ਦਿੱਲੀ ਕਮੇਟੀ ਦਾ ਮੌਜੂਦਾ ਪ੍ਰਬੰਧਕੀ ਕਾਰਜਕਾਲ ਸਮਾਪਤ ਹੋਣ ਤੇ ਉਪਰਾਜਪਾਲ ਹੋਰ ਸਮਾਂ ਨਾ ਵਧਾਉਣ, ਚੋਣਾਂ ਦਾ ਕਰਣ ਐਲਾਨ: ਪਰਮਜੀਤ ਸਿੰਘ ਵੀਰਜੀ = 22 ਜਨਵਰੀ ਨੂੰ ਮੌਜੂਦਾ ਪ੍ਰਬੰਧਕੀ ਕਾਰਜਕਾਲ ਹੋ ਰਿਹਾ ਹੈ ਸਮਾਪਤ 

ਕਿ ਕੌਈ ਅਸਪਤਾਲ ਬਣਵਾਇਆ..? ਕਿ ਕੌਈ ਨਵਾਂ ਸਕੂਲ/ ਕਾਲਜ ਹੋਂਦ ਵਿਚ ਲਿਆਂਦਾ ਗਿਆ..? ਬਹੁਤ ਸਾਰੇ ਉੱਠ ਰਹੇ ਹਨ ਜਿਨ੍ਹਾਂ ਬਾਰੇ ਸਮੇਂ ਸਮੇਂ ਤੇ ਤੁਹਾਡੇ ਕੋਲੋਂ ਜੁਆਬ ਮੰਗਿਆ ਜਾਏਗਾ । ਜਦਕਿ ਹੱਕੀਕਤ ਇਹ ਹੈ ਕਿ ਕਮੇਟੀ ਪ੍ਰਬੰਧ ਹੇਠ ਚਲ ਰਹੇ ਬਹੁਤੇ ਸਕੂਲਾਂ ਵਿਚ ਵਿਦਿਆਰਥੀ ਗਿਣਤੀ ਦੇ ਰਹਿ ਗਏ ਹਨ ਤੇ ਸਕੂਲਾਂ ਉਪਰ ਭਾਰੀ ਭਰਕਮ ਬਕਾਇਆ ਖੜਾ ਹੋ ਗਿਆ ਹੈ ਜਿਸ ਕਰਕੇ ਮਾਮਲਾ ਅਦਾਲਤ ਵਿਚ ਪਹੁੰਚਣ ਕਰਕੇ ਅਦਾਲਤ ਵਲੋਂ ਕਮੇਟੀ ਦੀ ਕੁਝ ਜਾਇਦਾਦ ਦੀ ਕੀਮਤ ਲਗਾਣ ਵਾਸਤੇ ਆਦੇਸ਼ ਜਾਰੀ ਕੀਤੇ ਹੋਏ ਹਨ। ਉਨ੍ਹਾਂ ਕਿਹਾ ਇਹ ਤੁਹਾਡੀ ਪ੍ਰਾਪਤੀ ਹੈ ਕਿ ਤੁਹਾਡੀ ਪ੍ਰਬੰਧਕੀ ਅਧੀਨ ਕੁਝ ਸਕੂਲ ਅਤੇ ਕਾਲਜ ਬੰਦ ਹੋ ਗਏ ਹਨ ਤੇ ਕੌਮ ਦਾ ਸਰਮਾਇਆ ਭਾਰੀ ਕਰਜੇ ਕਰਕੇ ਕੁਰਕ ਹੋਣ ਤੇ ਆ ਗਿਆ ਹੈ । ਉਨ੍ਹਾਂ ਧਰਮ ਪ੍ਰਚਾਰ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਧਰਮ ਪ੍ਰਚਾਰ ਮੁੱਖੀ ਗੂੰਗਾ ਹੈ ਉਨ੍ਹਾਂ ਪੰਥ ਲਈ ਪ੍ਰਚਾਰ ਕਿਦਾਂ ਕੀਤਾ ਜਾਂਦਾ ਹੈ ਬਾਰੇ ਕੁਝ ਪਤਾ ਹੀ ਨਹੀਂ ਹੈ । ਉਨ੍ਹਾਂ ਕਿਹਾ ਜਦੋ ਸ਼ਤਾਬਦੀਆਂ ਦੇ ਸਮਾਗਮ ਤਕ ਧਰਮ ਪ੍ਰਚਾਰ ਵਲੋਂ ਨਹੀਂ ਕਰਵਾਏ ਜਾ ਸਕੇ ਤੇ ਓਹ ਵੀ ਸਰਕਾਰ ਵਲੋਂ ਕਰਵਾਏ ਗਏ ਇਸ ਤੋਂ ਵੱਧ ਪੰਥ ਲਈ ਸ਼ਰਮਿੰਦਗੀ ਦੀ ਹੋਰ ਕੀ ਗੱਲ ਹੋ ਸਕਦੀ ਹੈ । ਉਨ੍ਹਾਂ ਕਿਹਾ ਮੇਰੀ ਉਪ-ਰਾਜਪਾਲ ਨੂੰ ਅਪੀਲ ਹੈ ਕਿ ਐਸੀ ਕਮੇਟੀ ਨੂੰ ਉਨ੍ਹਾਂ ਦੇ ਕਾਰਜਕਾਲ ਦੇ ਸਮੇਂ ਦੀ ਮਿਆਦ ਵਿਚ ਕਿਸੇ ਵੀ ਤਰ੍ਹਾਂ ਦਾ ਵਾਧਾ ਨਾ ਦਿੱਤਾ ਜਾਵੇ। ਨਾਲ ਹੀ, ਸੰਗਤ ਕੋਲ ਵੀ ਅਪੀਲ ਹੈ ਕਿ ਇਨ੍ਹਾਂ ਦੀ ਨੀਅਤ ਨੂੰ ਸਮਝਣ, ਵੱਧ ਤੋਂ ਵੱਧ ਗਿਣਤੀ ਵਿੱਚ ਵੋਟ ਬਣਵਾਉਣ ਅਤੇ ਪੰਥ ਹਿਤ ਵਿੱਚ ਆਪਣਾ ਯੋਗਦਾਨ ਪਾਉਣ। ਕਿਉਕਿ ਇਹ ਵੋਟਾਂ ਘੱਟ ਬਣ ਰਹੀਆਂ ਹਨ ਦਾ ਬਹਾਨਾ ਬਣਾ ਕੇ ਕਮੇਟੀ ਤੇ ਕਾਬਿਜ ਰਹਿਣਾ ਚਾਹੁੰਦੇ ਹਨ ਤੇ ਆਪ ਜੀ ਇੰਨ੍ਹਾ ਦੇ ਕਾਰਜਕਾਲ ਦੀਆਂ ਪ੍ਰਾਪਤੀਆਂ ਬਾਰੇ ਭਲੀ ਭਾਂਤ ਜਾਣੂ ਹੋ ਚੁੱਕੇ ਹੋ ਤੇ ਹੁਣ ਸਮਾਂ ਬਦਲਾਵ ਦਾ ਹੈ ਇਸ ਲਈ ਪੰਥ ਦਾ ਸਰਮਾਇਆ ਬਚਾਉਣ ਲਈ ਤੁਹਾਨੂੰ ਅੱਗੇ ਆਣ ਦੀ ਲੋੜ ਹੈ ।