ਹਰਿਆਣਾ ਖ਼ਬਰਾਂ

ਚੰਡੀਗੜ੍ਹ

(ਜਸਟਿਸ ਨਿਊਜ਼  )

ਹਰਿਆਣਾ ਦੇ ਲੋਕ ਨਿਰਮਾਣ (ਭਵਨ ਅਤੇ ਸੜਕਾਂ) ਮੰਤਰੀ ਸ੍ਰੀ ਰਣਬੀਰ ਗੰਗਵਾ ਨੇ ਕਿਹਾ ਕਿ ਸੋਨੀਪਤ ਜਿਲ੍ਹਾ ਦੇ ਗਨੌਰ ਗ੍ਰੇਨ ਮਾਰਕਿਟ ਤੋਂ ਬਰਸਾਤੀ ਪਾਣੀ ਕੱਢਣ ਅਤੇ ਜੀਟੀ ਰੋਡ ਤੋਂ ਰੇਲਵੇ ਸਟੇਸ਼ਨ ਤੱਕ ਆਉਣ ਵਾਲੀ ਸੜਕ ਦੇ ਕਿਨਾਰੇ ਬਰਸਾਤੀ ਪਾਣੀ ਕੱਢਣ ਵਾਲੀ ਪਾਇਪਲਾਇਨ ਵਿਛਾਉਣ ਲਈ 1399 ਲੱਖ ਰੁਪਏ ਦੇ ਅੰਦਾਜਾ ਤਿਆਰ ਕੀਤੇ ਗਏ ਹਨ। ਇਸ ਦੇ ਨਿਰਮਾਣ ਲਈ ਹਰਿਆਣਾ ਰਾਜ ਖੇਤੀਬਾੜੀ ਮਾਰਕਟਿੰਗ ਬੋਰਡ ਨੂੰ ਜਮੀਨ ਲਈ ਲਿਖਿਆ ਗਿਆ ਹੈ ਅਤੇ ਅਗਾਮੀ ਦੋ ਸਾਲ ਵਿੱਚ ਕੰਮ ਪੂਰਾ ਹੋ ਜਾਵੇਗਾ।

          ਸ੍ਰੀ ਗੰਗਵਾ ਅੱਜ ਹਰਿਆਣਾ ਵਿਧਾਨਸਭਾ ਵਿੱਚ ਸਰਦੀ ਰੁੱਤ ਸੈਸ਼ਨ ਦੌਰਾਨ ਵਿਧਾਇਕ ਸ੍ਰੀ ਦੇਵੇਂਦਰ ਕਾਦਿਆਨ ਵੱਲੋਂ ਪੁੱਛੇ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

ਚੰਡੀਗੜ੍ਹ

  ( ਜਸਟਿਸ ਨਿਊਜ਼  )

ਹਰਿਆਣਾ ਦੇ ਲੋਕ ਨਿਰਮਾਣ (ਭਵਨ ਅਤੇ ਸੜਕਾਂ) ਮੰਤਰੀ ਸ੍ਰੀ ਰਣਬੀਰ ਗੰਗਵਾ ਨੇ ਕਿਹਾ ਕਿ ਕਰਨਾਲ ਜਿਲ੍ਹਾਂ ਦੇ ਨੀਲੋਖੇੜੀ ਵਿਧਾਨਸਭਾ ਵਿੱਚ 100 ਬੈਡ ਹਸਪਤਾਲ ਦੇ ਬਾਕੀ ਕੰਮ ਲਈ ਟੈਂਡਰ ਮੰਗੇ ਜਾ ਚੁੱਕੇ ਹਨ। ਇਸ ਦੇ ਬਾਅਦ ਕੰਮ ਸ਼ੁਰੂ ਹੋਣ ਵਿੱਚ ਦੋ ਮਹੀਨੇ ਦਾ ਸਮੇਂ ਲੱਗੇਗਾ ਅਤੇ ਹਸਪਤਾਲ ਦੇ ਨਿਰਮਾਣ ਕੰਮ ਜੂਨ 2027 ਤੱਕ ਪੂਰੇ ਹੋਣ ਦੀ ਸੰਭਾਵਨਾ ਹੈ।

          ਸ੍ਰੀ ਗੰਗਵਾ ਅੱਜ ਹਰਿਆਣਾ ਵਿਧਾਨਸਭਾ ਵਿੱਚ ਸਰਦੀ ਰੁੱਤ ਸੈਸ਼ਨ ਦੌਰਾਨ ਵਿਧਾਇਕ ਸ੍ਰੀ ਭਗਵਾਨ ਦਾਸ ਕਬੀਰਪੰਥੀ ਵੱਲੋਂ ਪੁੱਛੇ ਗਏ ਇੱਕ ਸੁਆਲ ਦੇ ਜਵਾਬ ਦੇ ਰਹੇ ਸਨ।

          ਉਨ੍ਹਾਂ ਨੇ ਦਸਿਆ ਕਿ ਇਸੀ ਤਰ੍ਹਾ ਕਰਨਾਲ ਜਿਲ੍ਹਾ ਦੇ ਨੀਲੋਖੇੜੀ ਵਿਧਾਨਸਭਾ ਖੇਤਰ ਦੇ ਗੁਲਾਰਪੁਰ, ਸਾਗਾ ਅਤੇ ਸਮਾਨ ਬਹੁ ਦੇ ਪ੍ਰਾਥਮਿਕ ਸਿਹਤ ਕੇਂਦਰਾਂ ਦੇ ਬਾਕੀ ਕੰਮ ਲਈ ਸੋਧ ਅੰਦਾਜਾ ਲਾਗਤ ਮਹਾਨਿਦੇਸ਼ਕ, ਸਿਹਤ ਸੇਵਾਵਾਂ ਵਿਭਾਂਗ ਨੂੰ ਭੇਜ ਦਿੱਤੀ ਗਈ ਹੈ।

ਚੰਡੀਗੜ੍ਹ

(  ਜਸਟਿਸ ਨਿਊਜ਼ )

ਹਰਿਆਣਾ ਦੇ ਲੋਕ ਨਿਰਮਾਣ (ਭਵਨ ਅਤੇ ਸੜਕਾਂ) ਮੰਤਰੀ ਸ੍ਰੀ ਰਣਬੀਰ ਗੰਗਵਾ ਨੇ ਕਿਹਾ ਕਿ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਦਾ ਦ੍ਰਿਸ਼ਟੀਕੋਣ ਸਪਸ਼ਟ ਹੈ ਅਤੇ ਉਹ ਜਨਹਿਤ ਵਿੱਚ ਅਨੇਕ ਦੂਰਦਰਸ਼ੀ ਫੈਸਲਾ ਲੈ ਰਹੇ ਹਨ। ਇਸ ਨਾਲ ਰਾਜ ਵਿੱਚ ਵਿਕਾਸ ਦੇ ਨਵੇਂ ਮਜਬੁਤ ਮੁਕਾਮ ਸਥਾਪਿਤ ਹੋ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਪਿਛਲੀ 21 ਸਤੰਬਰ ਨੂੰ ਮੁੱਖ ਮੰਤਰੀ ਨੇ ਹਿਸਾਰ ਤੋਂ ਪੂਰੇ ਸੂਬੇ ਦੀ ਵੱਖ-ਵੱਖ ਵਿਭਾਗਾਂ ਦੀ 9,410 ਕਿਲੋਮੀਟਰ ਲੰਬਾਈ ਦੀ ਸੜਕਾਂ ਦਾ ਵਿਸ਼ੇਸ਼ ਮੁਰੰਮਤ ਦਾ ਕੰਮ ਦੀ ਸ਼ੁਰੂਆਤ ਕੀਤੀ ਸੀ, ਜਿਸ ਵਿੱਚ ਬਦੌਦਾ ਵਿਧਾਨਸਭਾ ਦੀ ਸੜਕਾਂ ਵੀ ਸ਼ਾਮਿਲ ਹਨ। ਇੰਨ੍ਹਾਂ ਸੜਕਾਂ ਵਿੱਚ 6,179 ਕਿਲੋਮੀਟਰ ਦੀ ਸੜਕਾਂ ਪੀਡਬਲਿਯੂਡੀ ਵਿਭਾਗ ਨਾਲ ਸਬੰਧਿਤ ਹਨ, ਜਿਸ ‘ਤੇ ਤੇਜੀ ਨਾਂਲ ਲਗਾਤਾਰ ਕੰਮ ਚੱਲ ਰਿਹਾ ਹੈ।

          ਸ੍ਰੀ ਗੰਗਵਾ ਅੱਜ ਹਰਿਆਣਾ ਵਿਧਾਨਸਭਾ ਵਿੱਚ ਸਰਦੀ ਰੁੱਤ ਸੈਸ਼ਨ ਦੌਰਾਨ ਵਿਧਾਇਕ ਸ੍ਰੀ ਇੰਦੂਰਾਜ ਨਰਵਾਲ ਵੱਲੋਂ ਪੁੱਛੇ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

          ਉਨ੍ਹਾਂ ਨੇ ਦਸਿਆ ਕਿ ਬਰੌਦਾ ਵਿਧਾਨਸਭਾ ਵਿੱਚ ਕੁੱਲ 452 ਕਿਲੋਮੀਟਰ ਸੜਕਾਂ ਹਨ ਜਿਸ ਵਿੱਚੋਂ 54.46 ਕਿਲੋਮੀਟਰ ਸੜਕਾਂ ਖਰਾਬ ਹਾਲਤ ਵਿੱਚ ਸੀ। ਇਸ ਸਮੇਂ 5 ਸੜਕਾਂ ‘ਤੇ ਕੰਮ ਚੱਲ ਰਿਹਾ ਹੈ। ਦੋ ਸੜਕਾਂ ਪੂਰੀ ਹੋ ਗਈਆਂ ਹਨ ਅਤੇ ਤਿੰਨ ਸੜਕਾਂ ‘ਤੇ ਕੰਮ ਚੱਲ ਰਿਹਾ ਹੈ। ਉਨ੍ਹਾਂ ਨੇ ਦਸਿਆ ਕਿ ਬਾਕੀ ਸੜਕਾਂ ਦਾ ਜਲਦੀ ਏਸਟੀਮੇਟ ਬਣਾਂ ਕੇ ਕੰਮ ਸ਼ੁਰੂ ਕਰ ਦਿੱਤਾ ਜਾਵੇਗਾ।

          ਉਨ੍ਹਾਂ ਨੇ ਦਸਿਆ ਕਿ ਬਰੌਦਾ ਵਿਧਾਨਸਭਾ ਖੇਤਰ 18 ਸੜਕਾਂ ਦੇ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਇੰਨ੍ਹਾਂ ਵਿੱਚ ਚਿੜਾਨਾ ਤੋਂ ਬੁਵਾਨਾ ਲਾਖੂ, ਸਿਰਸਾੜ ਅਪ੍ਰੋਚ ਰੋਡ, ਜਗਾਸੀ ਤੋਂ ਛਤੈਹਰਾ, ਬੁਸਾਨਾ ਤੋਂ ਮਲਾਡ, ਇਸ਼ਾਪੁਰ ਖੇੜੀ ਤੋਂ ਗੰਗਨਾ, ਗੋਹਾਨਾ ਤੋਂ ਸਿਸਾਨਾ ਰੋਡ ਤੋਂ ਮਿਵਾਨਾ ਵਾਇਆ ਅਨਵਲੀ, ਭੈਂਸਵਾਲ ਕਲਾਂ/ਖੁਰਦ ਅਪ੍ਰੋਚ ਰੋਡ, ਐਨਐਚ -71 ਤੋਂ ਪੁੱਠੀ ਤੋਂ ਮੋਈ ਤੋਂ ਰਿਵਾੜਾ ਤੋਂ ਕੱਟਵਾਲ ਤੱਕ, ਕਥੂਰਾ ਤੋਂ ਛਪਰਾ, ਮਾਹਰਾ ਤੋਂ ਠਸਕਾ, ਮੋਈ ਹੁਡਾ ਦੀ ਫਿਰਨੀ, ਠਸਕਾ ਤੋਂ ਅਪ੍ਰੋਚ ਰੋਡ, ਮੋਈ ਹੁਡਾ ਤੋਂ ਖਾਨਪੁਰ ਕਲਾਂ, ਰਭੜਾ ਤੋਂ ਸਿਕੰਦਰਪੁਰ ਮਾਜਰਾ, ਭਾਵੜ ਤੋਂ ਭੰਭੇਵਾ, ਰਿਢਾਨਾ ਤੋਂ ਘੜਵਾਲ, ਭਾਦੋਠੀ ਤੋਂ ਦੁਰਾਣਾ ਅਤੇ ੧ਵਾਹਰਾ ਅਤੇ ਬਨਵਾਸਾ ਤੋਂ ਛਪਰਾ ਸ਼ਾਮਿਲ ਹਨ।

ਚੰਡੀਗੜ੍ਹ

( ਜਸਟਿਸ ਨਿਊਜ਼  )

-ਹਰਿਆਣਾ ਦੇ ਜਨਸਿਹਤ ਇੰਜਿਨਿਅਰਿੰਗ ਮੰਤਰੀ ਸ੍ਰੀ ਰਣਬੀਰ ਗੰਗਵਾ ਨੇ ਕਿਹਾ ਕਿ ਨੂੰਹ ਸ਼ਹਿਰ ਵਿੱਚ ਸਾਲ 2025 ਵਿੱਚ ਵੱਧ ਮੀਂਹ ਕਾਰਨ ਹੋਏ ਜਲਭਰਾਵ ਦੀ ਸਮੱਸਿਆ ਦੇ ਹੱਲ ਲਈ 18.47 ਕਰੋੜ ਰੁਪਏ ਦੀ ਪ੍ਰਸ਼ਾਸਨਿਕ ਮੰਜ਼ੂਰੀ 28 ਅਕਤੂਬਰ 2025 ਨੂੰ ਪ੍ਰਦਾਨ ਕੀਤੀ ਗਈ ਹੈ। ਇਸ ਦੇ ਰਫ਼ ਏਸਟੀਮੇਟ ਤਿਆਰ ਕਰ ਲਏ ਗਏ ਹਨ ਅਤੇ ਆਗਾਮੀ 4 ਮਹੀਨਿਆਂ ਤੱਕ ਇਸ ਦਾ ਟੈਂਡਰ ਮਿਲ ਜਾਵੇਗਾ ਜਿਸ ਤੋਂ ਬਾਅਦ ਇਸ ਨੂੰ ਪੂਰਾ ਕਰਨ ਦਾ ਕੰਮ ਕਰਨਗੇ।

ਸ੍ਰੀ ਗੰਗਵਾ ਅੱਜ ਹਰਿਆਣਾ ਵਿਧਾਨਸਭਾ ਵਿੱਚ ਸ਼ਰਦ ਰੁੱਤ ਸ਼ੈਸ਼ਨ ਦੌਰਾਨ ਵਿਧਾਇਕ ਚੌਧਰੀ ਆਫ਼ਤਾਬ ਅਹਿਮਦ ਵੱਲੋਂ ਪੁੱਛੇ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

ਉਨ੍ਹਾਂ ਨੇ ਕਿਹਾ ਕਿ ਮੌਜ਼ੂਦਾ ਸਰਕਾਰ ਹਰ ਸਮੱਸਿਆ ਦਾ ਹੱਲ ਕਰਨ ਲਈ ਗੰਭੀਰ ਹੈ ਅਤੇ ਉਨ੍ਹਾਂ ਨੇ ਭਰੋਸਾ ਦਿੱਤਾ ਕਿ ਜਲਭਰਾਵ ਦੀ ਸਮੱਸਿਆ ਦਾ ਹੱਲ ਜਲਦ ਹੋ ਜਾਵੇਗਾ।

ਰਾਜ ਸਰਕਾਰ ਨੇ ਕੋੋਸਲੀ ਵਿੱਚ 11.57 ਕਰੋੜ ਰੁਪਏ ਦੀ ਲਾਗਤ ਨਾਲ ਇੱਕ ਨਵੇਂ ਸਭ-ਡਿਪੋ ਦੀ ਸਥਾਪਨਾ ਦੇ ਪ੍ਰਸਤਾਵ ਨੂੰ ਦਿੱਤੀ ਮੰਜ਼ੂਰੀ-ਟ੍ਰਾਂਸਪੋਰਟ ਮੰਤਰੀ ਸ੍ਰੀ ਅਨਿਲ ਵਿਜ

ਸਭ-ਡਿਪੋ ਲਈ 92 ਨਵੀਂ ਅਸਾਮਿਆਂ ਦੀ ਮੰਜ਼ੂਰੀ ਵੀ ਪ੍ਰਦਾਨ ਕੀਤੀ

ਚੰਡੀਗੜ੍ਹ

( ਜਸਟਿਸ ਨਿਊਜ਼  )

ਰਿਆਣਾ ਦੇ ਟ੍ਰਾਂਸਪੋਰਟ ਮੰਤਰੀ ਸ੍ਰੀ ਅਨਿਲ ਵਿਜ ਨੇ ਕਿਹਾ ਕਿ ਨਵੰਬਰ, 2025 ਵਿੱਚ ਰਾਜ ਸਰਕਾਰ ਵੱਲੋਂ 11.57 ਕਰੋੜ ਰੁਪਏ ਦੀ ਲਾਗਤ ਨਾਲ ਕੋਸਲੀ ਵਿੱਚ ਇੱਕ ਨਵੇਂ ਸਭ-ਡਿਪੋ ਦੀ ਸਥਾਪਨਾ ਦੇ ਪ੍ਰਸਤਾਵ ਨੂੰ ਮੰਜ਼ੂਰੀ ਦਿੱਤੀ ਗਈ ਹੈ। ਇਸ ਦੇ ਲਈ 92 ਨਵੀਂ ਅਸਾਮਿਆਂ ਦੀ ਮੰਜ਼ੂਰੀ ਵੀ ਪ੍ਰਦਾਨ ਕੀਤੀ ਗਈ ਹੈ।

ਸ੍ਰੀ ਵਿਜ ਸੋਮਵਾਰ ਨੂੰ ਇੱਥੇ ਚੰਡੀਗੜ੍ਹ ਵਿੱਚ ਹਰਿਆਣਾ ਵਿਧਾਨਸਭਾ ਵਿੱਚ ਚਲ ਰਹੇ ਸ਼ਰਦ ਰੁੱਤ ਸ਼ੈਸ਼ਨ ਵਿੱਚ ਲੱਗੇ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

ਟ੍ਰਾਂਸਪੋਰਟ ਮੰਤਰੀ ਨੇ ਕਿਹਾ ਕਿ ਕੋਸਲੀ ਵਿੱਚ ਇੱਕ ਸਭ-ਡਿਪੋ ਪੱਧਰ ਦੀ ਕਰਮਸ਼ਾਲਾ ਵੀ ਸਥਾਪਿਤ ਕੀਤੀ ਗਈ ਹੈ।

ਚੰਡੀਗੜ੍ਹ

(  ਜਸਟਿਸ ਨਿਊਜ਼ )

ਹਰਿਆਣਾ ਦੇ ਲੋਕ ਨਿਰਮਾਣ (ਭਵਨ ਅਤੇ ਸੜਕਾਂ) ਮੰਤਰੀ ਸ੍ਰੀ ਰਣਬੀਰ ਗੰਗਵਾ ਨੇ ਕਿਹਾ ਕਿ ਹਰਿਆਣਾ ਸਰਕਾਰ ਨੇ ਸੋਨੀਪਤ ਜਿਲ੍ਹਾ ਦੇ ਗਨੌਰ ਕਸਬੇ ਵਿੱਚ ਕੈਲਾਨਾ ਚੌਕ ਤੋਂ ਖਾਨਪੁਰ ਤੱਕ 16.15 ਕਿਲੋਮੀਟਰ ਲੰਬੀ ਸੜਕ ਨੂੰ ਮਜਬੂਤ ਕਰਨ ਦੇ ਲਈ ਅਕਤੂਬਰ, 2025 ਵਿੱਚ ਅਲਾਟ ਕਰ ਦਿੱਤਾ ਗਿਆ ਹੈ ਅਤੇ ਅਪ੍ਰੈਲ 2026 ਤੱਕ ਕੰਮ ਪੂਰਾ ਹੋਣ ਦੀ ਸੰਭਾਵਨਾ ਹੈ।

          ਸ੍ਰੀ ਰਣਬੀਰ ਗੰਗਵਾ ਸੋਮਵਾਰ ਨੂੰ ਹਰਿਆਣਾ ਵਿਧਾਨਸਭਾ ਵਿੱਚ ਸਰਦੀ ਰੁੱਤ ਸੈਸ਼ਨ ਦੌਰਾਨ ਵਿਧਾਇਕ ਸ੍ਰੀ ਦੇਵੇਂਦਰ ਕਾਦਿਆਨ ਵੱਲੋਂ ਪੁੱਛੇ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

          ਉਨ੍ਹਾਂ ਨੇ ਇਹ ਵੀ ਭਰੋਸਾ ਦਿੱਤਾ ਕਿ ਬਰਹੀ ਪਿੰਡ ਤੋਂ ਖਾਨਪੁਰ ਸੜਕ ਦੇ ਨਿਰਮਾਣ ਲਈ ਡੀਪੀਆਰ ਤਿਆਰ ਕਰਵਾ ਕੇ ਈ-ਭੂਮੀ ਰਾਹੀਂ ਜਮੀਨ ਲੈ ਕੇ ਉਸ ‘ਤੇ ਅਗਾਮੀ ਕਾਰਵਾਈ ਕੀਤੀ ਜਾਵੇਗੀ।

ਚੰਡੀਗੜ੍ਹ

( ਜਸਟਿਸ ਨਿਊਜ਼  )

ਹਰਿਆਣਾ ਦੀ ਸਿਹਤ ਮੰਤਰੀ ਆਰਤੀ ਸਿੰਘ ਰਾਓ ਨੇ ਦੱਸਿਆ ਕਿ ਜੀਂਦ ਜ਼ਿਲ੍ਹੇ ਦੇ ਸਫੀਦੋਂ ਵਿੱਚ ਸਰਕਾਰੀ ਨਰਸਿੰਗ ਕਾਲੇਜ ਦਾ ਨਿਰਮਾਣ ਕੰਮ ਜਲਦ ਸ਼ੁਰੂ ਕੀਤਾ ਜਾਵੇਗਾ, ਇਸ ਕਾਲੇਜ ਦੀ ਇਮਾਰਤ ਦਾ ਨਿਰਮਾਣ ਪੁਲਿਸ ਹਾਉਸਿੰਗ ਕਾਰਪੋਰੇਸ਼ਨ ਵੱਲੋਂ ਕੀਤਾ ਜਾਵੇਗਾ।

ਸਿਹਤ ਮੰਤਰੀ ਸੋਮਵਾਰ ਹਰਿਆਣਾ ਵਿਧਾਨਸਭਾ ਵਿੱਚ ਸ਼ਰਦ ਰੁੱਤ ਸ਼ੈਸ਼ਨ ਵਿੱਚ ਪੁੱਛੇ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

ਆਰਤੀ ਸਿੰਘ ਰਾਓ ਨੇ ਦੱਸਿਆ ਕਿ ਸਰਕਾਰੀ ਨਰਸਿੰਗ ਕਾਲੇਜ, ਸਫੀਦੋਂ ਲਈ 43.44 ਕਰੋੜ ਰੁਪਏ ਦੀ ਲਾਗਤ ਦੀ ਵਿਸਥਾਰ  ਨੂੰ ਸਰਕਾਰ ਅਤੇ ਸਥਾਈ ਵਿਤੀ ਕਮੇਟੀ ਵੱਲੋਂ ਮੰਜ਼ੂਰੀ ਦਿੱਤੀ ਗਈ ਹੈ।

ਸਰਕਾਰ ਕਲਸਟਰ ਬਣਾ ਕੇ  ਸਵੱਛਤਾ ਅਭਿਆਨ ਚਲਾ ਰਹੀ ਹੈ ਤਾਂ ਜੋ ਸ਼ਹਿਰਾਂ ਵਿੱਚ ਵੀ ਪੂਰਨ ਸਫ਼ਾਈ ਵਿਵਸਥਾ ਬਣੀ ਰਵੇ-ਵਿਪੁਲ ਗੋਇਲ

ਸਵੱਛਤਾ ਦੇ ਖੇਤਰ ਵਿੱਚ ਰਾਜ ਨੂੰ ਰਾਸ਼ਟਰਪਤੀ ਅਵਾਰਡ ਵੀ ਮਿਲਿਆ

ਚੰਡੀਗੜ੍ਹ

(  ਜਸਟਿਸ ਨਿਊਜ਼ )

ਹਰਿਆਣਾ ਦੇ ਸਥਾਨਕ ਸਰਕਾਰ, ਮਾਲੀਆ ਅਤੇ ਆਪਦਾ ਪ੍ਰਬੰਧਨ ਮੰਤਰੀ ਸ੍ਰੀ ਵਿਪੁਲ ਗੋਇਲ ਨੇ ਕਿਹਾ ਕਿ ਮੌਜ਼ੂਦਾ ਸਰਕਾਰ ਕਲਸਟਰ ਅਨੁਸਾਰ ਗਹਿਨ ਸਵੱਛਤਾ ਅਭਿਆਨ ਚਲਾ ਰਹੀ ਹੈ ਤਾਂ ਜੋ ਸ਼ਹਿਰਾਂ ਵਿੱਚ ਵੀ ਪੂਰੀ ਸਫ਼ਾਈ ਵਿਵਸਥਾ ਬਣੀ ਰਵੇ। ਇਸ ਦੇ ਇਲਾਵਾ ਕੂੜਾ ਚੁੱਕਣ ਦੇ ਕੰਮ ਨੂੰ ਸਹੀ ਢੰਗ ਨਾਲ ਅਮਲੀਜਾਮਾ ਪਹਿਨਾਇਆ ਜਾ ਰਿਹਾ ਹੈ।

ਸ੍ਰੀ ਗੋਇਲ ਸੋਮਵਾਰ ਨੂੰ ਵਿਧਾਨਸਭਾ ਵਿੱਚ ਸ਼ਰਦ ਰੁੱਤ ਸ਼ੈਸ਼ਨ ਵਿੱਚ ਪੁੱਛੇ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

ਸਥਾਨਕ ਸਰਕਾਰ, ਮਾਲੀਆ ਅਤੇ ਆਪਦਾ ਪ੍ਰਬੰਧਨ ਮੰਤਰੀ ਨੇ ਕਿਹਾ ਕਿ ਸੂਬੇ ਵਿੱਚ ਚਲਾਏ ਗਏ ਗਹਿਨ ਸਵੱਛਤਾ ਅਭਿਆਨ ਰਾਹੀਂ ਰਾਜ ਨੂੰ ਸਵੱਛਤਾ ਦੇ ਖੇਤਰ ਵਿੱਚ ਰਾਸ਼ਟਰਪਤੀ ਅਵਾਰਡ ਮਿਲਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਭਿਵਾਨੀ, ਸਿਰਸਾ, ਸੋਨੀਪਤ, ਪਾਣੀਪਤ, ਕਰਨਾਲ ਆਦਿ ਜ਼ਿਲ੍ਹਿਆਂ ਨੂੰ ਕਲਸਟਰ ਬਣਾ ਕੇ ਕਚਰਾ ਇੱਕਠਾ ਕਰਨ ਵਾਲੀ ਏਜੰਸਿਆਂ ਨੂੰ ਪੀ.ਪੀ.ਪੀ. ਮੋੜ ‘ਤੇ ਸਵੱਛਤਾ ਕੰਮ ਅਲਾਟ ਕੀਤਾ ਗਿਆ ਹੈ ਜਿਸ ਰਾਹੀਂ ਹਰ ਰੋਜ ਰਾਜ ਦੀ 87 ਨਗਰ ਪਾਲਿਕਾ, 24 ਨਗਰ ਕੌਂਸਿਲ ਅਤੇ 11 ਨਗਰ ਨਿਗਮ ਖੇਤਰ ਵਿੱਚ ਪੈਦਾ ਹੋ ਰਹੇ 6334 ਮੀਟ੍ਰਿਕ ਟਨ ਕਚਰੇ ਦੇ ਨਿਸਤਾਰਣ ਦਾ ਕੰਮ ਕੀਤਾ ਜਾ ਰਿਹਾ ਹੈ। ਇਸ ਵਿੱਚ 200 ਤੋਂ 300 ਕਰੋੜ ਰੁਪਏ ਦਾ ਨਿਵੇਸ਼ ਵੀ ਹੋ ਰਿਹਾ ਹੈ। ਇਹ ਕੰਮ ਕੇਂਦਰ ਸਰਕਾਰ ਦੀ ਗਾਇਡਲਾਇਨ ਅਨੁਸਾਰ ਕੀਤਾ ਜਾ ਰਿਹਾ ਹੈ।

ਸਥਾਨਕ ਸਰਕਾਰ ਮੰਤਰੀ ਨੇ ਕਿਹਾ ਕਿ ਫੇਰ ਵੀ ਕੋਈ ਏਜੰਸੀ ਸਵੱਛਤਾ ਕੰਮ ਨੂੰ ਸਹੀ ਢੰਗ ਨਾਲ ਜਾਂ ਸਰਕਾਰ ਦੇ ਨਿਰਦੇਸ਼ ਅਨਸਾਰ ਲਾਗੂ ਨਹੀਂ ਕਰਦੀ ਤਾਂ ਉਨ੍ਹਾਂ ਦੇ ਵਿਰੁਧ ਸਖ਼ਤ ਕਾਰਵਾਈ ਵੀ ਅਮਲ ਵਿੱਚ ਲਿਆਈ ਜਾਂਦੀ ਹੈ। ਗਤ ਜਨਵਰੀ 2023 ਤੋਂ ਹੁਣ ਤੱਕ ਪਾਈ ਗਈ ਅਨਿਮੱਤਾਵਾਂ ਦੇ ਅਧਾਰ ‘ਤੇ ਨਗਰ ਪਾਲਿਕਾ ਸੀਵਨ ਵੱਲੋਂ ਏਜੰਸੀ ‘ਤੇ 3 ਲੱਖ 29 ਹਜ਼ਾਰ 200 ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਹੈ।

ਚੰਡੀਗੜ੍ਹ

(ਜਸਟਿਸ ਨਿਊਜ਼  )

ਹਰਿਆਣਾ ਦੀ ਸਿਹਤ ਮੰਤਰੀ ਆਰਤੀ ਸਿੰਘ ਰਾਓ ਨੇ ਦੱਸਿਆ ਕਿ ਨੂੰਹ ਜ਼ਿਲ੍ਹੇ ਦੇ ਮਾਂਡੀਖੇੜਾ ਸਥਿਤ ਸਿਵਲ ਹੱਸਪਤਾਲ ਵਿੱਚ ਜਲਦ ਹੀ ਸਿਟੀ-ਸਕੈਨ ਅਤੇ ਐਮਆਰਆਈ ਮਸ਼ੀਨ ਸਥਾਪਿਤ ਕੀਤੀ ਜਾਵੇਗੀ ਤਾਂ ਜੋ ਗਰੀਬ ਲੋਕਾਂ ਨੂੰ ਸਸਤੀ ਅਤੇ ਸੁਲਭ ਸਿਹਤ ਸੇਵਾਵਾਂ ਮੁਹੱਈਆ ਹੋ ਸਕਣ। ਇਹ ਮਸ਼ੀਨਾਂ ਸਥਾਪਿਤ ਕਰਨ ਲਈ ਹਰਿਆਣਾ ਮੈਡੀਕਲ ਸਰਵਿਸੇਜ ਕਾਰਪੋਰੇਸ਼ਨ ਲਿਮਿਟੇਡ ਵੱਲੋਂ ਟੈਂਡਰ ਜਾਰੀ ਕੀਤੇ ਜਾ ਚੁੱਕੇ ਹਨ।

ਸਿਹਤ ਮੰਤਰੀ ਸੋਮਵਾਰ ਨੂੰ ਹਰਿਆਣਾ ਵਿਧਾਨਸਭਾ ਵਿੱਚ ਸ਼ਰਦ ਰੁੱਤ ਸ਼ੈਸ਼ਨ ਵਿੱਚ ਪੁੱਛੇ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

ਉਨ੍ਹਾਂ ਨੇ ਅੱਗੇ ਦੱਸਿਆ ਕਿ ਇਸ ਹੱਸਪਤਾਲ ਦੀ ਵੱਖ ਵੱਖ ਲੈਬਸ ਵਿੱਚ ਕੁੱਲ੍ਹ 85 ਨਿਮਤ ਟੈਸਟ ਕੀਤੇ ਜਾਂਦੇ ਹਨ, ਇਨ੍ਹਾਂ ਵਿੱਚ ਹੀਤੋਟੋਲਾਜੀ ਦੇ 17, ਸਾਇਟੋਪੈਥਾਲਾਜੀ ਦੇ 2, ਕਲੀਨਿਕਲ ਪੈਥਾਲਾਜੀ ਦੇ 5, ਬਾਯੋਕੇਮਿਸਟ੍ਰੀ ਦੇ 32, ਮਾਇਕ੍ਰੋਬਾਯੋਲਾਜੀ ਦੇ 22 ਅਤੇ 5 ਹੋਰ ਟੈਸਟ ਕੀਤੇ ਜਾਂਦੇ ਹਨ।

ਉਨ੍ਹਾਂ ਨੇ ਅੱਗੇ ਦੱਸਿਆ ਕਿ ਨੂੰਹ ਜ਼ਿਲ੍ਹੇ ਦੇ ਮਾਂਡੀਖੇੜਾ ਸਥਿਤ ਸਿਵਲ ਹੱਸਪਤਾਲ ਵਿੱਚ ਹਰ ਰੋਜ 790 ਮਰੀਜਾਂ ਨੂੰ ਓਪੀਡੀ ਵਿੱਚ ਸੇਵਾ ਪ੍ਰਦਾਨ ਕੀਤੀ ਜਾ ਰਹੀ ਹੈ।

ਆਰਤੀ ਸਿੰਘ ਰਾਓ ਨੇ ਸਦਨ ਦੇ ਮੈਂਬਰ ਵੱਲੋਂ ਉਕਤ ਹੱਸਪਤਾਲ ਦੇ ਡਾਕਟਰਾਂ ਵੱਲੋਂ ਬਾਹਰ ਤੋਂ ਟੈਸਟ ਕਰਵਾਉਣ ਦੀ ਸਿਫ਼ਾਰਿਸ਼ ਕਰਨ ਦੀ ਜਾਂਚ ਕਰਵਾਉਣ ਦਾ ਭਰੋਸਾ ਦਿੱਤਾ। ਇਸ ਦੇ ਇਲਾਵਾ ਇਸ ਹੱਸਪਤਾਲ ਵਿੱਚ 15 ਹੋਰ ਟੈਸਟ ਵੀ ਕਰਵਾਏ ਜਾਣਗੇ।

ਚੰਡੀਗੜ੍ਹ

(  ਜਸਟਿਸ ਨਿਊਜ਼ )

ਹਰਿਆਣਾ ਵਿਧਾਨਸਭਾ ਦੇ ਸਰਦੀ ਰੁੱਤ ਸੈਸ਼ਨ ਦੇ ਆਖੀਰੀ ਦਿਨ ਹਰਿਆਣਾ ਦੇ ਸਹਿਕਾਰਤਾ ਮੰਤਰੀ ਡਾ. ਅਰਵਿੰਦ ਸ਼ਰਮਾ ਨੇ ਸਦਨ ਨੂੰ ਜਾਣੂ ਕਰਾਇਆ ਕਿ ਰਿਵਾੜੀ ਵਿਧਾਨਸਭਾ ਖੇਤਰ ਦੇ ਪਿੰਡ ਗੋਕਲਗੜ੍ਹ ਵਿੱਚ ਗੰਦੇ ਪਾਣੀ ਦੀ ਨਿਕਾਸੀ ਨਾਲ ਜੁੜੀ ਸਮੱਸਿਆ ਦੇ ਹੱਲ ਲਈ ਸਰਕਾਰ ਵੱਲੋਂ ਠੋਸ ਕਦਮ ਚੁੱਕੇ ਗਏ ਹਨ।

          ਡਾ. ਅਰਵਿੰਦ ਸ਼ਰਮਾ ਨੇ ਦੱਸਿਆ ਕਿ ਪਿੰਡ ਗੋਕਲਗੜ੍ਹ ਵਿੱਚ ਕੁੱਲ 8 ਜੋਹੜ ਸਥਿਤ ਹਨ, ਜਿਨ੍ਹਾਂ ਵਿੱਚ ਆਮ ਪਰਿਸਥਿਤੀਆਂ ਵਿੱਚ ਪਿੰਡ ਦੇ ਗੰਦੇ ਪਾਣੀ ਦੀ ਨਿਕਾਸੀ ਹੋ ਰਹੀ ਹੈ। ਹਾਲਾਂਕਿ, ਬਰਸਾਤ ਰੁੱਤ ਦੌਰਾਨ ਜੋਹੜਾਂ ਦੀ ਸਮਰੱਥਾ ਘੱਟ ਹੌਣ ਕਾਰਨ ਉਹ ਭਰ ਜਾਂਦੇ ਹਨ। ਪਿੰਡ ਅਤੇ ਨੇੜੇ ਦੇ ਖੇਤਰਾਂ ਵਿੱਚ ਭੂਜਲ ਪੱਧਰ ਬਹੁਤ ਵੱਧ ਉੱਚਾ (ਲਗਭਗ 2 ਤੋਂ 3 ਫੁੱਟ) ਹੋਣ ਦੇ ਕਾਰਨ ਜੋਹੜਾਂ ਦੀ ਡੁੰਘਾਈ ਵਧਾਉਣਾ, ਨਵੇਂ ਜੋਹੜ ਬਨਾਉਣਾ ਅਤੇ ਪਾਣੀ ਦੀ ਕੁਦਰਤੀ ਨਿਕਾਸੀ ਸੰਭਵ ਨਹੀਂ ਹੈ।

          ਹਾਲਾਤ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਵਧੀਕ ਡਿਪਟੀ ਕਮਿਸ਼ਨਰ-ਕਮ-ਮੁੱਖ ਕਾਰਜਕਾਰੀ ਅਧਿਕਾਰੀ, ਜ਼ਿਲ੍ਹਾ ਪਰਿਸ਼ਦ ਰਿਵਾੜੀ ਦੀ ਅਗਵਾਈ ਹੇਠ ਇੱਕ ਇੰਟਰ-ਵਿਭਾਗ ਦੀ ਕਮੇਟੀ ਦਾ ਗਠਨ ਕੀਤਾ ਗਿਆ ਹੈ।

          ਇਹ ਕਮੇਟੀ ਪਿੰਡ ਦੀ ਭੁਗੋਲਿਕ ਸਥਿਤੀ, ਭੂਜਲ ਪੱਧਰ ਅਤੇ ਉਪਲਬਧ ਸਰੋਤਾਂ ਦਾ ਅਧਿਐਨ ਕਰ ਸਮੱਸਿਆ ਦੇ ਸੰਭਾਵਿਤ ਅਤੇ ਵਿਵਹਾਰਕ ਹੱਲ ਦੀ ਪਹਿਚਾਣ ਕਰੇਗੀ। ਕਮੇਟੀ ਨੂੰ ਨਿਰਦੇਸ਼ ਦਿੱਤੇ ਗਏ ਹਨ ਕਿ ਉਹ 15 ਦਿਨ ਦੇ ਅੰਦਰ ਆਪਣੀ ਰਿਪੋਰਟ ਪੇਸ਼ ਕਰਨ, ਤਾਂ ਜੋ ਅੱਗੇ ਦੀ ਜਰੂਰੀ ਕਾਰਵਾਈ ਸਮੇਂਬੱਧ ਰੂਪ ਨਾਲ ਕੀਤੀ ਜਾ ਸਕੇ।

          ਡਾ. ਸ਼ਰਮਾ ਨੇ ਸਪਸ਼ਟ ਕੀਤਾ ਕਿ ਸਬੰਧਿਤ ਖੇਤਰ ਦੇ ਵਿਧਾਇਕ ਕਮੇਟੀ ਨੂੰ ਆਪਣੇ ਸੁਝਾਅ ਦੇਣਗੇ ਤਾਂ ਉਨ੍ਹਾਂ ਨੂੰ ਵੀ ਲਾਗੂ ਕੀਤਾ ਜਾਵੇਗਾ।

ਚੰਡੀਗੜ੍ਹ

( ਜਸਟਿਸ ਨਿਊਜ਼ )

ਹਰਿਆਣਾ ਦੀ ਸਿੰਚਾਈ ਅਤੇ ਜਲ ਸੰਸਾਧਨ ਮੰਤਰੀ ਸ੍ਰੀਮਤੀ ਸ਼ਰੂਤੀ ਚੌਧਰੀ ਨੇ ਸ਼ਰਦ ਰੁੱਤ ਸ਼ੈਸ਼ਨ ਵਿੱਚ ਦੱਸਿਆ ਕਿ ਵਾਪਕੋਸ (ਡਬਲਿਯੂਏਪੀਸੀਓਐਸ) (ਭਾਰਤ ਸਰਕਾਰ ਦੀ ਪੀਐਸਯੂ) ਨੂੰ ਹਰਿਆਣਾ ਵਿੱਚ ਜਲ ਜਮਾਵ ਅਤੇ ਖਾਰੇਪਨ ਦੀ ਸਮੱਸਿਆਵਾਂ ਦੇ ਮੈਨੇਜਮੈਂਟ ਦੇ ਸਬੰਧ ਵਿੱਚ ਮਾਸਟਰ ਪਲਾਨ 1998 ਨੁੰ ਅੱਪਡੇਟ ਕਰਨ ਦਾ ਕੰਮ ਸੌਂਪਿਆ ਗਿਆ ਸੀ। ਵਾਪਕੋਸ ਵੱਲੋਂ ਸਬਮਿਟ ਕੀਤੀ ਗਈ ਉਨ੍ਹਾਂ ਦੀ ਡਰਾਫਟ ਰਿਪੋਰਟ ਦੀ ਗਰਾਊਂਡ ਟੂਥਿੰਗ ਕੀਤੀ ਜਾ ਰਹੀ ਹੈ ਅਤੇ 30 ਜੂਨ, 2026 ਤੱਕ ਰਿਪੋਰਟ ਫਾਈਨਲ ਕਰ ਦਿੱਤੀ ਜਾਵੇਗੀ।

ਚੰਡੀਗੜ੍ਹ

( ਜਸਟਿਸ ਨਿਊਜ਼ )

ਹਰਿਆਣਾ ਦੇ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਮੰਤਰੀ ਸ੍ਰੀ ਸ਼ਿਆਮ ਸਿੰਘ ਰਾਣਾ ਨੇ ਦੱਸਿਆ ਕਿ ਸੂਬਾ ਸਰਕਾਰ ਸਾਲ 2029 ਤੱਕ ਪੂਰੇ ਸੂਬੇ ਨੂੰ ਸੇਮਮੁਕਤ ਕਰਨ ਲਈ ਯਤਨਸ਼ੀਲ ਹੈ।

          ਉਹ ਸੋਮਵਾਰ ਨੂੰ ਹਰਿਆਣਾ ਵਿਧਾਨਸਭਾ ਦੇ ਸਰਦੀ ਰੁੱਤ ਸੈਸ਼ਨ ਦੌਰਾਨ ਦਸਨ ਦੇ ਇੱਕ ਮੈਂਬਰ ਵੱਲੋਂ ਪੁੱਛੇ ਗਏ ਪੂਰਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

          ਸ੍ਰੀ ਰਾਣਾ ਨੇ ਦੱਸਿਆ ਕਿ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਪੂਰੇ ਸੂਬੇ ਨੂੰ ਸੇਮਮੁਕਤ ਬਨਾਉਣ ਦੀ ਯੋਜਨਾ ਤਿਆਰ ਕਰਨ ਲਈ ਨਿਰਦੇਸ਼ ਦਿੱਤੇ ਸਨ। ਹੁਣ ਯੋਜਨਾ ਬਣਾ ਲਈ ਗਈ ਹੈ। ਰੋਹਤਕ ਅਤੇ ਝੱਜਰ ਜ਼ਿਲ੍ਹਾ ਦੇ ਕੁੱਝ ਖੇਤਰ ਨੂੰ ਛੱਡ ਕੇ ਬਾਕੀ ਸੂਬੇ ਦੀ ਸੇਮਮੁਕਤ ਜਮੀਨ ਨੂੰ ਸਾਲ 2029 ਤੱਕ ਸੇਮ ਤੋਂ ਮੁਕਤੀ ਦਿਲਾ ਦਿੱਤੀ ਜਾਵੇਗਾ।

ਚੰਡੀਗੜ੍ਹ

  (  ਜਸਟਿਸ ਨਿਊਜ਼ )

ਹਰਿਆਣਾ ਦੀ ਸਿਹਤ ਮੰਤਰੀ ਆਰਤੀ ਸਿੰਘ ਰਾਓ ਨੇ ਦੱਸਿਆ ਕਿ ਕਰਨਾਲ ਜ਼ਿਲ੍ਹਾ ਦੇ ਅਸੰਧ ਵਿੱਚ ਜਿਸ 100 ਬਿਸਤਰੇ ਦਾ ਹੱਸਪਤਾਲ ਦਾ ਨਿਰਮਾਣ ਕੀਤਾ ਜਾ ਰਿਹਾ ਹੈ ਉਸੀ ਵਿੱਚ ਲੇਵਲ-3 ਟ੍ਰਾਮਾ ਕੇਅਰ ਦੀ ਸਹੂਲਤ ਵੀ ਸ਼ੁਰੂ ਹੋ ਜਾਵੇਗੀ।

          ਸਿਹਤ ਮੰਤਰੀ ਸੋਮਵਾਰ ਨੂੰ ਹਰਿਆਣਾ ਵਿਧਾਨਸਭਾ ਦੇ ਸਰਦੀ ਰੁੱਤ ਸੈਸ਼ਨ ਦੌਰਾਨ ਸਦਨ ਦੇ ਇੱਕ ਮੈਂਬਰ ਵੱਲੋਂ ਪੁੱਛੇ ਗਏ ਸੁਆਲ ਦਾ ਜਵਾਬ ਦੇ ਰਹੇ ਸਨ।

          ਉਨ੍ਹਾਂ ਨੇ ਅੱਗੇ ਦੱਸਿਆ ਕਿ ਸਿਹਤ ਵਿਭਾਗ ਵੱਲੋਂ ਸੂਬੇ ਵਿੱਚ ਜਰੂਰਤ ਅਨੁਸਾਰ ਸਿਹਤ ਸੇਵਾਵਾਂ ਪ੍ਰਦਾਨ ਕੀਤੀਆਂ ਜਾ ਰਹੀਆਂ ਹਨ, ਇੰਨ੍ਹੀ ਜਰੂਰਤਾਂ ਦੇ ਤਹਿਤ ਅਸੰਧ ਵਿੱਚ ਪ੍ਰਸਤਾਵਿਤ 100 ਬਿਸਤਰੇ ਦਾ ਹੱਸਪਤਾਲ ਦਾ ਨੀਂਹ ਪੱਥਰ ਪਿਛਲੀ 3 ਅਕਤੂਬਰ, 2025 ਨੂੰ ਰੱਖਿਆ ਗਿਆ ਸੀ ਅਤੇ ਇਸ ਵਿੱਚ ਲੇਵਲ-3 ਟ੍ਰਾਮਾ ਕੇਅਰ ਸਹੂਲਤਾਂ ਦੀ ਕਲਪਣਾ ਕੀਤੀ ਗਈ ਹੈ।

          ਆਰਤੀ ਸਿੰਘ ਰਾਓ ਨੇ ਅੱਗੇ ਦੱਸਿਆ ਕਿ ਕੇਂਦਰੀ ਸਿਹਤ ਮੰਤਰਾਲੇ ਦੇ ਨਿਯਮਾਂ ਅਨੁਸਾਰ 60 ਕਿਲੋਮੀਟਰ ਦੀ ਦੂਰੀ ‘ਤੇ ਟ੍ਰਾਮਾ ਸੈਂਟਰ ਸਥਾਪਿਤ ਕਰਨ ਦਾ ਨਿਯਮ ਹੈ। ਜਿੱਥੇ ਤੱਕ ਅਸੰਧ ਵਿੱਚ ਪੂਰਾ ਟਰਾਮਾ ਸੈਂਟਰ ਸਥਾਪਿਤ ਕਰਨ ਦੀ ਗੱਲ ਹੈ ਇਸ ਵਿੱਚ ਸਿਵਲ ਹੱਸਪਤਾਲ ਅਸੰਧ ਤੋਂ 40 ਕਿਲੋਮੀਟਰ ਦੀ ਦੂਰੀ ‘ਤੇ ਜ਼ਿਲ੍ਹਾ ਸਿਵਲ ਹੱਸਪਤਾਲ ਪਾਣੀਪਤ ਵਿੱਚ ਟਰਾਮਾ ਸੈਂਟਰ ਦੀ ਸਹੂਲਤ ਉਪਲਬਧ ਹੈ।

          ਇਸੀ ਤਰ੍ਹਾਂ, ਅਸੰਧ ਦੇ ਉਕਤ ਹੱਸਪਤਾਲ ਤੋਂ 42 ਕਿਲੋਮੀਟਰ ਦੂਰ ਜ਼ਿਲ੍ਹਾ ਸਿਵਲ ਹੱਸਪਤਾਲ ਜੀਂਦ, 46 ਕਿਲੋਮੀਟਰ ਦੂਰ ਕਲਪਣਾ ਚਾਵਲਾ ਜੀਐਮਸੀ ਕਰਨਾਲ, 47 ਕਿਲੋਮੀਟਰ ਦੂਰ ਜ਼ਿਲ੍ਹਾ ਸਿਵਲ ਹੱਸਪਤਾਲ ਕਰਨਾਲ, 42 ਕਿਲੋਮੀਟਰ ਦੂਰ ਜ਼ਿਲ੍ਹਾ ਸਿਵਲ ਹੱਸਪਤਾਲ ਕੈਥਲ ਵਿੱਚ ਵੀ ਟਰਾਮਾ ਸੈਂਟਰ ਦੀ ਸਹੂਲਤ ਉਪਲਬਧ ਹੈ।

          ਉਨ੍ਹਾਂ ਨੇ ਅੱਗੇ ਜਾਣਕਾਰੀ ਦਿੱਤੀ ਕਿ ਅਸੰਧ ਵਿੱਚ ਪ੍ਰਸਤਾਵਿਤ 100 ਬਿਸਤਰੇ ਦਾ ਹੱਸਪਤਾਲ ਤੋਂ 60 ਕਿਲੋਮੀਟਰ ਪੰਡਿਤ ਦੀਨ ਦਿਆਲ ਉਪਾਧਿਆਏ ਸਿਹਤ ਵਿਗਿਆਨ ਯੂਨੀਵਰਸਿਟੀ ਕੁਟੇਲ ਅਤੇ 40 ਕਿਲੋਮੀਟਰ ਦੂਰ ਜੀਂਦ ਵਿੱਚ ਸੰਤ ਧੰਨਾ ਭਗਤ ਜੀ ਜੀਐਮਸੀ ਹੱਸਪਤਾਲ ਵਿੱਚ ਵੀ ਟਰਾਮਾ ਸੈਂਟਰ ਦੀ ਸਹੂਲਤ ਉਪਲਬਧ ਹੈ। ਇਸ ਤੋਂ ਇਲਾਵਾ, 47 ਕਿਲੋਮੀਟਰ ਦੀ ਦੂਰੀ ‘ਤੇ ਸਥਿਤ ਭਗਵਾਨ ਪਰਸ਼ੂਰਾਮ ਜੀਐਮਜੀ ਕੈਥਲ ਵਿੱਚ ਵੀ ਟਰਾਮਾ ਸੈਂਟਰ ਦਾ ਨਿਰਮਾਣ ਪ੍ਰਸਤਾਵਿਤ ਹੈ।

ਰੋਹਤਕ ਸਥਿਤ ਹੈਫੇਡ ਫੀਡ ਪਲਾਂਟ ਨੂੰ ਸ਼ਹਿਰ ਤੋਂ ਬਾਹਰ ਟ੍ਰਾਂਸਫਰ ਕਰਨ ਦਾ ਫੈਸਲਾ

ਚੰਡੀਗੜ੍ਹ

(  ਜਸਟਿਸ ਨਿਊਜ਼ )

ਹਰਿਆਣਾ ਦੇ ਸਹਿਕਾਰਤਾ ਮੰਤਰੀ ਡਾ. ਅਰਵਿੰਦ ਸ਼ਰਮਾ ਨੇ ਕਿਹਾ ਕਿ ਰੋਹਤਕ ਸਥਿਤ ਹੈਫੇਡ ਫੀਡ ਪਲਾਂਟ ਨੂੰ ਸ਼ਹਿਰ ਤੋਂ ਬਾਹਰ ਟ੍ਰਾਂਸਫਰ ਕਰਨ ਦਾ ਫੈਸਲਾ ਕੀਤਾ ਹੈ। ਮੌਜੂਦਾ ਫੀਡ ਪਲਾਂਟ ਨੂੰ ਆਈਐਮਟੀ ਰੋਹਤਕ ਸਥਿਤ ਮੇਗਾ ਫੂਡ ਪਾਰਕ ਵਿੱਚ ਟ੍ਰਾਂਸਫਰ ਕਰਨ ਇੱਕ ਨਵਾਂ, ਆਧੁਨਿਕ ਪਸ਼ੂ ਚਾਰਾ ਪਲਾਂਟ ਸਥਾਪਿਤ ਕੀਤਾ ਜਾਵੇਗਾ।

          ਸ੍ਰੀ ਸ਼ਰਮਾ ਸੋਮਵਾਰ ਨੂੰ ਹਰਿਆਣਾ ਵਿਧਾਨਸਭਾ ਦੇ ਸਰਦੀ ਰੁੱਤ ਸੈਸ਼ਨ ਦੌਰਾਨ ਸਦਨ ਦੇ ਇੱਕ ਮੈਂਬਰ ਵੱਲੋਂ ਪੁੱਛੇ ਗਏ ਸੁਆਲ ਦਾ ਜਵਾਬ ਦੇ ਰਹੇ ਸਨ।

          ਡਾ. ਸ਼ਰਮਾ ਨੇ ਦਸਿਆ ਕਿ ਉੱਤਮ ਵਿਹਾਰ ਕਲੌਨੀ, ਰੋਹਤਕ ਦੇ ਰਿਹਾਇਸ਼ੀ ਖੇਤਰ ਦੇ ਨੇੜੇ ਸਥਿਤ ਹੈਫੇਡ ਫੀਡ ਪਲਾਂਟ ਹੁਣ ਘਨੀ ਆਬਾਦੀ ਨਾਲ ਘਿਰ ਚੁੱਕਾ ਹੈ, ਜਿਸ ਨਾਲ ਉਤਪਨ ਸਮਸਿਆਵਾਂ ਖੇਤਰਵਾਸੀਆਂ ਲਈ ਪਰੇਸ਼ਾਨੀ ਦਾ ਕਾਰਨ ਬਣ ਰਹੀਆਂ ਹਨ।

          ਉਨ੍ਹਾਂ ਨੇ ਦਸਿਆ ਕਿ ਹੈਫੇਡ ਵੱਲੋਂ ਸਾਲ 1976 ਵਿੱਚ ਰੋਹਤਕ ਵਿੱਚ 100 ਮੀਟ੍ਰਿਕ ਟਨ ਰੋਜ਼ਾਨਾ ਸਮਰੱਥਾ ਵਾਲਾ ਪਸ਼ੂ ਚਾਰਾ ਪਲਾਂਟ ਸਥਾਪਿਤ ਕੀਤਾ ਗਿਆ ਸੀ, ਜਿਸ ਨੂੰ ਸਾਲ 2008 ਵਿੱਚ ਉਨੱਤ ਕਰ ਇਸ ਦੀ ਉਤਪਾਦਨ ਸਮਰੱਥਾ 150 ਮੀਟ੍ਰਿਕ ਟਨ ਰੋਜ਼ਾਨਾ ਕਰ ਦਿੱਤੀ ਗਈ ਸੀ। ਮੌਜੂਦਾ ਵਿੱਚ ਇਹ ਪਲਾਂਟ ਰਿਹਾਇਸ਼ੀ ਖੇਤਰ ਦੇ ਨੇੜੇ ਸਥਿਤ ਹੋਣ ਦੇ ਕਾਰਨ ਇਸ ਦਾ ਟ੍ਰਾਂਸਫਰ ਜਰੂਰੀ ਹੋ ਗਿਆ ਹੈ।

          ਡਾ. ਸ਼ਰਮਾ ਨੇ ਜਾਣਕਾਰੀ ਦਿੱਤੀ ਕਿ ਹੈਫੇਡ ਦੇ ਪ੍ਰਸਾਸ਼ਕ ਡਿਵੀਜਨ ਵੱਲੋਂ ਆਈਐਮਟੀ ਰੋਹਤਕ ਸਥਿਤ ਮੇਗਾ ਫੂਡ ਪਾਰਕ ਵਿੱਚ ਲਗਭਗ 7 ਏਕੜ ਭੂਮੀ ਰਾਖਵਾਂ ਕਰ ਗਏ ਪਸ਼ੂ ਚਾਰਾ ਪਲਾਂਟ ਦੀ ਸਥਾਪਨਾ ਲਈ ਸੈਦਾਂਤਿਕ ਮੰਜੂਰੀ ਪ੍ਰਦਾਨ ਕੀਤੀ ਜਾ ਚੁੱਕੀ ਹੈ। ਪਰਿਯੋਜਨਾ ਦੇ ਲਾਗੂ ਕਰਨ ਤਹਿਤ ਪਰਿਯੋਜਨਾ ਪ੍ਰਬੰਧਨ ਸਲਾਹਕਾਰ ਦੀ ਨਿਯੁਕਤੀ ਦੀ ਪ੍ਰਕ੍ਰਿਆ ਵੀ ਪ੍ਰਗਤੀ ‘ਤੇ ਹੈ।

          ਉਨ੍ਹਾਂ ਨੇ ਦਸਿਆ ਕਿ ਮੌਜੂਦਾ ਪਰਿਸਰ ਲਗਭਗ 16 ਏਕੜ ਖੇਤਰਫੱਲ ਵਿੱਚ ਫੈਲਿਆ ਹੋਇਆ ਹੈ, ਜਿਸ ਵਿੱਚ ਪਸ਼ੂ ਚਾਰਾ ਪਲਾਂਟ ਤੋਂ ਇਲਾਵਾ ਜਿਲ੍ਹਾ ਦਫਤਰ, 39 ਹਜਾਰ ਮੀਟਿੰਕ ਟਨ ਸਮਰੱਥਾ ਦੇ ਗੋਦਾਮ, ਕਰਮਚਾਰੀ ਰਿਹਾਇਸ਼ੀ ਕੁਆਟਰ, ਮਹਾਪ੍ਰਬੰਧਕ ਆਵਾਸ ਅਤੇ ਹੋਰ ਦਫਤਰ ਦੇ ਬੁਨਿਆਦੀ ਢਾਂਚੇ ਮੌਜੂਦ ਹਨ। ਫੀਡ ਪਲਾਂਟ ਦੇ ਟ੍ਰਾਂਸਫਰ ਦੇ ਬਾਅਦ ਇਸ ਭੂਮੀ ਦੀ ਵਰਤੋ ਉਪਯੁਕਤ ਵਿਕਾਸ ਕੰਮਾਂ ਲਈ ਕੀਤਾ ਜਾਵੇਗਾ।

ਚੰਡੀਗੜ੍ਹ

( ਜਸਟਿਸ ਨਿਊਜ਼ )

ਹਰਿਆਣਾ ਦੀ ਸਿਹਤ ਮੰਤਰੀ ਆਰਤੀ ਸਿੰਘ ਰਾਓ ਨੇ ਦੱਸਿਆ ਕਿ ਰਾਜ ਸਰਕਾਰ ਕਲਪਨਾ ਚਾਵਲਾ ਮੈਡੀਕਲ ਕਾਲੇਜ, ਕਰਨਾਲ ਵਿੱਚ ਡਾਕਟਰਾਂ ਦੀ ਸਾਰੀ ਅਸਾਮਿਆਂ ਭਰਨ ਲਈ ਯਤਨਸ਼ੀਲ ਹੈ ਤਾਂ ਜੋ ਲੋਕਾਂ ਨੂੰ ਸਸਤਾ ਇਲਾਜ ਮੁਹੱਈਆ ਕਰਵਾਇਆ ਜਾ ਸਕੇ।

ਸਿਹਤ ਮੰਤਰੀ ਸੋਮਵਾਰ ਨੂੰ ਹਰਿਆਣਾ ਵਿਧਾਨਸਭਾ ਦੇ ਸ਼ਰਦ ਰੁੱਤ ਸ਼ੈਸ਼ਨ ਦੌਰਾਨ ਸਦਨ ਦੇ ਇੱਕ ਮੈਂਬਰ ਵੱਲੋਂ ਪੁੱਛੇ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

ਉਨ੍ਹਾਂ ਨੇ ਦੱਸਿਆ ਕਿ ਕਲਪਨਾ ਚਾਵਲਾ ਮੈਡੀਕਲ ਕਾਲੇਜ, ਕਰਨਾਲ ਵਿੱਚ ਵਿਸ਼ੇਸ਼ ਡਾਕਟਰਾਂ ਜਿਵੇਂ ਕਾਰਡੀਓਲੋਜਿਸਟ ਅਤੇ ਨਿਯੂਰੋਸਰਜਨ ਦੇ ਮਾਹਰ ਅਹੁਦੇ ਭਰਨ ਲਈ ਵਿਭਾਗ ਵੱਲੋਂ ਨਿਯਮਤ ਅਤੇ ਠੇਕੇ ਦੇ ਅਧਾਰ ‘ਤੇ ਲਗਾਤਾਰ ਯਤਨ ਕੀਤੇ ਜਾ ਰਹੇ ਹਨ, ਇਸ ਦੇ ਲਈ ਪੰਜ ਵਾਰ ਇਸ਼ਤਿਹਾਰ ਵੀ ਜਾਰੀ ਕੀਤੇ ਗਏ ਹਨ। ਇਸ ਦੇ ਬਾਵਜੂਦ ਸਰਕਾਰ ਅਸਾਮੀਆਂ ਨੂੰ ਭਰਨ ਲਈ ਗੰਭੀਰਤਾ ਨਾਲ ਕੋਸ਼ਿਸ਼ ਕਰ ਰਹੀ ਹੈ।

ਆਰਤੀ ਸਿੰਘ ਰਾਓ ਨੇ ਇਹ ਵੀ ਦੱਸਿਆ ਕਿ ਉਕਤ ਮੈਡੀਕਲ ਕਾਲੇਜ ਵਿੱਚ ਕਾਰਡੀਯਕ ਕੈਥ ਲੈਬ ਸਥਾਪਿਤ ਕਰਨ ਦਾ ਵੀ ਪ੍ਰਸਤਾਵ ਸਰਕਾਰ ਦੇ ਵਿਚਾਰ ਅਧੀਨ ਹੈ। ਈ-ਟੇਂਡਰ ਪੋਰਟਲ ‘ਤੇ ਘੱਟ ਪ੍ਰਤਿਕਿਰਿਆ ਮਿਲੀ ਹੈ, ਇਸ ਲਈ ਐਚਐਮਐਸਸੀਐਲ ਨੂੰ ਅਪੀਲ ਕੀਤੀ ਗਈ ਹੈ ਕਿ ਉਹ ਜਨਤਕ ਨਿਜੀ ਭਾਗੀਦਾਰੀ ਰਾਹੀਂ ਕੈਸੀਜੀਐਮਸੀ, ਕਰਨਾਲ ਵਿੱਚ ਕਾਰਡੀਓ-ਥੋਰੇਸਿਕ ਸਰਜਰੀ ਸਹੂਲਤ ਨਾਲ ਸੁਪਰ-ਸਪੇਸ਼ਿਅਲਟੀ ਇੰਟਰਵੇਂਸ਼ਨਲ ਕਾਰਡੀਓਲੋਜੀ ਸੇਵਾਵਾਂ ਸ਼ੁਰੂ ਕਰਨ ਲਈ ਟੈਂਡਰ ਦੀ ਬੇਨਤੀ ਕੀਤੀ ਗਈ ਹੈ।

ਪਹਿਲਾਂ ਦੀ ਸਰਕਾਰ ਨੇ ਲੋਕਾਂ ਦੇ ਸਿਹਤ ਦੀ ਚਿੰਤਾ ਨਹੀਂ ਕੀਤੀ ਅਤੇ ਨਾ ਹੀ ਸਹੂਲਤਾਂ ਵਧਾਉਣ ਦੇ ਵੱਲ ਧਿਆਨ ਦਿੱਤਾ – ਨਾਇਬ ਸਿੰਘ ਸੈਣੀ

ਐਮਬੀਬੀਐਸ ਸੀਟਾਂ ਦੀ ਗਿਣਤੀ 2014 ਵਿੱਚ 700 ਸੀ, ਅੱਜ 2500 ਤੋਂ ਵੀ ਵੱਧ ਹੋਈਆਂ – ਮੁੱਖ ਮੰਤਰੀ

ਚੰਡੀਗੜ੍ਹ

( ਜਸਟਿਸ ਨਿਊਜ਼ )

ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਸੂਬੇ ਵਿੱਚ ਨਾਗਰਿਕਾਂ ਨੂੰ ਸਿਹਤ ਸਹੂਲਤਾਂ ਉਪਲਬਧ ਕਰਵਾਉਣ ਲਈ ਲਗਾਤਾਰ ਕੰਮ ਕੀਤਾ ਜਾ ਰਿਹਾ ਹੈ। ਇਸੀ ਦਿਸ਼ਾ ਵਿੱਚ ਹਰ ਜਿਲ੍ਹਾ ਪੱਧਰ ‘ਤੇ ਸਾਰੀ ਤਰ੍ਹਾ ਦੀ ਸਹੂਲਤਾਂ ਨਾਲ ਲੈਸ ਇੱਕ ਹਸਪਤਾਲ ਵਿਕਸਿਤ ਕੀਤਾ ਜਾ ਰਿਹਾ ਹੈ। ਹੁਣ ਤੱਕ 10 ਹਸਪਤਾਲ ਜਨਤਾ ਨੂੰ ਸਮਰਪਿਤ ਕੀਤੇ ੧ਾ ਚੁੱਕੇ ਹਨ। ਇਨ੍ਹਾਂ ਵਿੱਚ ਸੀਟੀ ਸਕੈਨ, ਅਲਟਰਾਸਾਊਂਡ, ਐਮਆਰਆਈ ਤੇ ਲੈਬ ਸਮੇਤ ਸਾਰੀ ਸਹੂਲਤਾਂ ਮਿਲ ਰਹੀਆਂ ਹਨ। ਹੋਰ 22 ਹਸਪਤਾਲਾਂ ‘ਤੇ ਕੰਮ ਚੱਲ ਰਿਹਾ ਹੈ।

          ਮੁੱਖ ਮੰਤਰੀ ਸੋਮਵਾਰ ਨੂੰ ਹਰਿਆਣਾ ਵਿਧਾਨਸਭਾ ਦੇ ਸਰਦੀ ਰੁੱਤ ਸੈਸ਼ਨ ਦੌਰਾਨ ਸੁਆਲ ਸਮੇਂ ਵਿੱਚ ਵਿਧਾਇਕ ਸ੍ਰੀ ਮਾਮਨ ਖਾਨ ਵੱਲੋਂ ਪੁੱਛੇ ਗਏ ਇੱਕ ਸੁਆਲ ਦਾ ਜਵਾਬ ਦੇ ਰਹੇ ਸਨ।

          ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਪਹਿਲਾਂ ਦੀ ਸਰਕਾਰ ਨੇ ਕਦੀ ਸੂਬੇ ਦੇ ਲੋਕਾਂ ਦੇ ਸਿਹਤ ਦੀ ਚਿੰਤਾ ਨਹੀਂ ਕੀਤੀ ਅਤੇ ਨਾ ਹੀ ਸਹੂਲਤਾਂ ਵਧਾਉਣ ਦੇ ਵੱਲ ਧਿਆਨ ਦਿੱਤਾ। ਉਨ੍ਹਾਂ ਨੇ ਕਦੀ ਵਿਚਾਰ ਹੀ ਨਹੀ ਕੀਤਾ ਕਿ ਕਿਵੇਂ ਸਿਹਤ ਸਹੂਲਤਾਂ ਹੋਰ ਬਿਹਤਰ ਕੀਤੀਆਂ ਜਾ ਸਕਦੀਆਂ ਹਨ। ਉਸ ਸਮੇਂ ਨਾਗਰਿਕਾਂ ਨੂੰ ਪ੍ਰਾਈਵੇਟ ਸੈਕਟਰ ‘ਤੇ ਛੱਡ ਦਿੱਤਾ ਗਿਆ ਅਤੇ ਕਿਸ ਤਰ੍ਹਾ ਨਾਲ ਲੋਕਾਂ ਦਾ ਸ਼ੋਸ਼ਨ ਹੁੰਦਾ ਸੀ, ਇਹ ਸੱਭ ਜਾਣਦੇ ਹਨ। ਸਾਲ 2014 ਤੋਂ ਪਹਿਲਾਂ ਸੂਬੇ ਵਿੱਚ ਹਰ ਸਾਲ ਸਿਰਫ 4 ਸਪੇਸ਼ਲਿਸਟ ਡਾਕਟਰ ਹੀ ਮਿਲਦੇ ਹਨ, ਜਦੋਂ ਕਿ ਅੱਜ ਇਹ ਗਿਣਤੀ ਲਗਭਗ 200 ਤੱਕ ਪਹੁੰਚ ਚੁੱਕੀ ਹੈ। ਇੰਨ੍ਹਾਂ ਹੀ ਨਹੀਂ, ਸਾਲ 2014 ਵਿੱਚ ਐਮਬੀਬੀਐਸ ਸੀਟਾਂ ਦੀ ਗਿਣਤੀ ਸਿਰਫ 700 ਹੁੰਦੀ ਸੀ, ਜਦੋਂ ਕਿ ਅੱਜ ਰਾਜ ਸਰਕਾਰ ਦੇ ਯਤਨਾਂ ਨਾਲ ਐਮਬੀਬੀਐਸ ਸੀਟਾਂ ਦੀ ਗਿਣਤੀ ਲਗਭਗ 2500 ਤੋਂ ਵੱਧ ਹੋ ਚੁੱਕੀ ਹੈ।

          ਉਨ੍ਹਾਂ ਨੇ ਕਿਹਾ ਕਿ ਮੌਜੂਦਾ ਸਰਕਾਰ ਦੇ ਯਤਨਾਂ ਨਾਲ ਅੱਜ ਸਰਕਾਰੀ ਹਸਪਤਾਲਾਂ ਵਿੱਚ ਮਰੀਜ਼ਾਂ ਨੂੰ ਦਵਾਈਆਂ ਵੀ ਮਿਲ ਰਹੀਆਂ ਹਨ ਅਤੇ ਹਰ ਤਰ੍ਹਾਂ ਦੀ ਟੇਸਟ ਦੀ ਸਹੂਲਤ ਵੀ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ, ਸਿਹਤ ਸਹੂਲਤਾਂ ਨੂੰ ਹੋਰ ਮਜਬੂਤ ਕਰਦੇ ਹੋਏ ਰਾਜ ਸਰਕਾਰ ਨੇ ਅਨੇਕ ਕਦਮ ਚੁੱਕੇ ਹਨ। 30 ਬੈਡ ਦੇ ਹਸਪਤਾਲ ਨੂੰ 50 ਬੈਡ, 50 ਬੈਡ ਦੇ ਹਸਪਤਾਲ ਨੂੰ 100 ਬੈਡ, 100 ਬੈਡ ਦੇ ਹਸਪਤਾਲ ਨੂੰ 200 ਬੈਡ ਅਤੇ 200 ਬੈਡ ਦੇ ਹਸਪਤਾਲ ਨੂੰ 400 ਬੈਡ ਵਿੱਚ ਅੱਪਗ੍ਰੇਡ ਕੀਤਾ ਗਿਆ ਹੈ। ਨਾਲ ਹੀ, ਸੂਬੇ ਵਿੱਚ ਮੈਡੀਕਲ ਕਾਲਜਾਂ ਦੀ ਗਿਣਤੀ ਵੀ ਵਧਾਈ ਹੈ। ਨਾਲ ਹੀ, ਹਸਪਤਾਲਾਂ ਵਿੱਚ ਇਲਾਜ ਦੇ ਨਾਲ-ਨਾਲ ਸਵੱਛਤਾ ‘ਤੇ ਵੀ ਵਿਸ਼ੇਸ਼ ਧਿਆਨ ਦਿੱਤਾ ਜਾ ਰਿਹਾ ਹੈ।