ਹਰਿਆਣਾ ਖ਼ਬਰਾਂ

ਸੀਐਕਯੂਐਮ ਮੀਟਿੰਗ ਵਿੱਚ ਮੁੱਖ ਸਕੱਤਰ ਅਨੁਰਾਗ ਰਸਤੋਗੀ ਨੇ ਪੇਸ਼ ਕੀਤੀ ਬਹੁ-ਆਯਾਮੀ ਰਣਨੀਤੀ

ਚੰਡੀਗੜ੍ਹ  ( ਜਸਟਿਸ ਨਿਊਜ਼   )ਵਾਯੁ ਗੁਣਵੱਤਾ ਪ੍ਰਬੰਧਨ ਕਮੀਸ਼ਨ ਦੇ ਚੇਅਰਮੈਨ ਸ੍ਰੀ ਰਾਜੇਸ਼ ਵਰਮਾ ਨੇ ਅੱਜ ਹਰਿਆਣਾ ਵਿੱਚ ਵਾਯੁ ਪ੍ਰਦੂਸ਼ਨ ਨੂੰ ਰੋਕਣ ਲਈ ਵਾਤਾਵਰਣ ਨਾਲ ਜੁੜੇ ਵੱਖ ਵੱਖ ਨਿਰਦੇਸ਼ਾਂ ਨੂੰ  ਲਾਗੂ ਕਰਨ ਦੇ ਸਬੰਧ ਵਿੱਚ ਮੀਟਿੰਗ ਦੀ ਅਗਵਾਈ ਕੀਤੀ। ਹਰਿਆਣਾ ਦੇ ਮੁੱਖ ਸਕੱਤਰ ਸ੍ਰੀ ਅਨੁਰਾਗ ਰਸਤੋਗੀ ਨੇ ਮੀਟਿੰਗ ਵਿੱਚ ਸੂਬਾ, ਖਾਸ ਤੌਰ ‘ਤੇ ਐਨਸੀਆਰ ਖੇਤਰ ਵਿੱਚ ਵਾਯੁ ਪ੍ਰਦੂਸ਼ਣ ਨਾਲ ਨਜਿੱਠਣ ਲਈ ਇੱਕ ਵਿਆਪਕ ਅਤੇ ਬਹੁ-ਖੇਤਰੀ ਕਾਰਜ ਯੋਜਨਾ ਪੇਸ਼ ਕੀਤੀ।

ਮੀਟਿੰਗ ਵਿੱਚ ਸੀਐਕਯੂਐਮ ਦੇ ਸੀਨੀਅਰ ਮੈਂਬਰ ਡਾ. ਵੀਰੇਂਦਰ ਸ਼ਰਮਾ ਅਤੇ ਡਾ. ਸੁਜੀਤ ਕੁਮਾਰ ਵਾਜਪੇਈ, ਹਰਿਆਣਾ ਦੇ ਵਾਤਾਵਰਣ, ਵਨ ਅਤੇ ਜੰਗਲੀਜੀਵ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਸ੍ਰੀ ਆਨੰਦ ਮੋਹਨ ਸ਼ਰਣ, ਹਰਿਆਣਾ ਰਾਜ ਪ੍ਰਦੂਸ਼ਣ ਕੰਟ੍ਰੋਲ ਬੋਰਡ ਦੇ ਚੇਅਰਮੈਨ ਸ੍ਰੀ ਵਿਨੀਤ ਗਰਗ, ਊਰਜਾ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਸ੍ਰੀ ਏ.ਕੇ. ਸਿੰਘ, ਵਿਕਾਸ ਅਤੇ ਪੰਚਾਇਤ ਵਿਭਾਗ ਦੇ ਕਮੀਸ਼ਨਰ ਅਤੇ ਸਕੱਤਰ ਡਾ. ਸਾਕੇਤ ਕੁਮਾਰ ਅਤੇ ਵੱਖ ਵੱਖ ਵਿਭਾਗਾਂ ਦੇ ਸੀਨੀਅਰ ਅਧਿਕਾਰੀ ਵੀ ਮੌਜ਼ੂਦ ਸਨ।

ਮੀਟਿੰਗ ਵਿੱਚ ਭਾਗ ਲੈਣ ਤੋਂ ਬਾਅਦ ਮੁੱਖ ਸਕੱਤਰ ਅਨੁਰਾਗ ਰਸਤੋਗੀ ਨੇ ਦੱਸਿਆ ਕਿ ਹਰਿਆਣਾ ਸਾਲ 2025 ਵਿੱਚ ਝੋਨੇ ਦੀ ਪਰਾਲੀ ਜਲਾਉਣ ਦੀ ਸਮੱਸਿਆ ਨੂੰ ਖਤਮ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਸੂਬੇ ਵਿੱਚ ਝੋਨੇ ਦੀ ਖੇਤੀ ਤਹਿਤ ਕੁਲ੍ਹ 41.37 ਲੱਖ ਏਕੜ ਵਿੱਚੋਂ ਲਗਭਗ 85.50 ਲੱਖ ਮੀਟ੍ਰਿਕ ਟਨ ਪਰਾਲੀ ਪੈਦਾ ਹੋਣ ਦੀ ਉੱਮੀਦ ਹੈ। ਇਸ ਦੇ ਇਲਾਵਾ 22.63 ਲੱਖ ਏਕੜ ਵਿੱਚ ਬਾਸਮਤੀ ਅਤੇ 18.74 ਲੱਖ ਏਕੜ ਵਿੱਚ ਗੈਰ-ਬਾਸਮਤੀ ਦੀ ਖੇਤੀ ਕੀਤੀ ਜਾ ਰਹੀ ਹੈ। ਕਿਸਾਨਾਂ ਦੀ ਮਦਦ ਲਈ ਸੂਬੇ ਵਿੱਚ ਤਿੰਨ ਮੁੱਵ ਯੋਜਨਾਵਾਂ ਤਹਿਤ ਵਿਤੀ ਮਦਦ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਮੇਰਾ ਪਾਣੀ ਮੇਰੀ ਵਿਰਾਸਤ ਤਹਿਤ 8000 ਰੁਪਏ ਪ੍ਰਤੀ ਏਕੜ,ਸਿੱਧੀ ਬਿਜਾਈ ਵਾਲੇ ਝੋਨੇ ਲਈ 4500 ਰੁਪਏ ਪ੍ਰਤੀ ਏਕੜ ਦੀ ਦਰ ਨਾਲ ਵਿਤੀ ਮਦਦ ਦਿੱਤੀ ਜਾਂਦੀ ਹੈ। ਇਨ੍ਹਾਂ ਯੋਜਨਾਵਾਂ ਲਈ ਰਜਿਸਟ੍ਰੇਸ਼ਨ ਮੇਰੀ ਫਸਲ ਮੇਰਾ ਬਿਯੌਰਾ ਪੋਰਟਲ ਰਾਹੀਂ ਪ੍ਰਾਪਤ ਕੀਤੇ ਜਾ ਰਹੇ ਹਨ ਜਿਸ ਨਾਲ ਕਿਸਾਨਾਂ ਲਈ ਪਾਰਦਰਸ਼ਿਤਾ ਅਤੇ ਅਸਾਨ ਪਹੁੰਚ ਯਕੀਨੀ ਹੋ ਰਹੀ ਹੈ।

ਇਸ ਦੇ ਇਲਾਵਾ ਸ੍ਰੀ ਰਸਤੋਗੀ ਨੇ ਸੀਐਕਯੂਐਮ ਨੂੰ ਗੈਰ-ਐਨਸੀਆਰ ਜ਼ਿਲ੍ਹਿਆਂ ਵਿੱਚ ਸਥਿਤ ਇੰਟ ਭੱਠਿਆਂ ਵਿੱਚੋ ਝੋਨੇ ਦੀ ਪਰਾਲੀ ਅਧਾਰਿਤ ਬਾਯੋਮਾਸ ਪੈਲੇਟ ਦੇ ਉਪਯੋਗ ਨੂੰ ਜਰੂਰੀ ਕਰਨ ਲਈ ਹਰਿਆਣਾ ਦੇ ਠੋਸ ਯਤਨਾਂ ਬਾਰੇ ਵੀ ਜਾਣਕਾਰੀ ਦਿੱਤੀ। ਨਿਰਦੇਸ਼ ਗਿਣਤੀ 92 ਤਹਿਤ ਇੱਕ ਸਪਸ਼ਟ ਸੀਮਾ ਤੈਅ ਕੀਤੀ ਗਈ ਹੈ ਜਿਸ ਵਿੱਚ ਨਵੰਬਰ 2025 ਤੱਕ 20 ਫੀਸਦੀ ਅਤੇ ਨਵੰਬਰ 2028 ਤੱਕ 50 ਫੀਸਦੀ ਤੱਕ ਬਾਯੋਮਾਸ  ਦੇ ਉਪਯੋਗ ਦਾ ਟੀਚਾ ਰੱਖਿਆ ਗਿਆ ਹੈ। ਸ੍ਰੀ ਰਸਤੋਗੀ ਨੇ ਦੱਸਿਆ ਕਿ ਇਸ ਨੂੰ ਲਾਗੂ ਕਰਨ ਲਈ 15 ਦਿਨਾਂ ਅੰਦਰ ਮਾਨਕ ਸੰਚਾਲਨ ਪ੍ਰਕਿਰਿਆ ਜਾਰੀ ਕੀਤੀ ਜਾਵੇਗੀ ਤਾਂ ਜੋ ਸਾਰੇ ਸਬੰਧਿਤ ਭੱਠਿਆਂ ਵਿੱਚ ਸਮਾਨ ਪ੍ਰਕਿਰਿਆ ਅਪਨਾਈ ਜਾ ਸਕੇ।

ਹਰਿਆਣਾ ਐਨਸੀਆਰ ਵਿੱਚ ਸੜਕਾਂ ਅਤੇ ਖੁਲੇ ਖੇਤਰਾਂ ਨਾਲ ਧੂਲ ਪ੍ਰਦੂਸ਼ਣ ਨੂੰ ਘੱਟ ਕਰਨ ਲਈ ਮੁੱਖ ਸਕੱਤਰ ਨੇ ਇੱਕ ਬਹੁ-ਆਯਾਮੀ ਰਣਨੀਤੀ ਦਾ ਰੋਡਮੈਪ ਪੇਸ਼ ਕੀਤਾ। ਸ੍ਰੀ ਰਸਤੋਗੀ ਨੇ ਦੱਸਿਆ ਕਿ ਉਨ੍ਹਾਂ ਨੇ 16 ਜੂਨ 2025 ਨੂੰ ਇੱਕ ਰਾਜ ਪੱਧਰੀ ਸਮੀਖਿਆ ਮੀਟਿੰਗ ਵਿੱਚ ਸਾਰੇ ਵਿਭਾਗਾਂ ਨੂੰ ਵਿਤੀ ਪ੍ਰਤੀਬੱਧਤਾਵਾਂ ਨਾਲ ਵਿਤ ਸਾਲ 2025-26 ਲਈ ਵਿਭਾਗਵਾਰ ਅੰਤਮ ਕਾਰਜ ਯੋਜਨਾਵਾਂ ਪੇਸ਼ ਕਰਨ ਦੇ ਨਿਰਦੇਸ਼ ਦਿੱਤੇ ਸਨ। ਸ਼ਹਿਰੀ ਸਥਾਨਕ ਸੰਸਥਾ ਨਿਦੇਸ਼ਾਲੇ ਵੱਲੋਂ 24 ਜੂਨ ਨੂੰ ਗੁਰੂਗ੍ਰਾਮ ਵਿੱਚ ਇੱਕ ਸਕਲ ਅੋਰਿਯੰਟੇਸ਼ਨ ਅਤੇ ਸਿਖਲਾਈ ਪੋ੍ਰਗਰਾਮ ਆਯੋਜਿਤ ਕੀਤਾ ਗਿਆ ਜਿੱਥੇ ਅੀਐਕਯੂਐਮ  ਅਧਿਕਾਰੀਆਂ, ਹਰਿਆਣਾ ਰਾਜ ਪ੍ਰਦੂਸ਼ਣ ਕੰਟ੍ਰੋਲ ਬੋਰਡ ਅਤੇ ਰਾਹਗੀਰੀ ਫਾਉਂਡੇਸ਼ਨ ਵੱਲੋਂ ਵਿਸਥਾਰ ਜਾਣਕਾਰੀ ਦਿੱਤੀ ਗਈ।

ਸ੍ਰੀ ਰਸਤੋਗੀ ਨੇ ਧੂਲ ਨਾਲ ਨਿਜੱਠਣ ਲਈ ਨਿਸ਼ਾਨਦੇਹ ਕੀਤੇ ਗਏ ਤਿੰਨ ਪ੍ਰਮੁੱਖ ਸ਼ਹਿਰ-ਗੁਰੂਗ੍ਰਾਮ, ਫਰੀਦਾਬਾਦ ਅਤੇ ਸੋਨੀਪਤ ਵਿੱਚ ਸ਼ਹਿਰੀ ਸੜਕ ਪੁਨਰਵਿਕਾਸ ਲਈ ਵੀ ਰਾਜ ਸਰਕਾਰ ਦੀ ਵਚਨਬੱਧਤਾ ਨੂੰ ਦੋਹਰਾਇਆ। ਉਨ੍ਹਾਂ ਨੇ ਦੱਸਿਆ ਕਿ ਲੋਕ ਨਿਰਮਾਣ, ਹਰਿਆਣਾ ਸ਼ਹਿਰੀ ਵਿਕਾਸ ਅਥਾਰਿਟੀ, ਫਰੀਦਾਬਾਦ ਮਹਾਨਗਰ ਵਿਕਾਸ ਅਥਾਰਿਟੀ ਅਤੇ ਸੋਨੀਪਤ ਮਹਾਨਗਰ ਵਿਕਾਸ ਅਥਾਰਿਟੀ ਸਮੇਤ ਵੱਖ ਵੱਖ ਵਿਭਾਗਾਂ ਨੂੰ ਫੁਟਪਾਥ ਦੇ ਦੁਬਾਰਾ ਤੋਂ ਵਿਕਾਸ, ਵਿਚਕਾਰ ਦੀਆਂ ਪੱਟੀਆਂ, ਸੜਕ ਕਿਨਾਰਿਆਂ ਨੂੰ ਪੱਕਾ ਕਰਵਾਉਣਾ ਅਤੇ ਪ੍ਰਬੰਧਨ ਲਈ ਵਿਸਥਾਰ ਪ੍ਰਸਤਾਵ ਤਿਆਰ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਹਨ।

ਮੁੱਖ ਸਕੱਤਰ ਨੇ ਵਾਹਨ ਪ੍ਰਦੂਸ਼ਣ ਕੰਟੋ੍ਰਲ ਲਈ ਚੁੱਕੇ ਗਏ ਕਦਮਾਂ ਦਾ ਵੀ ਜਿਕਰ ਕੀਤਾ। ਉਨ੍ਹਾਂ ਨੇ ਆਟੋਰਿਕਸ਼ਾ ਸਮੇਤ ਸਿਵਿਲ ਟ੍ਰਾਂਸਪੋਰਟ ਬੇੜੇ ਨੂੰ ਇਲੈਕਟ੍ਰਿਕ ਜਾਂ ਸਵੱਛ ਇੰਧਨ ਅਧਾਰਿਤ ਵਾਹਨਾਂ ਵਿੱਚ ਬਦਲਾਓ ਕਰਨ ਲਈ ਵੀ ਹਰਿਆਣਾ ਦੀ ਵਚਨਬੱਧਤਾ ਨੂੰ ਦੁਹਰਾਇਆ।

ਵਾਯੁ ਗੁਣਵੱਤਾ ਪ੍ਰਬੰਧਨ ਕਮੀਸ਼ਨ ਦੇ ਚੇਅਰਮੈਨ ਸ੍ਰੀ ਰਾਜੇਸ਼ ਵਰਮਾ ਨੇ ਹਰਿਆਣਾ ਦੀ ਡੇਟਾ-ਸੰਚਾਲਿਤ, ਸਮੇ ਸਿਰ ਅਤੇ ਵਿਤੀ ਰੂਪ ਨਾਲ ਸਮਰਥਿਤ ਕਾਰਜ ਯੋਜਨਾ ਦੀ ਸਲਾਂਘਾ ਕੀਤੀ। ਨਾਲ ਹੀ ਉਨ੍ਹਾਂ ਨੇ ਸੀਐਕਯੂਮ ਦੇ ਨਿਰਦੇਸ਼ਾਂ ਬਾਰੇ ਲੋਕਾਂ ਵਿੱਚ ਜਾਗਰੂਕਤਾ ਵਧਾਉਣ ਅਤੇ ਵਾਤਾਵਰਣ ਸਬੰਧੀ ਜਿੰਮੇਦਾਰੀ ਨੂੰ ਪ੍ਰੋਤਸਾਹਿਤ ਕਰਨ ਲਈ ਸੂਚਨਾ, ਸਿੱਖਿਆ ਅਤੇ ਸੰਚਾਰ ਗਤੀਵਿਧੀਆਂ ਦੀ ਲੋੜ ‘ਤੇ ਜੋਰ ਦਿੱਤਾ

ਪ੍ਰਧਾਨ ਮੰਤਰੀ ਦੇ ਵਿਕਸਿਤ ਭਾਰਤ ਦੇ ਵਿਜ਼ਨ ਨੂੰ ਸਾਕਾਰ ਕਰਨ ਦੀ ਰਾਹ ਵਿਖਾਏਗਾ ਸਥਾਨਕ ਸੰਸਥਾਵਾਂ ਦਾ ਕੌਮੀ ਸੰਮੇਲਨ- ਨਾਇਬ ਸਿੰਘ ਸੈਣੀ

ਚੰਡੀਗੜ੍ਹ, (  ਜਸਟਿਸ ਨਿਊਜ਼  ) ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਵੀਰਵਾਰ ਨੂੰ ਮਾਣੇਸਰ ਵਿੱਚ ਸ਼ਹਿਰੀ ਸਥਾਨਕ ਸੰਸਥਾਵਾਂ ਦੇ ਪ੍ਰਧਾਨਾਂ ਦੇ ਪਹਿਲੇ ਕੌਮੀ ਸੰਮੇਲਨ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਸਾਨੂੰ ਮਾਣ ਹੈ ਕਿ ਇਸ ਸੰਮੇਲਨ ਦੀ ਮੇਜ਼ਬਾਨੀ ਹਰਿਆਣਾ ਨੂੰ ਮਿਲੀ ਹੈ। ਇਸ ਸੰਮੇਲਨ ਵਿੱਚ ਅਸੀ ਸਾਰੇ ਆਪਣੇ ਲੋਕਤੰਤਰ ਨੂੰ ਮਜਬੂਤ ਕਰਨ ਅਤੇ ਰਾਸ਼ਟਰ ਨਿਰਮਾਣ ਵਿੱਚ ਸ਼ਹਿਰੀ ਸਥਾਨਕ ਸੰਸਥਾਵਾਂ ਦੀ ਭੂਮਿਕਾ ‘ਤੇ ਵਿਚਾਰ ਕਰ ਰਹੇ ਹਨ। ਇਹ ਵਿਸ਼ਾ ਸਾਡੇ ਲੋਕਤੰਤਰ ਦੀ ਜੜਾਂ ਨੂੰ ਸਿੰਚਣ ਅਤੇ ਮਾਨਯੋਗ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਜੀ ਦੇ ਵਿਕਸਿਤ ਭਾਰਤ- 2047 ਦੇ ਵਿਜ਼ਨ ਨੂੰ ਸਾਕਾਰ ਕਰਨ ਦੀ ਰਾਹ ਵਿਖਾਉਂਦਾ ਹੈ।

ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਸ਼ਹਿਰੀ ਸਥਾਨਕ ਸੰਸਥਾ ਲੋਕਤੰਤਰ ਦੀ ਪਹਿਲੀ ਪਾਠਸ਼ਾਲਾ ਅਤੇ ਨਰਸਰੀ ਹੈ। ਲੋਕਤੰਤਰ ਦੀ ਜੜਾਂ ਸਥਾਨਕ ਪੱਧਰ ‘ਤੇ ਜਿਨ੍ਹੀ ਡੂੰਗੀ ਹੋਣਗੀਆਂ, ਸਾਡਾ ਰਾਸ਼ਟਰ ਉਨ੍ਹਾਂ ਹੀ ਸਸ਼ਕਤ ਬਣੇਗਾ। ਚੰਗਾ ਇੰਫ੍ਰਾਸਟ੍ਰਕਚਰ ਨਾਗਰੀਕਾਂ ਨੂੰ  ਆਧੁਨਿਕ ਸਹੂਲਤਾਂ ਪ੍ਰਦਾਨ ਕਰਦਾ ਹੈ ਤਾਂ ਆਮਜਨ ਨੂੰ ਲਗਦਾ ਹੈ ਕਿ ਵਿਕਸਿਤ ਭਾਰਤ-ਵਿਕਸਿਤ ਹਰਿਆਣਾ, ਵਿਕਸਿਤ ਨਗਰਾਂ ਨਾਲ ਹੀ ਬਣੇਗਾ। ਇਸ ਲਈ ਅਸੀ ਹਰਿਆਣਾ ਵਿੱਚ ਵਿਜ਼ਨ-2047 ਤਹਿਤ ਇੱਕ ਟ੍ਰਿਲਿਅਨ ਡਾਲਰ ਦੀ ਅਰਥਵਿਵਸਥਾ ਬਨਾਉਣ ਅਤੇ 50 ਲੱਖ ਨਵੇਂ ਰੁਜਗਾਰ ਦੇ ਮੌਕੇ ਪੈਦਾ ਕਰਨ ਦਾ ਟੀਚਾ ਰੱਖਿਆ ਹੈ।

5 ਅਤਿ-ਆਧੁਨਿਕ ਸ਼ਹਿਰ ਬਸਾਉਣ ਦੇ ਪੋ੍ਰਜੈਕਟ ‘ਤੇ ਹੋ ਰਿਹਾ ਕੰਮ- ਮੁੱਖ ਮੰਤਰੀ

ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਸਾਇਬਰ ਸਿਟੀ ਗੁਰੂਗ੍ਰਾਮ ਸ਼ਹਿਰੀ ਵਿਕਾਸ ਦਾ ਇੱਕ ਮਾਡਲ ਹੈ। ਇਸ ਦੇ ਨਾਲ ਲਗਦੇ 180 ਕਿਲ੍ਹੋਮੀਟਰ ਲੰਮੇ ਕੇ.ਐਮ.ਪੀ. ਕਾਰਿਡੋਰ ਨਾਲ ਪੰਜ ਗ੍ਰਾਮ ਯੋਜਨਾ ਤਹਿਤ ਅਜਿਹੇ ਹੀ 5 ਅਤਿ-ਆਧੁਨਿਕ ਸ਼ਹਿਰ ਬਸਾਉਣ ਦੇ ਪੋ੍ਰਜੈਕਟ ‘ਤੇ ਕੰਮ ਹੋ ਰਿਹਾ ਹੈ। ਇਹ ਯੋਜਨਾ ਸਾਲ 2050 ਤੱਕ 75 ਲੱਖ ਦੀ ਆਬਾਦੀ ਲਈ ਬਨਾਈ ਗਈ ਹੈ।

ਪੀਪੀਪੀ ਨਾਲ ਯੋਜਨਾਵਾਂ ਦਾ ਮਿਲ ਰਿਹਾ ਆਮਜਨ ਨੂੰ ਲਾਭ

ਮੁੱਖ ਮੰਤਰੀ ਨੇ ਕਿਹਾ ਕਿ ਅਰਮੁਤ ਯੋਜਨਾ ਤਹਿਤ ਸ਼ਹਿਰਾਂ ਵਿੱਚ ਬੁਨਿਆਦੀ ਢਾਂਚੇ ਨੂੰ ਮਜਬੂਤ ਕੀਤਾ ਜਾ ਰਿਹਾ ਹੈ। ਹਰਿਆਣਾ ਵਿੱਚ ਸਾਰੇ ਪਰਿਵਾਰਾਂ ਦਾ ਪਹਿਚਾਨ ਪੱਤਰ ਬਣਾਇਆ ਗਿਆ ਹੈ ਅਤੇ ਇਸ ਨਾਲ ਸਾਰੀ ਸਰਕਾਰੀ ਯੋਜਨਾਵਾਂ ਨੂੰ ਜੋੜ ਦਿੱਤਾ ਗਿਆ ਹੈ। ਹੁਣ ਇਨ੍ਹਾਂ ਯੋਜਨਾਵਾਂ ਦਾ ਲਾਭ ਨਾਗਰੀਕਾਂ ਨੂੰ ਦਰਵਾਜੇ ‘ਤੇ ਹੀ ਮਿਲ ਰਿਹਾ ਹੈ। ਪਿਛਲੇ ਦਿਨਾਂ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਜੀ ਨੇ ਜਿਸ ਮਾਲਕੀ ਯੋਜਨਾ ਨੂੰ ਪੂਰੇ ਦੇਸ਼ ਵਿੱਚ ਲਾਗੂ ਕੀਤਾ ਹੈ ਉਸ ਯੋਜਨਾ ਨੂੰ ਹਰਿਆਣਾ ਨੇ ਸੌ ਫੀਸਦੀ ਲਾਗੂ ਕਰ ਦਿੱਤਾ ਹੈ। ਇਸ ਦੇ ਨਾਲ ਨਾਲ ਹਰਿਆਣਾ ਵਿੱਚ ਨਗਰ ਦਰਸ਼ਨ ਪੋਰਟਲ ਦੀ ਸ਼ੁਰੂਆਤ ਵੀ ਕੀਤੀ ਗਈ ਹੈ।

ਸ਼ਹਿਰੀ ਸਥਾਨਕ ਨੂੰ ਬਣਾਇਆ ਸਸ਼ਕਤ

ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਸ਼ਹਿਰੀ ਸਥਾਨਕ ਸੰਸਥਾਵਾਂ ਨੂੰ ਸਸ਼ਕਤ ਅਤੇ ਪਾਰਦਰਸ਼ੀ ਬਨਾਉਣਾ ਬੇਹਦ ਜਰੂਰੀ ਹੈ। ਇਸ ਦੇ ਲਈ ਹਰਿਆਣਾ ਵਿੱਚ ਈ-ਗਵਰਨੇਂਸ ਨੂੰ ਤੇਜੀ ਨਾਲ ਅਪਨਾਇਆ ਜਾ ਰਿਹਾ ਹੈ। ਹਰਿਆਣਾ ਦੇ ਹਰ ਨਿਗਮ ਵਿੱਚ ਡਿਜ਼ਿਟਲ ਪੋਰਟਲ ਰਾਹੀਂ ਕੰਮ ਕੀਤਾ ਜਾ ਰਿਹਾ ਹੈ। ਏਆਈ ਰਾਹੀਂ ਸਮੱਸਿਆਵਾਂ ਦੇ ਹੱਲ ਹੋ ਰਹੇ ਹਨ। ਜਾਇਦਾਦ ਟੈਕਸ, ਬਿਜਲੀ ਦੇ ਬਿਲ, ਠੋਸ ਕਚਰਾ ਪ੍ਰਬੰਧਨ ਜਿਹੇ ਵਿਸ਼ਿਆਂ ‘ਤੇ ਪ੍ਰਾਥਮਿਕਤਾ ਨਾਲ ਕੰਮ ਕੀਤਾ ਜਾ ਰਿਹਾ ਹੈ। ਇਸ ਦੇ ਲਈ ਸਾਨੂੰ ਰੇਨ ਵਾਟਰ ਹਾਰਵੇਸਟਿੰਗ, ਗ੍ਰੀਨ ਬਿਲਡਿੰਗ, ਸੋਲਰ ਅਨਰਜੀ, ਇਲੈਕਟ੍ਰਿਕ ਵੀਕਲਸ ਨੂੰ ਪ੍ਰਾਥਮਿਕਤਾ ਦੇਣੀ ਹੋਵੇਗੀ। ਪਾਣੀ ਦੇ ਸੰਕਟ ਨਾਲ ਨਿੱਜਠਣ ਲਈ ਅਮ੍ਰਿਤ ਸਰੋਵਰ ਅਤੇ ਜਲ ਜੀਵਨ ਮਿਸ਼ਨ ਜਿਹੀ ਮੁਹਿੰਮਾਂ ਨੂੰ ਹਰਿਆਣਾ ਗਤੀ ਦੇ ਰਿਹਾ ਹੈ।

ਹਰਿਆਣਾ ਨੇ ਕੁੰਡਲੀ ਅਤੇ ਮਾਣੇਸਰ ਉਦਯੋਗਿਕ ਖੇਤਰਾਂ ਵਿੱਚ ਮਜ਼ਦੂਰਾਂ ਲਈ 148 ਡੋਰਮੇਟ੍ਰੀ ਯੂਨਿਟਸ ਦਾ ਕੀਤਾ ਨਿਰਮਾਣ

ਮੁੱਖ ਮੰਤਰੀ ਨੇ ਕਿਹਾ ਕਿ ਸਫਾਈ ਸਿਰਫ਼ ਮਿਸ਼ਨ ਨਹੀ, ਸਗੋਂ ਸਾਡੇ ਸੰਸਕਾਰਾਂ ਦਾ ਹਿੱਸਾ ਬਣੇ। ਸਵੱਛ ਭਾਰਤ ਅਭਿਆਨ ਦਾ ਪਹਿਲਾ ਪੜਾਅ ਜਨ-ਜਾਗਰੂਕਤਾ ਸੀ, ਦੂਜਾ ਪੜਾਅ ਇੰਫ੍ਰਾਸਟਕਚਰ ਹੈ, ਹੁਣ ਤੀਜਾ ਪੜਾਅ ਸੰਸਕਾਰ ਹੋਣਾ ਚਾਹੀਦਾ ਹੈ। ਸ਼ਹਿਰਾਂ ਨੂੰ ਕਚਰਾ ਮੁਕਤ ਕਰਨ ਲਈ ਸੌ ਫੀਸਦੀ ਸੋਰਸ ਸੇਗਰੀਗੇਸ਼ਨ, ਬਾਯੋ-ਸੀਐਨਜੀ ਅਤੇ ਸਰਕੁਲਰ ਇਕੋਨਾਮੀ ਨੂੰ ਪ੍ਰੋਤਸਾਹਿਤ ਕਰਨਾ ਹੋਵੇਗਾ। ਉਨਾਂ੍ਹ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਜੀ ਦਾ ਸੁਪਨਾ ਹੈ ਕਿ ਸ਼ਹਿਰ ਸਲਮ ਮੁਕਤ ਹੋਵੇ। ਗਰੀਬ ਨੂੰ ਪੱਕਾ ਮਕਾਨ,ਸਵੱਛ ਪਾਣੀ, ਚੰਗੀ ਬੁਨਿਆਦੀ ਸਹੂਲਤਾਂ ਅਤੇ ਪੂਰਾ ਸਨਮਾਨ ਮਿਲੇ। ਇਸ ਦਿਸ਼ਾ ਵਿੱਚ ਪੀ.ਐਮ. ਆਵਾਸ ਯੋਜਨਾ ਤਹਿਤ ਗਰੀਬ ਪਰਿਵਾਰਾਂ ਲਈ ਦੇਸ਼ ਵਿੱਚ 4 ਕਰੋੜ ਤੋਂ ਵੱਧ ਪੱਕੇ ਮਕਾਨ ਬਣ ਚੁੱਕੇ ਹਨ। ਹਰਿਆਣਾ ਵਿੱਚ ਪਹਿਲੇ ਪੜਾਅ ਵਿੱਚ ਕੁੰਡਲੀ ਅਤੇ ਮਾਣੇਸਰ ਉਦਯੋਗਿਕ ਖੇਤਰਾਂ ਵਿੱਚ ਮਜ਼ਦੂਰਾਂ ਲਈ 148 ਡੋਰਮੇਟ੍ਰੀ ਯੂਨਿਟਸ ਦਾ ਨਿਰਮਾਣ ਕੀਤਾ ਹੈ। ਉਨ੍ਹਾਂ ਨੇ ਸਾਰਿਆਂ ਨੂੰ ਅਪੀਲ ਕੀਤੀ ਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਜੀ ਦੇ ਵਿਕਸਿਤ ਭਾਰਤ ਦੇ ਸੁਪਨੇ ਨੂੰ ਪੂਰਾ ਕਰਨ ਵਿੱਚ ਸਰਗਰਮੀ ਭਾਗੀਦਾਰੀ ਨਿਭਾਉਣ

 

ਸ਼ਹਿਰੀ ਸਰਕਾਰ ਮੰਤਰੀ ਵਿਪੁਲ ਗੋਇਲ ਨੇ ਕਿਹਾ- ਸ਼ਹਿਰੀ ਸਰਕਾਰ ਉਹ ਸਰਕਾਰ ਹੈ ਜਿਨ੍ਹਾਂ ਦਾ ਜਨਤਾ ਨਾਲ ਸਿੱਧਾ ਸਬੰਧ ਹੈ

ਚੰਡੀਗੜ੍ਹ  (ਜਸਟਿਸ ਨਿਊਜ਼    )ਹਰਿਆਣਾ ਵਿਧਾਨਸਭਾ ਸਪੀਕਰ ਸ੍ਰੀ ਹਰਵਿੰਦਰ ਕਲਿਆਣ ਨੇ ਕਿਹਾ ਕਿ ਜਿਸ ਪਵਿੱਤਰ ਧਰਤੀ ‘ਤੇ ਭਗਵਾਨ ਸ਼੍ਰੀਕ੍ਰਿਸ਼ਣ ਨੇ ਸੰਪੂਰਨ ਮਨੁੱਖਤਾ ਨੂੰ ਗੀਤਾ ਗਿਆਨ ਅਤੇ ਕਰਮ ਦਾ ਸਨੇਹਾ ਦਿੱਤਾ, ਉਸੇ ਧਰਤੀ ‘ਤੇ ਦੇਸ਼ਭਰ ਦੇ ਰਾਜਿਆਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ ਸ਼ਹਿਰੀ ਸਥਾਨਕ ਸੰਸਥਾਵਾਂ ਦੇ ਪ੍ਰਤੀਨਿਧੀਆਂ ਦਾ ਕੌਮੀ ਸੰਮੇਲਨ ਆਯੋਜਿਤ ਹੋਣਾ, ਨਾ ਸਿਰਫ਼ ਹਰਿਆਣਾ ਵਿਧਾਨਸਭਾ ਸਗੋਂ ਪੂਰੇ ਰਾਜ ਲਈ ਮਾਣ ਦਾ ਵਿਸ਼ਾ ਹੈ। ਇਹ ਕੌਮੀ ਸੰਮੇਲਨ ਵੱਖ ਵੱਖ ਰਾਜਿਆਂ ਵੱਲੋਂ ਅਪਣਾਈ ਗਈ ਵਿਕਾਸ ਦੀ ਚੰਗੀ ਪ੍ਰਕਿਰਿਆਵਾਂ ਦੇ ਪ੍ਰਸਾਰ ਵਿੱਚ ਸ਼ਹਿਰੀ ਸੰਸਥਾਵਾਂ ਲਈ ਮਾਰਗਦਰਸ਼ਕ ਬਣੇਗਾ। ਸ੍ਰੀ ਕਲਿਆਣ ਵੀਰਵਾਰ ਨੂੰ ਮਾਣੇਸਰ ਵਿੱਚ ਪ੍ਰਬੰਧਿਤ ਦੇਸ਼ ਦੇ ਸ਼ਹਿਰੀ ਸਥਾਨਕ ਸੰਸਥਾਵਾਂ ਦੇ ਪਹਿਲੇ ਕੌਮੀ ਸੰਮੇਲਨ ਵਿੱਚ ਸੁਆਗਤ ਸੰਬੋਧਨ ਕਰ ਰਹੇ ਸਨ। ਵਿਧਾਨਸਭਾ ਸਪੀਕਰ ਨੇ ਦੱਸਿਆ ਕਿ ਇਹ ਦੋ ਦਿਨਾਂ ਦੇ ਸੰਮੇਲਨ ਸ਼ਹਿਰੀ ਸਥਾਨਕ ਸੰਸਥਾਵਾਂ, ਪੰਚਾਇਤੀ ਰਾਜ ਸੰਸਥਾਵਾਂ, ਮਹਿਲਾਵਾਂ ਅਤੇ ਨੌਜੁਆਨਾਂ ਨੂੰ ਸਮਰਪਿਤ ਹੈ। ਸੰਮੇਲਨ ਵਿੱਚ ਸੰਵਾਦ ਅਤੇ ਚਰਚਾ ਰਾਹੀਂ ਜੋ ਚੰਗੀ ਪ੍ਰਕਿਰਿਆਵਾਂ ਅਤੇ ਨਵੇ ਵਿਚਾਰ ਸਾਹਮਣੇ ਆਉਣਗੇ, ਉਨ੍ਹਾਂ ਨੂੰ ਜਨ ਪ੍ਰਤੀਨਿਧੀ ਆਪਣੇ ਆਪਣੇ ਖੇਤਰਾਂ ਵਿੱਚ ਲਾਗੂ ਕਰਣਗੇ। ਹਰਿਆਣਾ ਦੀ ਧਰਤੀ ‘ਤੇ ਮਿਲੇ ਤਜ਼ਰਬੇ ਨੂੰ ਦੇਸ਼ਭਰ ਵਿੱਚ ਪ੍ਰਸਾਰਿਤ ਕੀਤਾ ਜਾਵੇਗਾ। ਵਿਧਾਨਸਭਾ ਸਪੀਕਰ ਨੇ ਇਹ ਵੀ ਦੱਸਿਆ ਕਿ ਹਾਲ ਹੀ ਵਿੱਚ ਪਟਨਾ ਵਿਖੇ ਆਯੋਜਿਤ ਰਾਜਿਆਂ ਦੀ ਵਿਧਾਨਸਭਾਵਾਂ ਦੇ ਪ੍ਰੀਜ਼ਾਈਡਿੰਗ ਅਧਿਕਾਰੀਆਂ ਦੇ ਸੰਮੇਲਨ ਵਿੱਚ ਜੋ ਪ੍ਰਸਤਾਵ ਪਾਰਿਤ ਕੀਤੇ ਗਏ ਸਨ, ਉਨ੍ਹਾਂ ਦਾ ਸਮਰਥਨ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਆਪਣੇ ਬਜਟ ਭਾਸ਼ਣ ਵਿੱਚ ਵੀ ਕੀਤਾ ਹੈ।

ਆਪਣੇ ਸੁਆਗਤ ਸੰਬੋਧਨ ਵਿੱਚ ਉਨ੍ਹਾਂ ਨੇ ਕਿਹਾ ਕਿ ਵਿਧਾਨਕ ਸੰਸਥਾਵਾਂ ਜਿਨ੍ਹਾਂ ਵਿੱਚ ਸੰਸਦ, ਵਿਧਾਨਸਭਾਵਾਂ, ਸ਼ਹਿਰੀ ਸੰਸਥਾਵਾਂ ਅਤੇ ਪੰਚਾਇਤਾਂ ਮਿਲ ਕੇ ਇੱਕ ਮਜਬੂਤ ਲੋਕਤੰਤਰ ਦਾ ਨਿਰਮਾਣ ਕਰਨ, ਇਸੇ ਟੀਚੇ ਨੂੰ ਲੈਅ ਕੇ ਅੱਜ ਇਹ ਸੰਮੇਲਨ ਪ੍ਰਬੰਧਿਤ ਕੀਤਾ ਜਾ ਰਿਹਾ ਹੈ। ਇਹ ਪਹਿਲ ਆਉਣ ਵਾਲੀ ਪੀਢਿਆਂ ਲਈ ਲਾਭਕਾਰੀ ਸਾਬਿਤ ਹੋਣਗੀਆਂ। ਸੰਮੇਲਨ ਦੇ ਉਦਘਾਟਨ ਸ਼ੈਸਨ ਵਿੱਚ ਵਿਧਾਨਸਭਾ ਸਪੀਕਰ ਹਰਵਿੰਦਰ ਕਲਿਆਣ ਅਤੇ ਡਿਪਟੀ ਸਪੀਕਰ ਡਾ. ਕ੍ਰਿਸ਼ਣ ਲਾਲ ਮਿੱਡਾ ਨੇ ਮੁੱਖ ਮਹਿਮਾਨ ਅਤੇ ਹੋਰ ਮਾਣਯੋਗ ਮਹਿਮਾਨਾਂ ਨੂੰ ਸ੍ਰੀਮਦਭਗਵਦ ਗੀਤਾ ਭੇਂਟ ਕਰ ਉਨ੍ਹਾਂ ਦਾ ਸੁਆਗਤ ਕੀਤਾ।

ਸ਼ਹਿਰੀ ਸੰਸਥਾ ਉਹ ਸਰਕਾਰ ਹੈ ਜਿਨ੍ਹਾਂ ਦਾ ਜਨਤਾ ਨਾਲ ਸਿੱਧਾ ਸਬੰਧ ਹੈ- ਵਿਪੁਲ ਗੋਇਲ

ਸ਼ਹਿਰੀ ਸੰਸਥਾ ਪ੍ਰਧਾਨਾਂ ਦੇ ਕੌਮੀ ਸੰਮੇਲਨ ਵਿੱਚ ਹਰਿਆਣਾ ਸਰਕਾਰ ਦੇ ਸ਼ਹਿਰੀ ਸੰਸਥਾ ਅਤੇ ਮਾਲ ਮੰਤਰੀ ਵਿਪੁਲ ਗੋਇਲ ਨੇ ਕਿਹਾ ਕਿ ਸ਼ਹਿਰੀ ਸਥਾਨਕ ਸੰਸਥਾ ਨਾਗਰਿਕ ਸੇਵਾ ਅਤੇ ਨਾਗਰਿਕ ਸੰਪਰਕ ਦੀ ਪਹਿਲੀ ਅਤੇ ਮੁੱਖ ਕੜੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਸ਼ਹਿਰੀ ਸੰਸਥਾ ਉਹ ਸਰਕਾਰ ਹੈ ਜਿਨ੍ਹਾਂ ਦਾ ਜਨਤਾ ਨਾਲ ਸਿੱਧਾ ਸਬੰਧ ਹੈ। ਲੋਕਤੰਤਰ ਦੀ ਸਭ ਤੋਂ ਛੋਟੀ ਨਹੀਂ ਸਗੋਂ ਸਭ ਤੋਂ ਵੱਧ ਮਹੱਤਵਪੂਰਨ ਅਤੇ ਸੰਵੇਦਨਸ਼ੀਲ ਇਕਾਈ ਹੈ। ਉਨ੍ਹਾਂ ਨੇ ਸੰਮੇਲਨ ਵਿੱਚ ਪਹੁੰਚੇ ਲੋਕਸਭਾ ਸਪੀਕਰ ਸ੍ਰੀ ਓਮ ਬਿਰਲਾ, ਮੁੱਖ ਮੰਤਰੀ ਸ੍ਰੀ ਨਾਹਿਬ ਸਿੰਘ ਸੈਣੀ, ਹਰਿਆਣਾ ਵਿਧਾਨਸਭਾ ਸਪੀਕਰ ਸ੍ਰੀ ਹਰਵਿੰਦਰ ਕਲਿਆਣ ਅਤੇ ਦੇਸ਼ਭਰ ਤੋਂ ਆਏ ਸ਼ਹਿਰੀ ਸੰਸਥਾਵਾਂ ਦੇ ਜਨ ਪ੍ਰਤੀਨਿਧੀਆਂ ਦਾ ਧੰਨਵਾਦ ਕੀਤਾ।

ਲੋਕਸਭਾ ਸਪੀਕਰ ਸ੍ਰੀ ਓਮ ਬਿਰਲਾ ਨੇ ਕੀਤਾ ਪਹਿਲੇ ਦੋ ਦਿਨਾਂ ਦੇ ਸ਼ਹਿਰੀ ਸਥਾਨਕ ਕੌਮੀ ਸੰਮੇਲਨ ਦਾ ਉਦਘਾਟਨ

ਲੋਕਸਭਾ ਸਪੀਕਰ, ਮੁੱਖ ਮੰਤਰੀ ਸ੍ਰੀ ਨਾਹਿਬ ਸਿੰਘ ਸੈਣੀ ਅਤੇ ਵਿਧਾਨਸਭਾ ਸਪੀਕਰ ਸ੍ਰੀ ਹਰਵਿੰਦਰ ਕਲਿਆਣ ਨੇ ਦੀਪ ਜਲਾ ਕੇ ਕੀਤਾ ਸੰਮੇਲਨ ਦਾ ਉਦਘਾਟਨ

ਚੰਡੀਗੜ੍ਹ ( ਜਸਟਿਸ ਨਿਊਜ਼   ) ਲੋਕਸਭਾ ਸਪੀਕਰ ਸ੍ਰੀ ਓਮ ਬਿਰਲਾ ਨੇ ਕਿਹਾ ਕਿ ਲੋਕਤੰਤਰ ਨੂੰ ਮਜਬੂਤ ਬਨਾਉਣ ਵਿੱਚ ਸ਼ਹਿਰੀ ਸੰਸਥਾਵਾਂ ਦੀ ਮੁੱਖ ਭੂਮੀਕਾ ਹੈ। ਸ਼ਹਿਰੀ ਸੰਸਥਾ ਜਨ ਪ੍ਰਤੀਨਿਧੀਆਂ ਦੇ ਨਵੀਂ ਵਿਚਾਰ ਪੱਧਤੀ, ਸਸ਼ਕਤ ਮਾਰਗਦਰਸ਼ਨ ਅਤੇ ਵਿਵਹਾਰ ਕੁਸ਼ਲਤਾ ਨਾਲ ਵਿਕਸਿਤ ਭਾਰਤ ਦੇ ਵਿਜ਼ਨ-2047 ਨੂੰ ਸਾਹਮਣੇ ਰੱਖ ਆਪਣੀ ਜਿੰਮੇਦਾਰੀ ਨਿਭਾਣੀ ਹੋਵੇਗੀ। ਉਨ੍ਹਾਂ ਨੇ ਕਿਹਾ ਕਿ ਸਾਰੇ ਸੰਕਲਪ ਲੈਣ ਕਿ ਮੇਰਾ ਨਿਗਮ, ਮੇਰੀ ਪਰਿਸ਼ਦ ਅਤੇ ਮੇਰੀ ਨਗਰ ਪਾਲਿਕਾ ਅਤੇ ਮੇਰਾ ਸ਼ਹਿਰ ਦੁਨਿਆ ਦੇ ਸਵੱਛ ਅਤੇ ਸੁੰਦਰ ਸ਼ਹਿਰਾਂ ਵਿੱਚ ਇੱਕ ਹੈ।

ਲੋਕਸਭਾ ਸਪੀਕਰ ਵੀਰਵਾਰ ਨੂੰ ਮਾਣੇਸਰ ਸਥਿਤ ਆਈਕੈਟ-2 ਕੰਪਲੈਕਸ ਸਭਾਗਾਰ ਵਿੱਚ ਸਵੈਧਾਨਿਕ ਲੋਕਤੰਤਰ ਨੂੰ ਮਜਬੂਤ ਕਰਨ ਅਤੇ ਰਾਸ਼ਟਰ ਨਿਰਮਾਣ ਵਿੱਚ ਸ਼ਹਿਰੀ ਸਥਾਨਕ ਸੰਸਥਾਵਾਂ ਦੀ ਭੂਮੀਕਾ ਵਿਸ਼ੇ ‘ਤੇ  ਪ੍ਰਬੰਧਿਤ ਪਹਿਲੇ ਦੋ ਦਿਨਾਂ ਦੇ ਕੌਮੀ ਸੰਮੇਲਨ ਵਿੱਚ ਦੇਸ਼ਭਰ ਤੋਂ ਆਏ ਜਨ ਪ੍ਰਤੀਨਿਧੀਆਂ ਨੂੰ ਸੰਬੋਧਿਤ ਕਰ ਰਹੇ ਸਨ।

ਸੰਮੇਲਨ ਵਿੱਚ ਬਤੌਰ ਮੁੱਖ ਮਹਿਮਾਨ ਸ੍ਰੀ ਓਮ ਬਿਰਲਾ ਨੇ  ਦੀਪ ਜਲਾ ਕੇ ਵਿਧਿਵਤ ਰੂਪ ਨਾਲ ੇ ਦੋ ਦਿਨਾਂ ਦੇ ਕੌਮੀ ਸੰਮੇਲਨ ਦਾ ਉਦਘਾਟਨ ਕੀਤਾ। ਇਸ ਮੌਕੇ ‘ਤੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ, ਹਰਿਆਣਾ ਵਿਧਾਨਸਭਾ ਸਪੀਕਰ ਸ੍ਰੀ ਹਰਵਿੰਦਰ ਕਲਿਆਣ, ਡਿਪਟੀ ਸਪੀਕਰ ਡਾ. ਕ੍ਰਿਸ਼ਣ ਲਾਲ ਮਿੱਡਾ, ਉਦਯੋਗ ਅਤੇ ਵਣਜ ਮੰਤਰੀ ਰਾਓ ਨਰਬੀਰ ਸਿੰਘ, ਸ਼ਹਿਰੀ ਸਰਕਾਰ ਮੰਤਰੀ ਵਿਪੁਲ ਗੋਇਲ ਲੋਕਸਭਾ ਸਕੱਤਰੇਤ ਦੇ ਸਕੱਤਰ ਜਨਰਲ ਸ੍ਰੀ ਉਤਪਲ ਕੁਮਾਰ ਸਿੰਘ ਵੀ ਮੌਜ਼ੂਦ ਰਹੇ।

ਲੋਕਸਭਾ ਸਪੀਕਰ ਨੇ ਕਿਹਾ ਕਿ ਸ਼ਹਿਰੀ ਸੰਸਥਾਨਕ ਜਨ ਪ੍ਰਤੀਨਿਧੀ ਸਕਾਰਾਤਮਕ ਦ੍ਰਿਸ਼ਟੀਕੋਣ ਨਾਲ ਕਦਮ ਵਧਾਉਣ ਤਾਂ ਉਹ ਯਕੀਨੀ ਤੌਰ ‘ਤੇ ਸ਼ਹਿਰੀ ਖੇਤਰ ਨੂੰ ਊਰਜਾਵਾਨ ਬਣਾ ਸਕਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਦੇਸ਼  ਨੂੰ ਨਵੀਂ ਦਿਸ਼ਾ ਦੇਣ ਵਿੱਚ ਰਾਸ਼ਟਰ ਦੀ ਸਭ ਤੋਂ ਛੋਟੀ ਇਕਾਈ ਵੱਜੋਂ ਕੰਮ ਕਰ ਰਹੀ ਸ਼ਹਿਰੀ ਸੰਸਥਾਵਾਂ ਮਜਬੂਤੀ ਨਾਲ ਅੱਗੇ ਵੱਧ ਰਹੀਆਂ ਹਨ। ਇਨ੍ਹਾਂ ਦੋ ਦਿਨਾਂ ਵਿੱਚ ਰਾਸ਼ਟਰ ਹੱਕ ਵਿੱਚ ਸ਼ਹਿਰੀ ਸੰਸਥਾਵਾਂ ਦੇ ਪ੍ਰਤੀਨਿਧੀ ਚਰਚਾ, ਸੰਵਾਦ, ਨਵਾਚਾਰ ਅਤੇ ਆਪਣੇ ਕੁਸ਼ਲ ਤਜ਼ਰਬਿਆਂ ਨੂੰ ਰੱਖਦੇ ਹੋਏ ਮਿਲ ਕੇ ਨਵਾਂ ਭਾਰਤ ਵਿਕਸਿਤ ਭਾਰਤ ਦੇ ਸੁਪਨੇ ਨੂੰ ਸਾਕਾਰ ਕਰਨ ਵਿੱਚ ਆਪਣੀ ਭਾਗੀਦਾਰੀ ਨਿਭਾਉਣਗੇ।

ਉਨ੍ਹਾਂ ਨੇ ਕਿਹਾ ਕਿ ਰਾਸ਼ਟਰ ਨਿਰਮਾਣ ਵਿੱਚ ਸ਼ਹਿਰੀ ਸੰਸਥਾਨਕ ਸੰਸਥਾਵਾਂ ਦੀ ਮੁੱਖ ਭੂਮੀਕਾ ਹੈ ਜਿੱਥੇ ਜਨਪ੍ਰਤੀਨਧੀ ਜਮੀਨੀ ਪੱਧਰ ‘ਤੇ ਲੋਕਾਂ ਦੀ ਸਮੱਸਿਆਵਾਂ ਦਾ ਹੱਲ ਕਰਣਗੇ। ਉਨ੍ਹਾਂ ਨੇ ਕਿਹਾ ਕਿ ਲੋਕਸਭਾ, ਵਿਧਾਨਸਭਾ ਦੇ ਨਾਲ ਨਾਲ ਹੀ ਸ਼ਹਿਰੀ ਅਤੇ ਪੰਚਾਇਤੀ ਸੰਸਥਾਵਾਂ ਆਮਜਨ ਨਾਲ ਜੁੜਾਵ ਦਾ ਸਸ਼ਕਤ ਮੀਡੀਅਮ ਬਣਦੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਥਾਨਕ ਸਵੈ-ਸ਼ਾਸਨ ਲੋਕਤੰਤਰ ਦਾ ਮਜਬੂਤ ਥੰਭ ਹੈ। ਲੋਕਤੰਤਰ ਨੂੰ ਜੜਾਂ ਤੱਕ ਪਹੁੰਚਾਉਣ ਵਿੱਚ ਨਗਰੀ ਸੰਸਥਾਵਾਂ ਦੀ ਭੂਮੀਕਾ ਸਭ ਤੋਂ ਅਹਿਮ ਹੈ।