ਦੇਸ਼ ਵਿੱਚ ਵੱਧ ਰਹੇ ਨਸ਼ੇ ਲਈ: ਸਰਕਾਰ ਨੂੰ ਦੋਸ਼ ਨਾ ਦਿਓ – ਠਾਕੁਰ ਦਲੀਪ ਸਿੰਘ

  ਜਲੰਧਰ ( ਅਮਰਜੀਤ ਸਿੰਘ)   ਨਸ਼ਿਆਂ ਦੇ ਵਪਾਰ ਅਤੇ ਨਸ਼ਿਆਂ ਕਾਰਨ ਹੋਣ ਵਾਲੇ ਨੁਕਸਾਨ ਲਈ ਭਾਰਤ ਸਰਕਾਰ ਜਾਂ ਕਿਸੇ ਵੀ ਪਾਰਟੀ ਦੇ ਸਰਕਾਰੀ ਅਧਿਕਾਰੀਆਂ ਨੂੰ ਦੋਸ਼ ਨਾ ਦਿਓ।  ਜਨਤਾ ਨਸ਼ੇ ਕਰਦੀ ਹੈ ਅਤੇ ਜਨਤਾ ਹੀ ਨਸ਼ੇ ਦਾ ਵਪਾਰ ਕਰਦੀ ਹੈ। ਜੇਕਰ ਜਨਤਾ ਨਸ਼ੇ ਦੀ ਵਰਤੋਂ ਨਾ ਕਰੇ ਤਾਂ ਨਸ਼ੇ ਦਾ ਕਾਰੋਬਾਰ ਨਹੀਂ ਹੋਵੇਗਾ। ਸਰਕਾਰ ਭਾਵੇਂ ਇਸ ਨੂੰ ਵੇਚਣਾ ਵੀ ਚਾਹੇ ਤਾਂ ਵੀ ਨਹੀਂ ਵਿਕ ਸਕਦਾ।

ਆਪਾਂ ਸਾਰੇ ਜਨਤਾ ਵਿਚ ਆਉਦੇ ਹਾਂ। ਆਪਾਂ ਹੀ ਖੁਦ ਨਸ਼ੀਲੇ ਪਦਾਰਥਾਂ ਦਾ ਸੇਵਨ ਕਰਦੇ ਹਨ, ਨਸ਼ਿਆਂ ਦਾ ਵਪਾਰ ਕਰਦੇ ਹਾਂ ਜਾਂ ਨਸ਼ੇ ਦੇ ਵਪਾਰ ਤੋਂ ਜਾਣੇ-ਅਣਜਾਣੇ ਵਿੱਚ ਲਾਭ ਲੈਂਦੇ ਹਨ। ਨਸ਼ੇ ਦਾ ਆਨੰਦ ਮਾਣ ਕੇ, ਨਸ਼ੇ ਦੇ ਕਾਰੋਬਾਰ ਤੋਂ ਲਾਭ ਲੈ ਕੇ ਦੋਸ਼ ਸਿਆਸਤਦਾਨਾਂ ਜਾਂ ਸਰਕਾਰੀ ਅਧਿਕਾਰੀਆਂ ਅਤੇ ਪੁਲਿਸ ‘ਤੇ ਮੜ੍ਹ ਦਿੱਤਾ ਜਾਂਦਾ ਹੈ। ਆਪਣੇ ਵਿੱਚੋਂ ਹੀ ਚੁਣੇ ਹੋਏ ਵਿਅਕਤੀਆਂ ਨਾਲ ਸਰਕਾਰ ਬਣਦੀ ਹੈ । ਸਰਕਾਰ ਜਨਤਾ ਦਾ ਇੱਕ ਛੋਟਾ ਜਿਹਾ ਸਰਗਰਮ ਹਿੱਸਾ ਹੈ। ਭਾਵੇਂ ਸਰਕਾਰ ਕਿਸੇ ਵੀ ਪਾਰਟੀ ਦੀ ਹੋਵੇ,ਕਿਸੇ ਵੀ ਸਰਕਰ ਕੋਲ ਕੋਈ ਕਲਾ ਨਹੀਂ ਕਿ ਜਨਤਾ ਨੂੰ ਸੁਧਾਰ ਸਕੇ। ਅਤੇ ਨਸ਼ੇ ਦੇ ਵਪਾਰ ਨੂੰ ਰੋਕ ਸਕੇ।

ਨਸ਼ੇ ਦੇ ਆਦੀ ਅਤੇ ਨਸ਼ਾ ਕਰਨ ਵਾਲੇ ਵੀ ਸਾਡੇ ਰਿਸ਼ਤੇਦਾਰ ਅਤੇ ਦੋਸਤ ਹੀ ਹਨ। ਜੇਕਰ ਨਸ਼ੇ ਦਾ ਨੁਕਸਾਨ ਜਨਤਾ ਤੱਕ ਪਹੁੰਚਦਾ ਹੈ ਤਾਂ ਨਸ਼ੇ ਦੀ ਫੈਕਟਰੀ ਅਤੇ ਇਸ ਦੇ ਕਾਰੋਬਾਰ ਦਾ ਮੁਨਾਫਾ ਵੀ ਜਨਤਾ ਤੱਕ ਪਹੁੰਚਦਾ ਹੈ। ਇਸ ਕਰਕੇ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ, ਨਸ਼ੇ ਦੇ ਵਪਾਰ ਦੇ ਨੁਕਸਾਨ ਜਾਂ ਲਾਭ ਲਈ ਜਨਤਾ ਹੀ ਜ਼ਿੰਮੇਵਾਰ ਹੈ। ਇੱਥੋਂ ਤੱਕ ਕਿ ਲੋਕ ਇਸ ਦੇ ਚੰਗੇ ਜਾਂ ਮਾੜੇ ਨਤੀਜੇ ਭੁਗਤ ਰਹੇ ਹਨ। ਨਸ਼ਾ ਖਤਮ ਕਰਨ ਲਈ ਸਰਕਾਰ ਤੋਂ ਕੋਈ ਉਮੀਦ ਨਾ ਕਰੋ ਤੇ ਨਸ਼ੀਲੇ ਪਦਾਰਥਾਂ ਦੇ ਵਪਾਰ ਨੂੰ ਰੋਕਣ ਵਿੱਚ ਅਸਫਲ ਰਹਿਣ ਕਾਰਨ ਸਰਕਾਰ ਨੂੰ ਦੋਸ਼ ਨਾ ਦਿਓ। ਆਪਣੇ ਆਪ ਨੂੰ ਦੋਸ਼ੀ ਠਹਿਰਾਓ। ਅਸਲ ਵਿੱਚ ਜਨਤਾ ਨਸ਼ੇ ਲੈਣਾ ਬੰਦ ਨਹੀਂ ਕਰਦੀ ਅਤੇ ਨਸ਼ੇ ਦੇ ਵਪਾਰ ਨੂੰ ਰੋਕਣਾ ਨਹੀਂ ਚਾਹੁੰਦੀ।ਤਦ ਹੀ ਨਸ਼ਾ ਵਿਕਦਾ ਹੈ।

ਕਾਨੂੰਨੀ ਅਤੇ ਗੈਰ-ਕਾਨੂੰਨੀ ਨਸ਼ਾ ਦੋਵੇਂ ਸਾਡੀ ਸਿਹਤ ਅਤੇ ਸਮਾਜ ਲਈ ਨੁਕਸਾਨਦੇਹ ਹਨ। ਆਪ ਸਭ ਨੂੰ ਬੇਨਤੀ ਹੈ ਕਿ ਨਸ਼ੇ ਦੇ ਵਪਾਰ ਲਈ ਸਰਕਾਰ ਨੂੰ ਦੋਸ਼ੀ ਨਾ ਠਹਿਰਾਓ ਆਪਣੇ ਆਪ ਨੂੰ ਸੁਧਾਰੋ, ਆਪਣੇ ਰਿਸ਼ਤੇਦਾਰਾਂ, ਦੋਸਤਾਂ ਨੂੰ ਪ੍ਰਚਾਰ ਕਰਕੇ ਪ੍ਰੇਰਿਤ ਕਰੋ। ਜੇ ਜਨਤਾ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਬੰਦ ਕਰ ਦੇਵੇਗੀ, ਨਸ਼ੇ ਦਾ ਆਨੰਦ ਲੈਣਾ ਬੰਦ ਕਰ ਦੇਵੇਗੀ, ਨਸ਼ੀਲੇ ਪਦਾਰਥਾਂ ਦਾ ਵਪਾਰ ਕਰਨਾ ਬੰਦ ਕਰ ਦੇਵੇਗੀ ਤਾਂ ਨਸ਼ੀਲੇ ਪਦਾਰਥਾਂ ਦੀ ਵਰਤੋਂ ਤੇ ਵਪਾਰ ਆਪਣੇ ਆਪ ਬੰਦ ਹੋ ਜਾਵੇਗਾ। ਜੇਕਰ ਜਨਤਾ ਨਸ਼ਾ ਨਹੀਂ ਰੋਕਦੀ ਤਾਂ ਸਰਕਾਰ ਨਸ਼ੇ ਨੂੰ ਕਿਸੇ ਵੀ ਤਰ੍ਹਾਂ ਖਤਮ ਨਹੀਂ ਕਰ ਸਕਦੀ। ਇਸ ਕੌੜੇ ਸੱਚ ਹੈ।