ਡਿਪਟੀ ਕਮਿਸ਼ਨਰ ਵੱਲੋਂ 20-21 ਨਵੰਬਰ ਨੂੰ ਲੁਧਿਆਣਾ ‘ਚ ਹੋਣ ਵਾਲੇ ਵਿਸ਼ਾਲ ਨਗਰ ਕੀਰਤਨ ‘ਚ ਭਰਵੀਂ ਸ਼ਮੂਲੀਅਤ ਦੀ ਅਪੀਲ
ਲੁਧਿਆਣਾ ( ਜਸਟਿਸ ਨਿਊਜ਼)
– ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਦਿਹਾੜੇ ਦੀ ਯਾਦ ਨੂੰ ਸਮਰਪਿਤ ਪੰਜਾਬ ਸਰਕਾਰ ਦਾ ਵਿਸ਼ਾਲ ਨਗਰ ਕੀਰਤਨ 20 ਨਵੰਬਰ ਨੂੰ ਲੁਧਿਆਣਾ ਪਹੁੰਚੇਗਾ ਅਤੇ 20-21 ਨਵੰਬਰ ਨੂੰ ਸ਼ਹਿਰ ਵਿੱਚੋਂ ਲੰਘੇਗਾ।
ਡਿਪਟੀ ਕਮਿਸ਼ਨਰ ਹਿਮਾਂਸ਼ੂ ਜੈਨ ਨੇ ਜ਼ਿਲ੍ਹਾ ਵਾਸੀਆਂ ਨੂੰ ਵੱਡੀ ਗਿਣਤੀ ਵਿੱਚ ਸ਼ਮੂਲੀਅਤ ਕਰਨ, ਨੌਵੇਂ ਗੁਰੂ ਸਾਹਿਬ ਦਾ ਆਸ਼ੀਰਵਾਦ ਲੈਣ ਅਤੇ ਇਸ ਸਮਾਗਮ ਨੂੰ ਇਤਿਹਾਸਕ ਤੌਰ ‘ਤੇ ਯਾਦਗਾਰ ਬਣਾਉਣ ਦੀ ਅਪੀਲ ਕੀਤੀ ਹੈ।
20 ਨਵੰਬਰ ਨੂੰ ਰੂਟ (ਐਂਟਰੀ ਅਤੇ ਰਾਤ ਦਾ ਠਹਿਰਾਅ)
ਨਗਰ ਕੀਰਤਨ ਪਿੰਡ ਅਗਵਾੜ ਲੋਪੋਂ ਖੁਰਦ (ਜਗਰਾਉਂ) ਤੋਂ ਲੁਧਿਆਣਾ ਜ਼ਿਲ੍ਹੇ ਵਿੱਚ ਪ੍ਰਵੇਸ਼ ਕਰਦਾ ਹੋਇਆ ਜਗਰਾਉਂ ਸ਼ਹਿਰ-ਮੁੱਲਾਂਪੁਰ-ਇਆਲੀ ਚੌਕ-ਵੇਵ ਮਾਲ-ਲੋਧੀ ਕਲੱਬ-ਸੀਨੀਅਰ ਸਿਟੀਜ਼ਨ ਹੋਮ-ਸਰਾਭਾ ਨਗਰ ਥਾਣਾ-ਗੁਰੂ ਨਾਨਕ ਪਬਲਿਕ ਸਕੂਲ-ਟੀ-ਪੁਆਇੰਟ ਮਲਹਾਰ ਰੋਡ-ਆਰਤੀ ਚੌਕ- ਭਾਈਵਾਲਾ ਚੌਂਕ-ਡੀ.ਸੀ.ਦਫਤਰ-ਭਾਰਤ ਨਗਰ ਚੌਂਕ-ਦੁਰਗਾ ਮਾਤਾ ਮੰਦਿਰ ਹੁੰਦਾ ਹੋਇਆ ਲੁਧਿਆਣਾ ਜ਼ਿਲ੍ਹੇ ਵਿੱਚ ਪ੍ਰਵੇਸ਼ ਕਰੇਗਾ। ਗੁਰਦੁਆਰਾ ਸ਼੍ਰੀ ਦੂਖ ਨਿਵਾਰਨ ਸਾਹਿਬ ਵਿਖੇ ਰਾਤ ਦਾ ਠਹਿਰਾਅ ਹੋਵੇਗਾ।
ਰੂਟ 21 ਨਵੰਬਰ (ਰਵਾਨਗੀ)
ਨਗਰ ਕੀਰਤਨ ਸਵੇਰੇ 8:00 ਵਜੇ ਗੁਰਦੁਆਰਾ ਸ੍ਰੀ ਦੂਖ ਨਿਵਾਰਨ ਸਾਹਿਬ ਤੋਂ ਮੁੜ ਆਰੰਭ ਹੋਵੇਗਾ, ਜੇ.ਐਮ.ਡੀ.ਮਾਲ-ਕਲੌਕ ਟਾਵਰ ਚੌਂਕ-ਚਾਂਦ ਸਿਨੇਮਾ ਪੁਲ-ਜਲੰਧਰ ਬਾਈਪਾਸ ਚੌਂਕ-ਕਾਰਾਬਾਰਾ ਚੌਂਕ-ਸ਼ਿਵਪੁਰੀ ਚੌਂਕ-ਬਸਤੀ ਜੋਧੇਵਾਲ ਚੌਂਕ-ਸਮਰਾਲਾ ਚੌਂਕ-ਓਸਵਾਲ ਚੌਂਕ-ਸ਼ੇਰਪੁਰ ਚੌਂਕ-ਗਿਆਸਪੁਰਾ ਚੌਂਕ-ਢੰਡਾਰੀ ਕਲਾਂ-ਜੁਗਿਆਣਾ ਚੌਂਕ – ਸਾਹਨੇਵਾਲ – ਦੋਰਾਹਾ – ਖੰਨਾ ਹੁੰਦਾ ਹੋਇਆ ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਵਿੱਚ ਪ੍ਰਵੇਸ਼ ਕਰਨ ਤੋਂ ਪਹਿਲਾਂ ਸਮਾਪਤ ਹੋਵੇਗਾ।
ਸਖ਼ਤ ਹੁਕਮ ਜਾਰ
ਪਵਿੱਤਰ ਨਗਰ ਕੀਰਤਨ ਦੌਰਾਨ ਸਦਭਾਵਨਾ, ਜਨਤਕ ਵਿਵਸਥਾ ਅਤੇ ਧਾਰਮਿਕ ਭਾਵਨਾਵਾਂ ਦਾ ਸਤਿਕਾਰ ਬਣਾਈ ਰੱਖਣ ਲਈ, ਜ਼ਿਲ੍ਹਾ ਮੈਜਿਸਟ੍ਰੇਟ ਹਿਮਾਂਸ਼ੂ ਜੈਨ ਨੇ ਭਾਰਤੀ ਨਾਗਰਿਕ ਸੁਰੱਖਿਆ ਸੰਹਿਤਾ, 2023 ਦੀ ਧਾਰਾ 163 ਅਤੇ ਪੰਜਾਬ ਆਬਕਾਰੀ ਐਕਟ, 1914 ਦੀ ਧਾਰਾ 54 ਦੇ ਤਹਿਤ ਹੁਕਮ ਜਾਰੀ ਕੀਤੇ ਹਨ:
– ਨਗਰ ਕੀਰਤਨ ਦੇ ਪੂਰੇ ਰੂਟ ‘ਤੇ ਸਥਿਤ ਸਾਰੀਆਂ ਸ਼ਰਾਬ, ਮਾਸ, ਸਿਗਰਟ/ਬੀੜੀ/ਪਾਨ ਦੀਆਂ ਦੁਕਾਨਾਂ ਅਤੇ ਰੇਹੜੀ ਦੇ ਸਟਾਲ ਪੂਰੀ ਤਰ੍ਹਾਂ ਬੰਦ ਰਹਿਣਗੇ।
– ਕਿਸੇ ਵੀ ਕਾਰਵਾਈ, ਨਾਅਰੇ ਜਾਂ ਗਤੀਵਿਧੀ ‘ਤੇ ਸਖ਼ਤ ਪਾਬੰਦੀ ਜੋ ਧਾਰਮਿਕ ਭਾਵਨਾਵਾਂ ਨੂੰ ਠੇਸ ਪਹੁੰਚਾ ਸਕਦੀ ਹੈ ਜਾਂ ਸ਼ਾਂਤੀ ਭੰਗ ਕਰ ਸਕਦੀ ਹੈ।
ਇਹ ਪਾਬੰਦੀਆਂ 19 ਨਵੰਬਰ, 2025 ਨੂੰ ਸ਼ਾਮ 5:00 ਵਜੇ ਤੋਂ 21 ਨਵੰਬਰ, 2025 ਨੂੰ ਅੱਧੀ ਰਾਤ (12:00 ਵਜੇ) ਤੱਕ ਲਾਗੂ ਰਹਿਣਗੀਆਂ।
