਘਰੋਂ ਬੇਘਰ ਹੋਏ 5994 ਭਰਤੀ ਦੇ ਸੰਘਰਸ਼ ਕਰ ਰਹੇ ਅਧਿਆਪਕ ਧੂਰੀ ਵਿਖੇ ਸ਼ਾਂਤੀ ਪੂਰਵਕ ਮਹੀਨੇ ਤੋਂ ਗੈਰ ਮਨੁੱਖੀ ਹਾਲਤਾਂ ਵਿੱਚ ਬੈਠੇ ਹਨ ਜਿਨਾਂ ਨੂੰ ਆਸ ਸੀ ਸਿੱਖਿਆ ਮੰਤਰੀ ਧੂਰੀ ਵਿਖੇ ਉਹਨਾਂ ਕੋਲ ਆਕੇ ਟਾਵਰ ਤੇ ਚੜੇ ਹਰਜੀਤ ਸਿੰਘ ਮਾਨਸਾ ਨੂੰ ਕੋਈ ਨੋਟੀਫਿਕੇਸ਼ਨ ਜਾਰੀ ਕਰਨ ਦਾ ਐਲਾਨ ਕਰ ਕੇ ਨੀਚੇ ਉਤਾਰ ਕੇ ਆਮ ਘਰਾਂ ਦੇ ਲੋਕ ਹੋਣ ਦਾ ਪ੍ਰਮਾਣ ਦੇਣਗੇ। ਪਰ ਹੋਇਆ ਇਸ ਤੋਂ ਉਲਟ ਸਿੱਖਿਆ ਮੰਤਰੀ ਨੇ ਆਉਣਾ ਤਾਂ ਕੀ ਸੀ,ਬੇਰੁਜ਼ਗਾਰ ਆਧਿਆਪਕਾਂ ਦੇ ਹੱਕੀ ਸੰਘਰਸ਼ ਨੂੰ ਮੂਲੋਂ ਹੀ ਵਿਸਾਰ ਦਿੱਤਾ ਗਿਆ,ਅੱਕੇ ਹੋਏ ਬੇਰੁਜਗਾਰਾਂ ਨੇ ਸਿਖਿਆ ਮੰਤਰੀ ਦੇ ਕਾਫਲੇ ਨੂੰ ਝੰਡੀਆਂ ਅਤੇ ਤਖਤੀਆਂ ਦਿਖਾ ਕੇ ਰੋਸ ਦਰਜ ਕਰਵਾਇਆ ਜਿਸ ਬਾਅਦ ਦਰਜਨਾਂ ਸੰਘਰਸ਼ਸੀਲ ਅਧਿਆਪਕਾਂ ਨੂੰ ਜ਼ਿਲਾ ਪੁਲਿਸ ਅਤੇ ਸਿਵਲ ਪ੍ਰਸਾਸ਼ਨ ਵੱਲੋਂ ਪੁਲੀਸ ਕੇਸ ਬਣਾ ਕੇ ਜੇਲੀਂ ਡੱਕ ਦਿੱਤਾ ਗਿਆ ਜਿਨ੍ਹਾਂ ਵਿੱਚ ਮਹਿਲਾ ਅਧਿਆਪਕ ਵੀ ਹਨ। ਚੇਤੇ ਰਹੇ ਸਰਕਾਰ ਵੱਲੋਂ ਇਹਨਾਂ ਅਧਿਆਪਕਾਂ ਦੀ ਭਰਤੀ ਦੀ ਪ੍ਰਕਿਰਿਆ ਵੀ ਮੁਕੰਮਲ ਹੋ ਗਈ ਹੈ ਜਿਨ੍ਹਾਂ ਵਿੱਚੋਂ 3000 ਆਧਿਆਪਕ ਨਿਯੁਕਤ ਕਰ ਦਿੱਤੇ ਗਏ ਪਰ ਸਰਕਾਰ ਬੈਕਲੋਗ ਦੀਆਂ ਅਸਾਮੀਆਂ ਤੋਂ ਭੱਜ ਰਹੀ ਹੈ। ਪੁਲੀਸ ਵੱਲੋਂ ਸ਼ਾਂਤਮਈ ਤਰੀਕੇ ਨਾਲ ਚੱਲ ਰਹੇ ਸੰਘਰਸ਼ ਨੂੰ ਵੀ ਖਦੇੜ ਕੇ ਲੋਕਤੰਤਰ ਦੀਆਂ ਧੱਜੀਆਂ ਉਡਾਈਆਂ ਗਈਆਂ ਹਨ। ਇਸ ਸਬੰਧੀ ਜਿਲ੍ਹੇ ਦੀਆਂ ਸਾਰੀਆਂ ਮਜਦੂਰ, ਕਿਸਾਨ, ਮੁਲਾਜ਼ਮ ਅਤੇ ਜਮਹੂਰੀ ਜਥਬੰਦੀਆਂ ਵੱਲੋਂ ਨੋਟਿਸ ਲੈਣ ਬਾਅਦ ਸੀਨੀਅਰ ਆਗੂਆਂ ਦਾ ਵਫ਼ਦ ਐਸ ਐਸ ਪੀ ਨੂੰ ਮਿਲਣ ਲਈ ਗਿਆ, ਐਸ ਐਸ ਪੀ ਵੱਲੋਂ ਐਸ ਪੀ ਨਵਰੀਤ ਸਿੰਘ ਵਿਰਕ ਨੇ ਵਫ਼ਦ ਨਾਲ ਪੂਰੀ ਗੱਲਬਾਤ ਕੀਤੀ ਗਈ। ਜਿਸ ਵਿੱਚ ਗਿਰਫਤਾਰ ਕੀਤੇ ਬੇਰੁਜ਼ਗਾਰ ਅਧਿਆਪਕਾਂ ਨੂੰ ਸੋਮਵਾਰ ਨੂੰ ਰਿਹਾਅ ਕਰਨ ਅਤੇ ਸਰਕਾਰ ਨਾਲ ਗੱਲਬਾਤ ਕਰਵਾ ਕੇ ਮਸਲੇ ਦਾ ਹੱਲ ਕਰਵਾਉਣ ਦਾ ਭਰੋਸਾ ਦਿੱਤਾ ਗਿਆ। ਜੱਥੇਬੰਦੀਆਂ ਵੱਲੋਂ ਇਸ ਧੱਕੇਸ਼ਾਹੀ ਦੀ ਸਖਤ ਨਿੰਦਾ ਕਰਦਿਆਂ 5994 ਅਧਿਆਪਕਾਂ ਦੇ ਸੰਘਰਸ਼ ਵਿੱਚ ਅਪਣਾ ਪੂਰਾ ਯੋਗਦਾਨ ਪਾਉਣ ਦਾ ਐਲਾਨ ਵੀ ਕੀਤਾ ਗਿਆ। ਵਫ਼ਦ ਵਿੱਚ ਸੰਘਰਸ਼ੀਲ ਜਥੇਬੰਦੀ ਦੇ ਆਗੂ ਬਲਵਿੰਦਰ ਕਾਕਾ, ਇਨਕਲਾਬੀ ਵਿਰਾਸਤ ਮੰਚ ਦੇ ਸੂਬਾ ਪ੍ਰਧਾਨ ਬਲਵੀਰ ਲੋਂਗੋਵਾਲ, ਤਰਕਸ਼ੀਲ ਸੁਸਾਇਟੀ ਪੰਜਾਬ ਦੇ ਸੂਬਾ ਆਗੂ ਜੁਝਾਰ ਲੋਂਗੋਵਾਲ, ਜੋਨ ਮੁੱਖੀ ਪਰਮਵੇਦ ,ਡੈਮੋਕਰੇਟਿਕ ਟੀਚਰਜ਼ ਫ਼ਰੰਟ (ਦੋਵਾਂ) ਦਾਤਾ ਸਿੰਘ ਨਮੋਲ , ਸੁਖਵਿੰਦਰ ਗਿਰ, ਗੋਰਮਿੰਟ ਟੀਚਰਜ਼ ਯੂਨੀਅਨ ਦੇ ਫ਼ਕੀਰ ਟਿੱਬਾ, ਬੱਗਾ ਸਿੰਘ,ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਉਗਰਾਹਾਂ ਦੇ ਕਰਮਜੀਤ ਮੰਡੇਰ, ਕਰਾਂਤੀਕਾਰੀ ਪੇਂਡੂ ਮਜਦੂਰ ਯੂਨੀਅਨ ਦੇ ਲਖਵੀਰ ਲੋਂਗੋਵਾਲ, ਬੇਰੁਜ਼ਗਾਰ ਅਧਿਆਪਕ ਮੋਰਚੇ ਦੇ ਰਮਨ ਮਲੋਟ, ਐਸ ਸੀ ਬੀ ਸੀ ਯੂਨੀਅਨ ਦੇ ਸੂਬਾ ਆਗੂ ਕ੍ਰਿਸ਼ਨ ਦੁੱਗਾਂ, ਕਿਰਤੀ ਕਿਸਾਨ ਯੂਨੀਅਨ ਦੇ ਭੁਪਿੰਦਰ ਲੌਂਗੋਵਾਲ, ਜਮਹੂਰੀ ਅਧਿਕਾਰ ਸਭਾ ਦੇ ਮਨਧੀਰ ਸਿੰਘ, ਦੇਸ਼ ਭਗਤ ਯਾਦਗਾਰ ਦੇ ਗੁਰਜੀਤ ਸਿੰਘ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਜਮਹੂਰੀ ਲੋਕ ਅਤੇ ਬੇਰੁਜ਼ਗਾਰ ਅਧਿਆਪਕ ਹਾਜ਼ਰ ਸਨ।